صفحة شاعر مغترب

من طرف Shaaer Moghtarib‎‏ 1/20/2013, 3:00 pm

-------------------------
واشي الحب

الواشي علينا ومن زمن النا كمن
نشالله يارب يصير .....منهوك الئوا
ودوور عئارب وئتنا ..بعكس الزمن
ومشى ...البعد بيناتنا . وزاد النوا
-----------------------
هجوم غزلي

بعب البحر عم غوص ...وبعب... السما
من البحر .شلت الدر . من جوي نجوم
وحوشتهم كرمال عبك .............. انما
تاداكش العبين ........ رح شن الهجوم

-------------------------
مشاعر باردة
--------
صعبة المشاعر باردة ان
كانت
لانسان بتردلو بعمرو
الخير
وبتئول مافي مشكلة
وهانت
وبتشوف مرسالك
رمى والطير
خخخخخخخخخخخخخخخخخ
----------------------
النسيان

ئديش صعب بتئشعو ..النسيان
أصعب ازا اللي بتعشئو بينساك
حظي بلاني هيك مع ...انسان
نسيان هجري وماسال شوباك

--------------------------
اعظم خلئ الله

بحب المرا وبهوى المرا وياهل ترى.؟
مننسى الحلا مهما انئرا وصار جرى
فوئ الثرا .........هالجوهرة المتئدرة
البوبو اشتهاها .......بغندرات مطورة
بشعراتها فكرت.............. ئدام وورا
وبحضورها وبغياب..... صورة مصورة
طلعت بعظمتها .....بعيون العارفين
اعظم ما كوون .......ربنا العالي مرا
------------------------

رشة ملح بلا فلفل
----------------------
بموئع للزجل........... نال الطليعة
شعارير بيمرئوا تك تك شي تيعة
لوما تلئنوا .......كم درس ئاسي
ئطيعة ........خربوا الموئع ئطيعة
--------------------------
مساعد حر.

مازال صار الشعر بالالغاز
والعون بدو فلان وفلاني
رح سيّل دموع الخدع بالغاز
وإهجي فلان وإفضح فلاني
--------------------------

الى بعض اللصوص

في ناس....... سعرون مابيثمن
باغلا الجواهر ......طبعهم اصلي
وفي ناس منهم لص... ومخمن
بيسرق وسعرو بئشرةّ البصلي

وانت بتعرف حالك ياتوتو
------------------

نتبهوا من التزحيط
بما انو في تلج وجليد
............................

عملنا رباعي ........دفعنا بالوعر
والكير بالجيبات............. حطينا
وبالفكر تاندافع .ونحمي الشعر
بالارتجالي........... بيوت خطينا

وبايع ضميرو ومرتشي بالسعر
بيسرء ...... وهمو ...يئول غنينا
كلما بامثالو .........بيدب الذعر
الماخاف... ربو ........ فيه عزينا
Yankee
يانكي. بيعمل عم يربي. شعر
انكغ ...........فكرو يضحك علينا
بيمد إيدو.......... للبحر عالئعر
مجلد دماغو؟ليش عامل.. لص
ولايوم عنو .........الشعر عزينا
-----------------------
شاعر
مش كل شاعر شاعر بيعمل
انجرب على الالهام .. ينتنتئ
والاكثرية لو ........ بتستعمل
زرار وعرواي ما........ بتتفتئ
خخخخخخخخخخخخخخخ
-----------------------

من طرف Shaaer Moghtarib‎‏ 1/20/2013, 3:00 pm

البغض

داء الكره ..عن خبثنة....مالو دوا
بتاسف بهالعصر.... زاد الوشوشي
ولينا شو وصل هالمرض كلنا سوا
واجتاح باب الئلب ..بعد الفشفشي

من طرف Shaaer Moghtarib‎‏ 1/20/2013, 3:01 pm

التوبة

لما التسامح....... ربنا العالي نشر
شفنا الوصايا بكل شرع وكل.. دين
ورمز المحبة الرب توبو ... يابشر
بعدو .......بيئبل ذنب كل التايبين

