شروقي آدم وحوا

من طرف **عمار البراضعي** 8/22/2011, 4:57 am

ياليل إسهر معي كلما كنت سهــــــــــران
تاتشوف فجرك وعي من فكر عمـّــارو
ومعروف كلما إلك بيكتب حدا قصــدان
بتعرف جواب الملك بالشعر وفـكـــــارو

وحتى ننال الأرب ونكرّم النســـــــــوان
ولون البعين المرا نسبح بإسحـــــــــارو
كلما ببال بتجي بتقـــلـّـق الشبـــــــــــــان
وتترك خيال الفكر مجهول مشــــــوارو

بينقال بدء الزمن آدم وحوا كـــــــــــان
التفاح وحدو غلط ماتغير مســـــــــــارو
بتضل أول مرا من أول الأزمـــــــــــان
بستان حب وحلا نآكل من ثمــــــــارو

ولوما سرار المرا بالجهر إلنا تـبـــــــان
نسل الخليقة انتهى والناس وين صاروا
ولوما الخلقنا سمح هالسر بالأديــــــــان
لليوم عمر المرا مامنعرف ســـــــــرارو
==============