منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

وصية الى ابني شروقية

اذهب الى الأسفل

وصية الى ابني شروقية Empty وصية الى ابني شروقية

مُساهمة من طرف Admin في 1/31/2007, 3:53 am

وصية

يابني وصايا العشر احفظ بصم مـــازال ** كل دين عنهم حكي ومذكور بكتابــو
إلّلي عليهم مشي بالصدق يانيــــــــــــال ** حظو وياسعدو انحكى بيفوز بحسابـو

ومن فكر شاعر شِقي بجبلك حِكم ومثال ** عليهم الماشي بصدق بيزيد أدابـــــــو
وصّاه بيو ورحل حتى ان بعــدو زال ** ابنو موصي يكون الخلـــفو وجابـــو

لا تخاف تحكي بعدل حاكي العدل رجّال ** واللي لبيو طلع مافي حدا عابـــــــــو
العا الحق ساكت كتب شيطان اخرس قال ** والحق يعلا ولا يعلى ع أصحابــــــو

وجاهد تكسب علم خلي العلم رسمــــــال ** بتصيربكرة الوطن قدوة من قطابـــو
وصاحي ضميرك دوم خليه مهما الحال ** بيجور يبقى انتبه ماتفوت سردابـــــو

واياك تشهد غلط أو ترتشي بأمــــــــوال ** البزور شهدوا صعب يتسامحو انتابو
بتعيش كل العمر ظالم قهر كرمـــــــــال ** دولار راح وإجا ومـــا راح سرسابو

وخلي حديثك حلو تجــنّنب حكي البطّال ** واياك تنسى الضحك من دون اسبابـو
واصحى توشوش حدا مابين جمع رجال ** عنهم بيظنوا الحكي بوسواس وجوابو

واياك تنسى الصبر عندو بكل مجــــــال ** مفتاح اسمو الفرج تايفتحوا بوابــــــو
واستر عيوب البشر لا تشمت وتحتــــال ** بيضل عيب البنفسك واضحة عيابـو

وآخر وصية إلك لبنان بالآمـــــــــــــــال ** اياك أرز الوطن تقسى على غيابـــــو
واخوة بأرضو سوا جنوبي وابن الشمـال ** عيشوا ع لم الشمل لاتقسموا ترابــــو

16-11-2006 CK A. B
Admin
Admin
الإدارة
الإدارة

عدد الرسائل : 67
العمر : 53
تاريخ التسجيل : 01/11/2006

https://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى