خبز الشعر :

من طرف **عمار البراضعي** 5/30/2011, 11:48 pm

صاجة وعجينة جبت من حقي

نادي يابنت الموهبة رِقــــــــي

من خبــــــزنا تاإطعـــم الشعّار

قمح المعنى صولي ونقـــــــي

**************

من طرف علي عامر 6/1/2011, 3:10 am

خبز الوحي مخبوز عا ديي

وبعجنتو الاسرار محكيه

ملح القوافي والمويّه شرود

بسّ الخميره عطور فكريّه

من طرف **7arf** 6/1/2011, 11:00 pm

فران الزجل أعطيت إعـــازي
وطلعت بإسم الحرف مملوكي
عندي عجيني خرج معـّـــازي
وتاني عجيني خـــرج لملـوكي
وكلـــما قصدني بالشعر نازي
ذينيه بــــــترك فرك مفروكي
ومن إبن سينا وحكمةّ الرازي
بدلت الدوا ومابطمعو أعشاب
عند الوجع مخبوز دكدوكـــي
============
كيف هاي بربكون ههههههه

من طرف علي عامر 6/2/2011, 12:55 am

7arf كتب:

فران الزجل أعطيت إعـــازي
وطلعت بإسم الحرف مملوكي
عندي عجيني خرج معـّـــازي
وتاني عجيني خـــرج لملـوكي
وكلـــما قصدني بالشعر نازي
ذينيه بــــــترك فرك مفروكي
ومن إبن سينا وحكمةّ الرازي
بدلت الدوا ومابطمو أعشـاب
عند الوجع مخبوز دكدوكـــي
============
كيف هاي بربكون ههههههه

عندك عجينه خرج صفّ حروف

ع سطور غطّاها غبار الهم

مش خرج يقراها فكر موصوف

حاجي جهل يكفيك تجدبها

وعن درب حلمك هـ البضاعه لم

من طرف **7arf** 6/2/2011, 1:43 am

مين السمــــــــحلك ياعلي خربــــــان
تصفصف حروف بصـــــفحةّ الخلان
لادعيتك ولا بحب بارز جهـــــــــــل
نسيان أصلو من وين خلقــــــــــــــان

خبز المعنى من الجــــبل للســـــــهل
معجون بحروفي من الوجـــــــــــدان
وخبز القصيدي معمدو ع مهـــــــل
من معموديةّ حرف بالوجــــــــــدان

وخبز الأديب انذاق مــــــرة الضحل
حس الخميري فاســــــدي ع لســـان
معوّد لأنو المرمغــــة بالوحـــــــــل
وغير المـــــوز مابياكل السعـــــدان

ضاعوا البشـر من نقزتك ع الوهـل
وحفضوا قانون المنتدى بـّرهــــــان
المزراب ياكاسر بنبع النهــــــــــــل
تجرو ع نقعة مخمخمـة غلطـــــــان

ذينيك فرفكتن قبل يابهـــــــــــــــــل
وروس اللي حولك كاسر من زمان
وخبرتك وأعلــــــــنت حرب الأهل
تاتجيب تركي وتآخذو خســـــــران

إياك تغلط مع حرف مش ســــهل
لما عليــــــــــه بتعلـــــن العـدوان
لكن تذكر أبجرو بالصــــــــــــهل
داعس ع ذيلك حافرو ونسيـــــت
خبز الحروف منخبزو بلبنــــــان
==============
عمووووو تأدب ولاتلعب معي
لأني بس اقرا شعرك بتلعي معدتي
هههههههههههههههههههههههه

من طرف **عمار البراضعي** 6/2/2011, 10:03 pm

ياحرف ليش؟ وياعلي تميلـــــــوا
عن بيدر الحنطـة وتصويـلــــــــو
وعابيادر الكلمة وعيون الشـــوق
كحل الشتيمة تكحلو بميلـــــــــــو

بدي تضلوا بمنتدانا جـــــــــــوق
مافي ولاموقع شــــــــعر بيشيلو
خبز الحياة بتقسمـــــــــو بالذوق
وخبز المعنى حروف نهديــــــلو

وقمح المواهب منوحي من فوق
من عند الله يطيب ترتيلـــــــــــو
وخبز العداوة معلقينو طــــــوق
يعني عليكم للأسف منشـــــــوف
طحين القوافي صعب تنخــــيــلو

* * * * * * * * * * *

من طرف **7arf** 6/3/2011, 12:06 am

على التسجيل إضغط بالتحبــــي
قانون المنتدى واضح ياحبـــــي
كل غلطة عقوبتها مـــــــــــحدد
عملتو للعلن مش مسخــــــــبي

وحرفي الهشل العالم تــــــــودد
تاترجعلو الصداقة المستحـــــبي
وع كشف الأسم هالفترة مردد
كنت رح قول شو إسمي مخبي

لكن قبل ماقرر تجمــــــــــــــد
العقل بشويعر وجهلــو ياربــي
بلا دستور هجماتو تعمـــــــــد
وحقد منفوخ في قلبو مّـعبـــي

كل فترة علي بيهجم وهـــــدد
برسايل رشها حبة وحـــبـــــة
وحرف بيعرفو ومـابظن جدد
إلا بالشــــــــــــتايم والمسبـي

لهالأسبـــــــــــاب خليتو مقدد
لأنو شايفو ماطب طـــــــــبي
لاشفتو خصم قدامـــــي مندد
ولا بدي نازل البيكون أرعن
حتى المنتدى مســـبات عبي
=============

