الى الكذاب الكبير

عن مين عم تحكوا يا ها الشعّار
عن شخص يمكن بعرفوا قولوا
بحياة ربّك قول حاجي خبار
يمّا خطيي بيوت ودّولوا
البيكذّب على الناس أكبر عار
بيصير كل نهار يدعولوا
أو يمكن يصدّق بإنو صار
شاعر زجل وبخاف يا حرّوف
بين البشر يتفركش بطولو

بحر الزجل

[ندعوك للتسجيل في المنتدى أو التعريف بنفسك لمعاينة هذا الرابط]

تزكرت موضوع بمشتاوي لشاعرين كبار العم امطانيوس وللمارد

شوفو يا شباب واذا الأخ حرف بينقلو بيكون ممنونو لأنو هوي المسؤول قضائيا
عن الموقع

بحر الزجل

يا حرف نقال كل الكاتبينو
بركي بيفهم بيعرق جبينو
لأنو بيغلط الأنسان مرة
وما لازم يغلط بنرجع ندينو
عرفت قصة غريبة وكنت برا
ومن شعّار نتّك شافطينو
والأغلاط عندن مسمرة
وما بعرف ليش ها الشعار خبثا
الشعر صاروا لبرا ناقلينو


بحر الزجل

انا يا حرف ما بحب الشماتي
وعا انترنيت عامل واجباتي
وما بقبل ينسرق شعري الموقر
لأني ما سرقت مرة بحياتي
انا سامحت بس الشعر أخبر
كيف بينعصر خمرة دواتي
وانتي بالنحت عا النت أخبر
ان عليك بيهجمو تلاتي تلاتي
اذا ما بتعصر الكلمة بدفتر
ما فيك ترد هجماتي اللواتي
لها الأسباب بو شربول زكّر
لأنو بالزجل ما في حبيبي
ما رح ارحم اذا ما رحمت زاتي

بحر الزجل

مرق ايام كنت بدون عدّة
وما عندي نت بالمشوار حدي
وصلني من حبيب القلب صورة
وعتاب القلب تلتينو مودة
ولأنو لهفة الشاعر غيورة
اعتبرت اللي جرا منّو تحدي
ولمّا رجعت شفتو بالندورة
رجع نفس العتاب وقال بدي
تركع عا التراب وعا الصخورة
تا يغفر غلطي بتهديد جدي
انتفضت على الظلم متل النسورة
وصار الدم يزرف فوق خدي
وقلت ما بنحني غير بالديورة
واذا بدك قصيدة طلاب مني
ولا تسرق جوهرة انكتبت بيدّي

بحر الزجل

يا حرف الفلسفة بدها شطارة
ودراسي بالكتب مش بالسفارة
وتا إرجع نفّض الكتب السميكي
عصرت الروح بكفوف الحرارة
ويا نفسي الكذب تا تغطي ما فيكي
لأنو الشاعر العندو غزارة
بيشكر يا سما نجوم اللي فيكي
على الألهام تا يجوهر عبارة
ويا شعّار لو مرة عطيكي
حرف او بحر رب الارتجالي
ما لازم ترشقينا بالحجارة

بحر الزجل

تعي يا قافية فوتي بخيالي
انا وحرف القصيدة الأرتجالي
عطينا بحور الله شاعريي
وما بدنا غير يبقا الشعر عالي
اذا شي نهار بيزتوا عليي
حجارة بضل سلمي بلا قتالي
لأنو الشاعر العندو قضية
ما فيه يرد عا زيز الحقالي
ويا عمّار يا رفيقي يا خيي
انتي كبير يا كوكب خيالي
قلّو ل حرف ينسا ولو عليي
بنسا بس ما بضحك عا حالي
اللي السرقو محاورتنا بسوء نيي
هودي مين ماضيلون كفالي
غير الحقد وعيون الأذية
وما بدنا ينسرق شاعر معنى
وعلينا تنينا نصون الرسالة


بحر الزجل

يا تشتوش المعاني والقوافي
بلاها ها البلاهة والسخافي
ما قادر تكتوب لوحك تعوّد
بلا عمار يعطيه العوافي
ما علمي انت شاعرنا المجدد
مواقع فنّا بثورة ثقافة
تاري عقلك اليومي تردد
بطق الشعر طيفك ضل قافي
انا غيوم السما من الجو بدد
وحملت المنتدى لفوق المجرة
وتركتك انت تلعب عا كتافي


بحر الزجل