رد: فكرنا الليلي عمرت !!!!

من طرف salomon 10/5/2010, 6:52 am

مسكين معتّر وضعيف***وايدك ما بتوصل ليي
وبيوتك فيها تحريف***بتغرق ببركة ميي
هههههه
بدك تعرف بحري كيف***سماع الموجة الشعريي
وتا تصفّي متلي عزيّف***سماع الشعر اللبناني

بحر الزجل

من طرف سامر خوري 10/5/2010, 7:16 am

الموجه الشّعريي يا خي--ما بتبحر فوق الرّشّي
بتبحر فوق بحور الضّي--تا بيوت الفكر تمشّي
وببيوتي لو سكنت شوي--بتشوف بيوتك هشّي
ما بتغرق في بركة مي--فيها البركي غرقاني

من طرف hany nassif 10/5/2010, 8:42 am

اهلا بقديس الاشعار
و ابن فلسطين الغالي
يا شاعر اطباعو نار
و جبينو الغالي عالي
و يا سامر عنا بهالدار
بو شريل عندو حالي
لا تهزو واقف عا شوار
و عالمنبر صفا عالة
بحيثك فهمان و جبار
وموهوب و ابن رسالة
خلصنا من هالختيار
و خلص منبرنا يا شريك
من هالظلم العثماني

من طرف salomon 10/5/2010, 9:49 am

يا سامر شعري من الروح***بيطلع وبيرجع ألحان
لا تفكّرني بدي روح***واهرب منّك يا تعبان
بموقعنا منّو مسموح***يخلّص برغش بالطوفان
ولو الله بيردّك نوح***بدّي غبّك بالأشعار
وتغفا بلجّة قصداني

بحر الزجل

من طرف salomon 10/5/2010, 9:53 am

ياهاني توقّاما تموت***قبل الوقت وبعدك شب
وتاكلها بقضبان التوت***ويطلعلك بكعابك حب
ههههه
محضّرلك أفخم تابوت***طلاب الطلبة وناجي الرب
وكلما بتمرق ببيبيروت***تزكّر عين الرمّاني

هههههههههههههههه
بحر الزجل

من طرف hany nassif 10/5/2010, 10:24 am

رجعت على الخمسة و سبعين
بعدك رجعي يا سليمان
لا تنكؤ جرح من سنين
منخسر و بيخسر لبنان
و حتى نبقا متحدين
بدي الليلة من الاخوان
نقضي على شويعر مسكين
كل ما منشدو لقدام
بيكرج كرج خليفاني

من طرف سامر خوري 10/5/2010, 3:41 pm

بمطرح ما بالكلمه فاح--شاعر عم منلاقي طراد
مثل البرغش ما بيرتاح--عا قزّ منافسنا اعتاد
ويا هاني العثماني راح--وولاّ عهد الأستبداد
ومش عم بسمع ألاّ نواح--طراد عالى سيدو الفاني

من طرف salomon 10/5/2010, 9:14 pm

سليمان سميّي مشهور***يعلّم عا النغمّة العصفور
وهاني بعدو مع سمّور***تليحنون عا العمياني
هههههههههههههههههه
بحر الزجل

من طرف salomon 10/5/2010, 9:18 pm

ها الحرب الصارت بجنون***ريتا يا هاني ما تكون
تزكّرها وضلّك موزون***ولازم تعرف بحر الشعر
بيطفي النار الشعلاني

بحر الزجل