شروقي - الألفة وضهر الاحمر
2 مشترك
صفحة 1 من اصل 1
شروقي - الألفة وضهر الاحمر
شو صار من كم سنة كنا سوا خـــــــلان
بالعنق نلبس عقد بالمعصم ســــــــــوارة
في ضهر أحمر فرط عقد الحلو المرجان
اللي كان يجمع سوا البسة مع الفــــــارة
ياحب وينك تعا إرجع على لبنـــــــــــان
ورجّع حنين انفقد من جار للجـــــــــارة
شو النفع نملك تبر يمـّا ذهب رنــــــــان
ونخسر محبة وقوا مانعوّض خســــــارة
من كم عام وهجر من ضيعتي الإيمـــان
وقديش كنا سوا نقعد بكل حـــــــــــــارة
بكل بيت نرفع لوا برجــال وبـنـــــسوان
والكل قربة وأهل نشــــــــعر بلا مرارة
صار بّلدنا السكن سنتين صارلو زمــــان
الربعة يهد بعجل ويزعزع حجـــــــــارة
وينقل نفوسو بحقد تايفرّق الأخــــــــــوان
وبنزين فوق الوقد يدلق على النــــــارة
ضنيت بعضون وعي أمّا طلعت غلـطان
ومن طيب قلبي انسدل ع مقلتي ستــارة
للكل إنظر كنت في عينةّ الميـــــــــزان
ووعيت لما كشفت كم نفس مكـّـــــــارة
ومنشان ننسى الألم مانكــــبّـر العـدوان
المفروض نحمل قلم مع معول تبــارى
ونقول جدي استلم هالأرض هيك وكان
للسدق يرفع علم تايزرع شكــــــــــارة
وبدنا الشبيبة سوا ترجع من الهجـــران
كرمال نوفي النذر ع دروب ست سارة
ومنشان نشبع وفا وألفة وحلا وتحـــنان
تعود الصبايا بطهر تاتهل ع الكـــــارة
* * * * * * * * * * * *
رد: شروقي - الألفة وضهر الاحمر
الله يسمع صلا من حنجرة إيمان
و يقدّرك عالفعل بجهود جبارة
و يجمع فراق الأهل ع سفرة الإخوان
تكونو لعمر النغم أوتار قيثارة
و العطر يغمر ورد تيرنمو الألحان
و الدار صفوة حلم و المغفرة حجارا
قومو بهمة اغرسوا الإحسان بالوجدان
بتجنو رحيق الوفا بقلوب نوّارة
انشالله تعجبك يا إستاذ عمار
و يقدّرك عالفعل بجهود جبارة
و يجمع فراق الأهل ع سفرة الإخوان
تكونو لعمر النغم أوتار قيثارة
و العطر يغمر ورد تيرنمو الألحان
و الدار صفوة حلم و المغفرة حجارا
قومو بهمة اغرسوا الإحسان بالوجدان
بتجنو رحيق الوفا بقلوب نوّارة
انشالله تعجبك يا إستاذ عمار
ربيع اللحام- عدد الرسائل : 2
العمر : 49
تاريخ التسجيل : 29/01/2012
رد: شروقي - الألفة وضهر الاحمر
تحياتي خيي ربيع
يسلم ربيع الوفي الزهرو ملا البــــستان
وبزميل فكرو نحت للقافيـــــــــة سوارة
واللي ماعجبوا العجب لما قرا القصدان
سجّل مرورو إلك شكــــــرا عل زيارة
![ردة حلوة](/users/1314/23/51/70/smiles/288517.gif)
يسلم ربيع الوفي الزهرو ملا البــــستان
وبزميل فكرو نحت للقافيـــــــــة سوارة
واللي ماعجبوا العجب لما قرا القصدان
سجّل مرورو إلك شكــــــرا عل زيارة
رد: شروقي - الألفة وضهر الاحمر
قصيدتك بتوجع إستاذ عمار لأنها صورة عن أوضاع كثير من الضيع اللبنانية، و البيوجع أكثر عاطفتك البخاف ما أقدر أوفيك ياها. تحياتي
ربيع اللحام- عدد الرسائل : 2
العمر : 49
تاريخ التسجيل : 29/01/2012
رد: شروقي - الألفة وضهر الاحمر
تسلملي استاذ ربيع ردك الحرّك شعور اخوي بداخلي متبادل
وانا اللي بشكر لطفك على مرورك الكريم واحساسك الراقي.
لك كل التقدير والإحترام
وانا اللي بشكر لطفك على مرورك الكريم واحساسك الراقي.
لك كل التقدير والإحترام
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى