فكرنا الليلي عمرت !!!!

من طرف **7arf** 10/3/2010, 1:28 am

بين الأول والتــــــــــــــــــاني = قلت الليلي عمــــراني
ومش عارف من إسم الحرف = ليـش العــالم هربــاني
= = = = = = = = = = = = = = =

خبرني مرة عمـــــــــــــــار = عن حسون بيحكي الحق
ومش عارف هلق شو صار = تسكّــــــر بابو لما اندق
وتانحكي بموجز أخــــــــبـار = وينك ياسليمان تطــــــق
هربتوا من حرف الجبــــــار = الصاين شعر اللبنــــاني

= = = = = = = = = = = = = = = =

من طرف علي عامر 10/3/2010, 7:52 pm

لو هربو منبقى ابطال = نحلّ محلّن يا حرّوف
نقدّ السبع بكلّ مجال = من روح الشعر الموصوف
ويا صاين مجد الازجال = ع قبالي ان جرّبت تطوف
منتوف بترجع يا خال = بسوط الكلمه بقصداني

من طرف **7arf** 10/3/2010, 9:34 pm

طلبت اللبناني ومابخــــــاف = تابارز شاعر ســــوري
النفسيتو وأفكارو نظــــــاف = مش متلك قسمةّ نوري

عقلاتك جربت خفـــــــــاف = ومفـكّـــر حـالك دوري
ومين جرّب المجرّب شاف = أحلالــــــو مايرد عليك
وتبقى فكارو خرباني
= = = = = =

من طرف علي عامر 10/3/2010, 10:28 pm

شو هـ العجروف المنزوع = لا في كلمه ولا نغمه
صرلو عمر يشدّ طلوع = وبعدو بيغرق بالنقمه
فكاري خربانه وممنوع = تمزح مع نوري القسمه
ضلّك بالعتمه موجوع = ولا تقبل يا ثقل الدم
تتنوّر من ألواني

من طرف **7arf** 10/3/2010, 11:56 pm

العيطلك عامر غلطــــــان = مـاعرفك غلطة جـايي
من إسمك عقلك خربــــان = لســــــانك بدو تربـايي
وع الحرف انطولت لسان = قص لســـان الحربايي
الضنت بتــبيع الإلــــــوان = وقامت فتحــت دكاني
= = = = = = =
ياويلي عليك بدك كتير مع عمك حرف بعد هههههه

من طرف علي عامر 10/4/2010, 12:13 am

بتعرفني عمّرت براج = مجد الشعر بافكاري
ليش تزوّر والازعاج = تفلت عا منبر ناري
وبلسان النار الوهّاج = متلك ثعلب م بداري
بيلعب بحروف الانتاج = ببيعو الموت ومجّاني

ولا يهمّك ما هي مشكله كتير او قليل بسيطه
يا ويلي يا ويلك كلّو ماشي
خيي انت

من طرف **7arf** 10/4/2010, 12:15 am

لاتلعب مع سبع الغـــــاب = بضحكةّ بطة تـتـفـقـفـــق
عرفنا الضحك بلا أسباب = شو مســــوّي فيك ودقــق
مـمـــــــكن تعملك دولاب = وشــــاعـر تشحط وتحقق
لكن صعب ترد جــــواب = بفكـــــر الشعـر الإنساني

= = = = = = = = = = = = = = =

من طرف علي عامر 10/4/2010, 2:49 am

شو باك محمّلني جميل = وكرمك يا عيني ماحل
شعرك من وحي التدجيل = متلك بعيوبك واحل
ومش سبع بعصر التنكيل = مسبوع وعظمك ساحل
وفكرك ضاحل يا قلقيل = والمنطق فيك خيانه

من طرف salomon 10/4/2010, 5:51 am

شو القصة معكن شو صار***وشو عم تحكي يا حرّوف
مش عارفني شاعر نار***ومني آكل خمس كفوف
وينّوي الشاعر عمّار***يلاقيني ويخش دفوف
مش رح حاور شعرا زغار***بدي عنتر أو هاني

