منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عيد بحر الزجل

اذهب الى الأسفل

عيد بحر الزجل Empty عيد بحر الزجل

مُساهمة من طرف salomon في 4/1/2010, 11:24 pm

قديش قاسي يا عمر وعليك
بدعي تا الله يقصّر سنينك
شو عملت فيي وليش هادر هيك
فزعان نعرف يا عمر مينك

*****
انتي حقيقة ومشنقة أحلام
وسنين عم تكبر وجع وتشيخ
ولوما وجودك نامت الأيام
متل الدهور بفرشة التاريخ

*****

شو باك عم تركض ورانا وقاف
خليّك رايق يا عمر أرجوك
لونّت شعرات الصبا نفناف
وكل الصبايا ليش ما حبّوك

****
من جهتّي بحبك يا عمر كتير
وبعيش حتّى تطول أيامي
وكلما المرايي بشوفها بكير
بشوفك أمل مقطوع قدّامي

***

شو قصتك يا عمر خبرنا
عا الكوع ليشك عمر ناطرنا
ونحنا بنركض خلفك مجانين
تعبنا وراك كتير ختيرنا

***
واليوم عيدي وخايف من الناس
تفكّر كبرت يحس جمهوري
ويطير عمري بنسمة الأحساس
ويفوح عطري وتدبل زهوري


****
تركني يا عمري شب بترجاك
وسكّر بواب العمر وانساني
تركلي ببيتي درفة الشبّاك
وتكون عا الشباك سهراني

****
بحر الزجل
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عيد بحر الزجل Empty رد: عيد بحر الزجل

مُساهمة من طرف 7arf في 4/2/2010, 8:37 pm


ياعمر وينك قــــــــــفّ لاتعادي
تأهب وحاجي تخـــــوّف ولادي
راكض بوادي نهرك السـكــران
وصعبة ان رد النـهــر بالـوادي

إلنا عمر عم نقـشعـــك هربـــان
حامل عذاب الخـــــوف زوادي
بترعى قطيع الهم يافجـــــــعان
وحاطط عاتمك دم بـتـنــــــادي

بتخايلك مجـــــــــرم بلا وجدان
لما بتسطــــــي عـازهـــر نادي
ياعود لا نغـمــــــي ولا دوزان
مافرّق بأوتـــــــــار عـــــوّادي

بعـــز الصبا بتهيـّر الأكـفـــــان
ومـش عم تغير بعدك العــــادي
بتقطف ورد مزروع بالبســـتان
قلبي جرحت وليك عم نـــــادي

قرّب ولا يهـمّـك أنا إنـــســـان
ناذر حياتو نـذر مايعـــــــــادي
وختيار خذنـي وردني خلقـــان
من جديـد إرجع طفل بـيــدادي

ولوما الكبر بيغـيـّـر العــــدان
مافاح عطر الورد يابــــــلادي
ولوما حلي العنقود ياإخـــوان
ماطاب خمر الخابية الهـــادي

وهلّق تاعييد صاحبي سليـمان
بإحساس ربو بصدق بينـــادي
يارب تجمعنا سوا بلبـنــــــان
وعقبال ميةّ عام عم صلــــيّ
يعيش العمر عمرين وزيـادي
===========




عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

عيد بحر الزجل Empty رد: عيد بحر الزجل

مُساهمة من طرف علي عامر في 4/8/2010, 5:27 am


العمر الطويل يا رب

تحيّات

علي عامر
علي عامر
شاعر

عدد الرسائل : 320
العمر : 36
تاريخ التسجيل : 04/08/2007

http://www.paperstan.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى