مقتطفات للشاعر موسى زغيب

من طرف **7arf** 6/19/2007, 7:26 am

مخاطبا الحسون بالقفص

إنت ونايم بهالقفص

......

بتحلم بغابة من شجر وغصون

وغير بالحلم ما بتقشع الغابي
إنت وأنا طيرين يا حسون

أحلامنا بتضل كذابي

لو ما بغنّي ما كنت بنحب

وإنت صورة مزغّرة عني
لو كان صوتك مش هبه من الرب

وكل ما صدح بيخفّف العني
كانوا البشر ما بيشترولك حب

وما بيطعموك تا تضللك تغنّي

ثوبي قماش وإنت ثوبك ريش

وبدنا نموت وكلها موتي
إنت وأنا بصواتنا منعيش

الله يخلّي صوتك وصوتي
*****
فلسفة
....
صمت الصخور بيكتم الأسرار
مين المرق فوقو مـــــــــــابيقلك
بس الشواطي رملها ثرثــــــــار
بترسملك الدعســـــــــات تادلّـك
************

من طرف salomon 6/19/2007, 9:40 am

عزيمة

الكاس وانا وحلوة صغيرة مدللي
بالسبا طعشرعام ازهى مرحلي
التفتت وشافت ست جاي معجلي
وقالت اجت امي وقعنا بمشكلي
هربتها وقلتلها بسرعة نزلي
عاهالدراج وخلفك الباب قفلي
وصلت الست من الغضب تغلي غلي
وتصرخ وتضرب كفها عالطاولي
قلتلها بعدك صبية مدللي
وبتعرفي القيمة ما لازم تزعلي
اجتني عاهالمطعم عزيمي مدوبلي
وعزمت بنتك ليش كل هالبهدلي
قالت عزيمة وليل ساحر مخملي
وسكر وحلا وليل وصبابة وترغلي
ابقا اذا بتريد مرة ثانية
وفر تعب عالبنت واعزمني الي

من طرف salomon 7/2/2007, 9:35 am

الجيش

كان الزمان مسرسب وتعبان
وقاعد..ما بين السر والمجهر
يخزق ورق..يحفر على الصوان
لون الكرامه ببدلة العسكر
ويقول..يا جيش الوطن عطشان
وانت الرجا.والنبع والكوثر
غيرك..عا طاولة الورق سهران
وانت..على حفظ الأمن عمتسهر
ومن جرحك على صخرة الأيمان
بتكتب كرامتنا بحبر أحمر
تغير وجوه كتار..في لبنان
ووجهك حقيقي..ما بيتغير

الشاعر موسى زغيب

مقتطفات للشاعر موسى زغيب

مقتطفات للشاعر موسى زغيب

ملك الزجل

M