بحر الزجل

زيحو يا ولاد جايي عمكن بو شربل

من طرف حسن كوتراني 10/4/2010, 6:03 am

كلما جربنا نهديك *** لنور الحق الفجرو انشق
بتنفش ريشك متل الديك *** وبحناكك بتبلش طق
حتى لو جينا نرثيــك *** ونحكي بحقك كلمة حق
لا الخشخاشي بتقبل فيك *** ولا قبلاني الجباني
[center]

من طرف علي عامر 10/4/2010, 6:08 am

يا سلّو بليل الاشعار = لا تهجم عا اشرس فهد
وت تجابه متلي جبّار = لازم تصرف عمرك سهد
تصبّ من ورود الافكار = روح الطيب وسرّ الشهد
مش تنزع جوّ الاثار = بحكي ركيك سليماني

من طرف rabeaa 10/5/2010, 2:03 am

بعدو يا عامــر عاميك = جهلك من ايام الطيــش
كل ما بتوقف عبيرميك =وزهقت من لمّك حرفيـش
مش قـاصد إني اقسـيك =لكـن قـاصد اعـرف ليــش
قبالك شايف اطلنتيـك =ومتـلك مــش سبـيـح منيـح
عبـيـهـجم عالعمياني

من طرف علي عامر 10/5/2010, 2:39 am

شو لك يا فصعون الشعر = بمجال المتلي عملاق
انت بضاعه رخيصه السعر = ونحنا كبار من الاخلاق
لا تمشي بدروب الوعر = اصبر كرمال الخلاّق
حاج صياح وحاجه جعر = تهدّى وروق بدرب الحلم
يا ربّوعه الجربانه

والله يا مغربي ما حدا عص ع ذيلك شاطر تحامي عن السرّاق

من طرف **عمار البراضعي** 10/5/2010, 3:00 am

دشرلي البتشوفو ركيـك = تانعلّي صروح الكلمة
وباقات حروفـي إهديـك = وبالملقى حقــق حلمي
والحرف البدّو يعــاديـك = يلاقيني ان كنـو زلمي
وعاضهر الأبجر جاييك = بشعر نبـوغ الذبـيـاني

* * * * * * * * * * * * * * * *

من طرف salomon 10/5/2010, 3:23 am

يا خربان لسانك صون***ولا تفلّت عا رفيق العمر
ربعة شاعر عندو فنون***وكفوفو من خدودك حمر
ههههههه
عم نتسلّى وبدنا تكون***مهذّب لا تمشي عا الجمر
والا شاعر برحليون***بيغضب وبيقسا وبشد
عليك بوزن سليماني

هههههههه
بتعرف الوزن السليماني هيدا اللي اخترعو الدكتور اياد قحوش

من طرف **عمار البراضعي** 10/5/2010, 3:33 am

تاننصف جيبوا شعــار = تنين يفــــوتوا ضد تنين
ميلي نور وميلي نــار = الكلمة نضوي عالميلين
لاتحكوا بلون الشحتار = وتانشوف البيرجح عـين
عامر وبجنبو عمـــار = الخلوا السهرة حليــــاني

* * * * * * * * * * * * * * * *

من طرف salomon 10/5/2010, 3:38 am

تركلي ربعة وبقبل ضل***حدو رفيقي بالسهرات
وبوسّع للحرف محل***وبنعمول اجمل جوقات
ورح اتركلك عامر خل***يخلخلك عمرك بالزات
بيفلحلك بالتيم الجل***رقبة عامر حرزاني

ههههههههههه
بحر الزجل

من طرف **7arf** 10/5/2010, 3:41 am

ياعمار هديتك فـــــل = عن علمي كنت تحــبو
ياسكّر موقعنا وفــــــل = بابربي المابيتربـــوا
كلما حرف السيف بسل = الكل قبالي بيتخبـــوا
وحدّك لو بيكونوا الكـل = مابتنجوا من قضباني
= = = = = = = = = = = = = = =

من طرف salomon 10/5/2010, 3:44 am

يا عامر شعرك درّاق***وكوسا ومحشي وبيتنجان
ما بتقدر تكتب عا وراق***بتكتوب عا البيت الخربان
هههههه
تركنا وموقع حرف فراق***لا نخلّي بجنبك قضبان
من كترة مانك سرّاق***كلما أوزن بيت الشعر

