الأسرى وضهر الأحمر

عمار البراضعي
‏25 سبتمبر‏، الساعة ‏07:07 مساءً‏ ·

الأسرى وضهر الأحمر
=================
بيكفي تباطئ ياحكومتنا
قصةّ الأسرى كثير أسرتنا
نحنا خلقنا للفدا مشروع
منستشهد وتحيا كرامتنا

ماعاد بدنا تلفلفي الموضوع
مش فارقة معنا إذا متنا
والعار بمغارة انبقي موضوع
جندي انذبح ع ميةّ ذمتنا

اعتدنا ع راسك جيشنا مرفوع
ورافع الأرزة بنصر عزتنا
مش راس جندي نقشعو مقطوع
ولا كان بالإذلال عادتنا

نحنا منعرف صانع المصنوع
والفبركوا أفلام دولتنا
بالطائفية زرارهم بتضوع
همّون يقولوا بس كرستنا

راحت حقايب فاضية من الجوع
رجعت ملانة بحمل تعبتنا
وبوعود كذابة وعهد منزوع
اتبعوا أجندة مش أجندتنا

بدنا بسرعة تسكّنوا المفجوع
وتنفذوا مطاليب أمتنا
في كم ضيعة قلبها موجوع
لاتواخذونا لو قطعنا الدرب
نحنا تلاتي ولاد ضيعتنا
===================
والله يفك أسر الجميع