من طرف **عمار البراضعي** 6/3/2011, 1:40 am

وصلني رسالة من الاخ علي ومن واجبي إنشرها
وأخ حرف انا بعرف انك بتتحسس من الحذف ورح نشوف
المضمون :

خي عمّار هاي القصيده لـ حرف حتّى ما يقول ان ساكت وبارك الله فيك ع التعاون

يا ايهاب ما فادك شماســــــك = لا تبقى تعرض قبالي نحاسـك
انا صايغ قوافي جوهريّــــــــه = وانت يا قش ملهي في يباسك

بعلمي انت رابي ع الحميــــه = ببيت العز من مطلع اساســك
لشو تا بالتعصّب متل حيــــــه = جايي سموم تنفخها نفاســـــك

عيب تسوّد السمعه النقيــــــــه = ومن العار يظهر انتكاســــك
ارجع توب عن جهلك ي خيي = وبكاسك بالسماح يدق كاسـي
وبكاسي وبالشعر دق انت كاسك

* * * * * * * * * * * *

من طرف **7arf** 6/3/2011, 3:09 am

عمار يخترق قانون المنتدى. وقال يحق للشاعر مالا يحق لغيره
ههههههههههه على راسي والله بس هلق تانرد وبعدين منشوف
===========================

أنا منّي إيهاب من القرايــــــــــب = وضنك ياعلي بيضل خـــــايب
يبعتلك ع هالردي الحــــــــــــمــة = لأنك ماطلعت بالأسم صــايب
إيهاب بيعجبك دمـــــــو ع دمــي = من أروع شبيبي من الأطـايب
وأنا مابحب إسمي علــــيك سـمـي = لأنـو بتختفي مخجول عـــايب
واذا بعض الأهل كـــــانت مـلمي = بمـربـى طفلها مايكون غـايب
انطلع ميشوم وبنفســـــــو المـذمة = المسبـة بذمتو للأهل جـــــايب
وتاتعرف حرف بين فتحة وضمة = من شعرو الطفل والليل شايب
يمكن يرجع يضمك بضـــــــــمي = لأنو الأكبـر بيوسع الأزغـــــر
أنا رح سامح ونرجع حبايب

==============

من طرف علي عامر 6/3/2011, 9:56 am

ضلّك تلفلف يا حرف بكرا

بتفيق هـ الدنيا من السكره

الشاعر الشاعر مش بحكي السب

بصوره وضمير يمجّدو الفكره

محبّتي واحترامي

من طرف **7arf** 6/3/2011, 9:44 pm

الشـــــاعر بيفرض ع كلامو ينـقرى
ومابينفرض ع الناس فرض وسيطرة
ولو مجـّد الفكرة بوخزات الضميــــر
مازت حالو عن ضعف للمـــــــقدرة
===============

من طرف علي عامر 6/4/2011, 12:32 am

مسكين يا فاضي البال بهـ المقام

ما بعاتبك كلّك ع بعضك بهوره

لو ما الضعف هزّك ي شيطان الظلام

ما كنت بتخبّي الفقر بالفشخره

من طرف **7arf** 6/4/2011, 5:53 am

خربان ياعلـــــوش فــتّـــــــــــح عينتيك
قلب الأسد لاتشوف ضعف ان حن ليك
حلمك معي بمحـــــاورة مابحـــــقـــقـو
وشاعرالعنك قال عـــــم يضـحك عليك
===============
هههههههههههههههههههههههههههه
لما تصير شاعر بحاورك وعد شرف
بس هلق سمحلي غير طق مابتشوف

من طرف علي عامر 6/4/2011, 7:04 am

مش كل ما تنحم من ردّي تقول

خربان او مش شاعر بتصريح نار

لا حس في عندك ولا عندك ميول

بحقل الادب يا ضب وبيوتك غبار

اهلا وسهلا

من طرف **7arf** 6/4/2011, 9:41 pm

غبار الزمن بالمكتبي مش مشكلي

بينفضو المتلك مثقف منـــــــتـدب

وحتى الهوا يعانق خيالك ياعلــــي

صورة إلك منحط ببيـــوت الأدب

==============

من طرف علي عامر 6/4/2011, 11:05 pm

ت تصير تستوعب خيالي يا خفيف

وقديش صرلي من العمر اعصر غيوم

بدّك نفض بكفوف شغلتها الزقيف

وتترك على خدودك حبر شعر النجوم

من طرف **عمار البراضعي** 6/9/2011, 2:38 am

خبز الشعر معجـــــون بالرِقة

بفكار شاعر علمـــــنة مـّرقى

وخبز البطون مضيّع العقلات

معوّد عجينو الهل عالرقـــــة

* * * * * * * * * * *

من طرف علي عامر 6/10/2011, 2:11 am

خبز الشعر آداب وقرايه

وصفنات للأعماق بتودّي

العجنه طهر وجروح بتندّي

تكون الخميره والوحي حكايه

من طرف **عمار البراضعي** 6/10/2011, 3:18 am

ياشعب يللي أكلت أول يـوم مَــــــنّ
وصفيت تاني نهار تحتـاج الفـُـــتـات
تذكر ياسوع بخبز روحـي عليك حن
وخبز الشعر للروح عــاطيك الحـياة

* * * * * * * * * * * *

من طرف **7arf** 6/10/2011, 9:59 pm

طعميت خبز الشعر ع المنبر سرب
وع صاج موهبتي وقدلو الفيلســوف

ولوما عجن قدموس أبجد للعــــرب
رغيف اللغة لاقلـب كان ولاحروف
==============

خبز الشعر :

خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :

رد: خبز الشعر :