شروقي - عمار الشروقي

من طرف **عمار البراضعي** 8/30/2011, 3:25 pm

احلوّت ليالي الفرح بوجــــــــــــود هالخلان
أكثر ماحالي الخمر ع بــــــــــــوز القناني
ونامت نجوم السما وضل الشعر سهــران
وبقيت عيوني معو للصبح سهرانـــــــــــي

وبالفكر جلت الدني بشرق وغرب بلـــدان
ومالقيت طبع الهنا إلا بخــــــــــــــــــــلاني
وبالليل ذاتو رجعت ع أجمل الأوطــــــان
المالقيت قدو غني موطن بالمعــــــــــــاني

يمكن زرعني الزجل غمّر إلو قصــــــدان
والله خلقني الأمل عمار سمــّــــــــــــــــاني
عمّر بسرعة وعجل بيت الحكي العمران
بمدماك كلمةّ وَعي ببيوت عمرانــــــــــي

وعمار شعرو وعِي وعكس البشر خلقان
بلبنان عم يغتني بأرزة وسنديـــــــــــــاتي
شقعت الشروقي بصلا لمحبتك لبنــــــــان
وماشبعت منك حلا بتفكير لبنانــــــــــــي

* * * * * * * * * * * * *