برقةّ ظهر شروقي - عمار

من طرف **عمار البراضعي** 5/29/2008, 6:24 am

مرة بليلةّ فرح ليها كنت معزوم
بلاقي جميلة وحلا بالقد ممشوقة
سطلت فيها وصرت أكثر من المغروم
وعيوق لاقى العجب من بنت عيوقة

قربت إحكي . وإذا بمن وين ؟ يامهضوم
سبقت سؤالي وحكت خمنت مهروقة
تعرّف عليي تعا ولاتقول عيب الشوم
وعندي بصلةّ العرف من قبل محروقة

قومي تاندبك قلت . بترد مافي لزوم
يلاّ تانظهر سوا ساعات مسروقة
جاوبت طلعةّ قمر ممنوع بين نجوم
ومابحب طبخة بعجل وتكون مسلوقة

ردت ع بيتي تعا انكنت العشق محروم
الساعات قد السنة مع بنت معشوقة
وطلعت معها وغلط سري حسبت مكتوم
ماقلت رح تنكشف أسرار مدلوقة

وع البيت . فتنا سوا بـّحر الغرام نعوم
والخمر فينا اختمر كاسات مرموقة
ولا عرفت شواللي حصل ماعاد فيها تقوم
متل الكأنها برق بالظهر مبروقة

* * * * * * * * * * * *

من طرف صقر 6/23/2008, 5:01 am

من طرف **7arf** 6/24/2008, 9:10 pm

ياصقر ضلك صقر في منتدى الشعــار = وع نص قرص الفضا حلّق بالنذورة
ممنوع شاعر غلط يكتب كسر أشعــار = وممنوع اسم الصقر تايصــير بشورة

ياصقر شو اللي جرى تاترد ع عمــار = وتكتب شروقي إلو بأفكـــار محسورة
إقرا تعلّم قبل كيف الوزن مش عـــار = والعار ع اللي كتــب أبيـات مكسورة

واللي بيكتب غلط بدو درس وفكــــار = البيحب يمكـــن قلط موجات البحورة
واللي بيرفض نـقط ما كمـّل المشـوار = وبيكون فحصو سقط تاصار بالجورة

تزعلش مشرف انا ومن واجبي اخـتار = مغربل الشعرا سوا تاتصير مشهورة
وع الخاص باعث إلك مكتوب استفسار= نسيت الرسالة بقصد تانفضح الصورة

برقةّ ظهر شروقي - عمار

برقةّ ظهر شروقي - عمار

رد: برقةّ ظهر شروقي - عمار

رد: برقةّ ظهر شروقي - عمار