ما بيشيلك قباني

بحر الزجل

هههههه

من طرف hany nassif 10/5/2010, 3:48 am

تقوى بعد و شد الحيل
و جمع من حولك صبيان
من هالميل و مين هالميل
تلم الجرحى من الميدان
بحرّوفي امنا السيل
بس المشكل بسليمان
بيتمرجل عا نجوم سهيل
و بيفزع من دباني

من طرف **عمار البراضعي** 10/5/2010, 3:50 am

نحنا في علينا إجمــــــاع = الكلمة بشعر نخمرها
شمال جنوب بسهل بقـاع = وين مانحل نعمــرها
و تانسكّن نبقى الأوجـاع = بحارةّ حرف الدمرها
سكرت الليلة المذيــــــاع = مارح زفـّـر بلساني

* * * * * * * * * * * * * * *

من طرف **7arf** 10/5/2010, 3:51 am

بتسكر سكر مابــــخاف = غير مـوقع ألف بلاقي
بيتمنى حرف الســيّــاف = وانسب سكّر ع الباقي
بقبالي انكنتـــــوا الاف = حبوب وكرسني وباقي
باقي السيف المابينشاف = بالعركات الحرزانـــي

= = = = = = = = = = = = = = =

من طرف salomon 10/5/2010, 3:52 am

يا فرخ الشعر الما فيك***تعلّي عا مجال نسورة
حتّى تصفّي متلي ديك***كبّر يا ابني الصورة
يا هاني بدي وصيّك***مهما جدبت المازورة
بتضلك يا ابني ركيك***ومش رح تكبر يا هاني

ههههه
بحر الزجل

من طرف hany nassif 10/5/2010, 3:59 am

جدبت المازورة يا فلان
تا قيّس طول لسانك
اسمالله لسانك شو عمران
مترين معلي شانك
و عنا الامتال بلبنان
لسانك بيكون حصانك
و ان ما صنتوا يا سليمان
بقصوا الليلة بميداني

من طرف salomon 10/5/2010, 4:00 am

راح المستر عامر هج***وما بيعرف انو الميدان
بدو رق وطق وطج***وشاعر بيفبرك قصدان
ههههه
الله يرحم عليّ الحج***الأسمو كان من الوجدان
ودشّر عا المنبر ها الدج***المتل ......الجرباني

بحر الزجل

ههههههههه

من طرف **7arf** 10/5/2010, 4:04 am

هاني شو جابك ع الخـط = عن علمي إنك اكبـــر
من بحر الشعر ومن شط = الكلمي وبتضلك أشعر
وعمارويافرخ البـــــــــط = الجوهر بوشربل فكــر
بتبقى توم وهوي القـــط = جيري الماشي خليفاني
====================
ههههههههههههه ياويلي عليكون

من طرف **عمار البراضعي** 10/5/2010, 4:05 am

ياحرف بردات السحـــر = فيها تاتفوت تأنــــــى
لاتدخل عامواج البحــــر = بتضيع بموجة عنــــا
بعرف وكرك قد الجحر = وضعفك عاحالو تجنى
بعدك من سكين النحـــر = مجروح وعم بتعانــي

* * * * * * * * * * * * * * * *

من طرف salomon 10/5/2010, 4:08 am

بحر الكلمة شاعر رب***القرادي وفي عندو بيوت
فيها الجوهر حالو صب***وشعرو بالموقع منحوت
مين الباعتلي ها الد....***الهيئا حابب معنا يموت
ومش عارف بو شربل شب**وهوّي عا المنبر يا حرف
بيشبه ستو الخرفاني

ههههههه

من طرف **7arf** 10/5/2010, 4:16 am

لما صدر البحر انشـــــق = شفنا المبحر والبحـــار
عرفتك انتي بتحكي الحق = وبعكس السيد عمــــار
دافع عن ضفدع بيــــــنق = يمكن ضنو من الشعار
وكلما باب السخن انــدق = ع نفسو البرقش جانـي
====================

من طرف علي عامر 10/5/2010, 4:18 am

شو هـ الحجّه ي سليمان = طلعت من قحط الصلعه
بمجالي بترجع منهان = عم تشكي باخ الخلعه
وانت وربعه هـ الورمان = علينا ضرّيبة دلعه
وما النا جلاده ي فلان = عا دلعات الفلتانه

