جمالك - شروقي مجزم

من طرف **7arf** 10/8/2011, 9:24 pm

كلما حلاكي مرق يما خطر بالبـــــــــــال
قفيت كاس العرق إفتح مواضيعــــــــــــو
ويشطح خيالي وسرق منك لحن مــــــوال
جو الإيحاء اخترق يطرب مساميعـــــــــو

والفكر بعد الأرق قديش فيكي اختــــــــال
والجسم كدو العرق يما انشدق نيعـــــــــو
والتم ماعاد فرق شطت الريلة وقــــــــال
بالحلم حدِك خرق قرقط أصــــــــــــابيعو

ولما صباحك شرق شعشع سهل وجبــــال
وكوكب جمالك برق ع الكون توزيعــــــو
احترنا ع حبر وورق شو منوصفك مازال
نورك الكوكب حـــــرق والشمس بتطيعو

والحرف لما طرق ع رخـام صدرك شال
من جيش شعرو فِــــرق حـراس تطويعو
ويعقوب قبل القرق ديكيــــن ربّـى حجال
بيهجم ع بـّحر الغرق زايـــــد مشــاريعو
=================
كلوا قلبي بس تعلموا ياشعار الزجل ههههههههه