من طرف rabeaa 10/5/2010, 4:18 am

بغيابـي تعملقــت كتير = يا ناكــر نعـــمة ربــك
لســانك مرق للتقصير = تتـلاقي شــخص يحـبـك
ما بلومك مطلي بتعثير = ومن هيكي كل ما نسبك
بتزقــف النـا وبتـصيـر =تنــاجي ربـك حتــى يزيد
عياني اقوى من عياني

لو كان عندك ذوق لكان عص عا لسانك يا عليييش
ولو كان عندك قلب كان حبك السراق
وبلا هالنثر بتعور حالك

من طرف hany nassif 10/5/2010, 4:21 am

شفت المضروب التعبان
عم بيفنص و ينادي
انو الريس بالميدان
و سيد وزن القرادي
لاكن يا حرف الفهمان
انت بتفهمني زيادي
جايي تا رد سليمان
عا وكروا جوات الارض
وانهي الكذبة الورماني

من طرف salomon 10/5/2010, 4:21 am

ياما شوينا ديوك دجاج***وما خلّص بالموقع ديك
وحملنا عا الراس التاج***وما ركبنا الا ببويك
ههههه
ومين الما علّم كرباج***بو شربل بجنابو سميك
ولا تفوتو عا النت و حاج***فهود الموقع فلتاني

ههههه
بحر الزجل

من طرف **عمار البراضعي** 10/5/2010, 4:27 am

تاتعلا فوق الميـــــــــــزان = بتدخل مابينو وبينــي
للحق مننصب ميـــــــــزان = منقشع ترجيح العيـنة
لاتعدوّ عامر هربــــــــــان = مابيقبل يترك دينــــة
وعندو من وحي القصـدان = جنينةّ ذوق ومليـــاني

* * * * * * * * * * * * * * * *

من طرف علي عامر 10/5/2010, 4:28 am

لا تعتّل بالكلمه جك = وتلحش ي سليمان سطور
بفلح فيك الرقبه وفك = وبعمل منخارك زمّور
كل عمرك اشعارك عك = ورابي ع الخرط وع الزور
رح توقع عا راسك شك = انت وربعه الصيبانه

من طرف rabeaa 10/5/2010, 4:37 am

عمار عرفتك عا أصول =شــاعر بالذوق تحـلى
لا تحاشد عن شعر خمول =بعقلوعشعش وتسلى
ولوإنو صيـــدي منقـول=عنــو الفيــن اسـمــالله
لكن لما بعرض وطـول =جمعتو وليقتو محمول
غبرة بجنح البوباني

من طرف **7arf** 10/5/2010, 4:58 am

ياحسرة وتيتي تيتـــــي = الكساب بيــــــبقى وهاب
كيف مارحتي وماجيتي = مابيعــــــرف بيرد جواب
مااستزغرنا بكبريتــــي = نحنــــــا مرة بعود ثقـاب
استزغرنا كلمةّ بيــــتي = ع قرقة بتطبش ع البيض
حتى تحمي صيصاني
==========
خليه يدافع بعد ياويلي عليهون ههههههههههههه

من طرف **عمار البراضعي** 10/5/2010, 5:07 am

ياعــــامر ضلك رافع = راسك بقبـــال الأمواج
ولو كان هجومك نافع = عاراســـك حطينا التاج
وعنك لو قالو بدافـــع = بعرف إنك مش محتاج
بوصيك تضلك شافـع = بتلاميـــــــذ الحـيضاني

* * * * * * * * * * * * * * * *

من طرف علي عامر 10/5/2010, 5:11 am

عمّار الاصلو من الطهر = ما بيجامل ي شراشيح
وانتو يا فردات العهر = من عاصفتي تخبّو منيح
عا نار قوافيي صهر = بصهركن وبخلّي الريح
تلفح فيكن فجر وظهر = وعصر وليل تخلّي العين
ع الوضع تشتّي عيانه

من طرف **7arf** 10/5/2010, 5:16 am

نحــــنا بقينا بأول صف = بحـور بحـــرب الـقرادي
وانتي لما بتاكل كـــــف = بترجع توقف ع حـــيادي
بجنبك لو ألف بيصطف = وحولك شعـــــــار بلادي
سدقني انخشيـــــنا الدف = بيهزوا ركابون من حرف
الخلا القافي غشياني
=====================

من طرف **7arf** 10/5/2010, 5:26 am

عمــــار وانتي سعاديـــن = وحرف بيعرف أصلك قرد
جــــايي الليلي دنيا ودين = يمسّح فيكن أرض الجـــرد
وحرف المن بدء التكوين = بشعرو بيـشعر جوز وفـرد
وياحسرة إنتوا مجـــانـين = لا شعور ولا شعر منيــح
ومجاديب وخوتاني
=====================

من طرف علي عامر 10/5/2010, 5:31 am

يا عامل غول بهـ الكار = تا ترعب قلب الفكره

شو الهيئه يا حرف شحار = فاقعلك كم من سكره

راسك عا شكل الفخّار = طبشو هيّن عا فكره

وراس رفيقك هـ الثرثار = بمعس بالاجر الثاني

من طرف علي عامر 10/5/2010, 5:38 am

عن اصلي يا حرف الجر = لا تحكي وتكون ثرثار
ما في باصلك شي بيسر = ع الموقع جرّيت العار
قناعك ارمي واكتب حر = يا خوّيف بهـ المضمار
ولا تخفي حالك يا زر = تحت التحت التحتاني

من طرف rabeaa 10/5/2010, 5:39 am

خلفي بيركض حافي الدهر =ويوصلي مــش معقــولي
وانت انشدو تنعشر مـهر = فيك بتكعى علا وصولـي
سليـمان لمعــاشـر شـهر =وحـرف ســيوفو لمسلولـي
لمـــتلى فرجا نجوم الظهر= بلــون الشــعر اللبنــانـي

من طرف سامر خوري 10/5/2010, 5:42 am

يعني تضرب هوّي وأنت--عا هالشّعر البينفّر
حاسس أنّي منّو انهنت--بين معفّر ومزفّر
العندو أخت وعندو بنت--يبدا عا ذنوبو يكفّر
أكثر ما عالشّعر حزنت--روحي عليكن حزناني

من طرف **عمار البراضعي** 10/5/2010, 5:45 am

مجدوب الجادبنــا لــــــيـك = جنونك بمـــــحبـــةّ ذاتك
غلطنا لما شفقنا عـــــــليـك = نعطي عيـــــــار لأبياتك
مابتعرف تكتب غير هــيك = السوس معشعش جواتك
عامراية فــتّـــح عيــنـــيك = بلكي بتقــشــع مين القرد
الفكر كاتب وجداني
* * * * * * *
يلا تصبحوا على خير وحرف لاتتمرجل بغيابنا

من طرف **7arf** 10/5/2010, 5:46 am

مطحّل يمكن بدك مــــاي = حتى تقشـّق زلعــــــومك
وبسكر ع الدم وع الشاي = وكيف بدك إرضى لومك
بعدو لحمك هشت ونــاي = وبكرة برحب بقدومـــــك
مش رح قلك إلا بـــــاي = ومنــــي لاتفزع روح نام
وتوعى عيونك نقزاني
==========
ههههههههههههههههههه
yala gn8
==========

من طرف علي عامر 10/5/2010, 5:46 am

طيب يا جماعه تصبحو ع خير انا عندي شغل بكرا

موفقين ع كل حال

من طرف salomon 10/5/2010, 6:33 am

سامر خوري كتب:
يعني تضرب هوّي وأنت--عا هالشّعر البينفّر
حاسس أنّي منّو انهنت--بين معفّر ومزفّر
العندو أخت وعندو بنت--يبدا عا ذنوبو يكفّر
أكثر ما عالشّعر حزنت--روحي عليكن حزناني

اففف اففف افف

سمّورة جايي ومبسوط***يعطي بالشعر دروسو
وناسي بو شربل عا شطوط***معوّد بالموج يدوسو
يا سامر بعدك قبوط***وشمعاتك عم بينوسو
تسلّى بتقشير البلوط****ولا تدخل عا ميداني

بحر الزجل

من طرف سامر خوري 10/5/2010, 6:45 am

بعدو لسانك عم يهجيك-- وتعبيرو شغلت أيدو
وموج القاعد يبحر فيك--أحسنلك عنّي حيدو
شمعة عمرك يا بو شريك--بتنوّس ليلة عيدو
بيطفي الشّمعه وبيطفيك--خوري الشّعر الوجداني