من طرف Shaaer Moghtarib‎‏ 1/20/2013, 3:01 pm

المنبر

سر المنابر............. ارتجالي بفسرو
يئظةّ حلم تايصير.......... بين النابغين
البيعد راسو كبير........... بدي كسرو
ان ماكان شاعر منبري ....من الملهمين

من طرف Shaaer Moghtarib‎‏ 1/20/2013, 3:02 pm

اصيل

كيف الالم بيعيش ...بالئلب النبيل
مهما جرى بالحب .مابينشر غسيل
ابن الاصل ....بائي اصيل بمنبرو
ودمع الئلم .عاثورةّ الشاعر بيسيل

من طرف Shaaer Moghtarib‎‏ 1/20/2013, 3:03 pm

وخزة

رح ضل اكتب شعر ...تايدوخ الزمان
وخلي غراب الشعر ....يرجع عندليب
واكبر حرامي رجعو ..ئاضي الميزان
وداوي ضميرو ....وذمتو حتى يطيب

من طرف Shaaer Moghtarib‎‏ 1/20/2013, 3:04 pm

عربسة امل
................
بعام المضى
الشعب الابي
كربس
والحرب رافع كان
عنبيئة
لانسر عم يرأف
بدعويئة
وخيط الأمل علئان
ومعربس

بينزت من عوسج عا عليئة

من طرف Shaaer Moghtarib‎‏ 1/20/2013, 3:05 pm

لغة العيون
...............
في لغغت الحلوين...... من نظرة بذوب
وبربع غمزي ...بكفر ومابعود .....توب
من العين فينا نشوف شو جوا..... الئلوب
ونعرف شوفيها النفس ...من خير وذنوب
وشوفي محبة وبغض... واضح عالدروب
مابيئدر الانسان ..........يخفي هالعيوب
مالعين.............. اسرع بندئية للهدف
سبئت شفاف الصامتة...... بسلم وحروب

من طرف Shaaer Moghtarib‎‏ 1/20/2013, 3:06 pm

بخشيش
----------
ببخشيش ..مابينشك ئال. الشيش
شو هالحكي عم يضحكوا عليكي
والشيش ماشكو.... حدا بخشيش
الا .......انا.... كرمال عينيكي

من طرف Shaaer Moghtarib‎‏ 1/20/2013, 3:06 pm

ديوان المحاسبي
--------------------
شي فلان بئشع ئال عمل كتاب
ومتلو بميلي التانية....... فلاني
كرمال يبئوا يحصصلو..... اعجاب
نئئو قصيدي بنتفت...... معاني

ومنروح نحنا منشتري... نسخة
نزغرد الف مبروك ...........اويها
لعبي بتجارة وكلها .......وسخة
وغير هالئصيدة..... شعر مافيها

هيي عرفنا ..........فلان حاببها
وهوي مشردئ ....حبها ..زيادي
كشفنا الئوافي مين ......كاتبها
ومن مين لاطشها ...وعم ينادي

الغايي فلان منعرفو ......ببيروت
داشر عاراسو ....وازعر مكحكح
اسمو فلان بينكتب ...عا كروت
عصفور دوري .......منئل منكح

ومصيبتك هيي... عااسم فلان
وعاحل شعرا بتجمع ...مكاسب
لكن انا راجع على......... لبنان
وكل مين عم يطبع .ديوانو كزب
مئرر وناوي.... حاكم... وحاسب

من طرف Shaaer Moghtarib‎‏ 1/20/2013, 3:10 pm

حكايتو حكيتها وبعبكون حطيتها
-------------------------------------
صنيي .ومحبرة. وريشي.ودوايي
وورئة. وشاعر .....مغررب كفايي
تارك موطنو مشردء ....... حنينو
بريئو بيبلع .........وهجرو جنايي
بهجرو عايش وزايد.......... انينو
بعيونو نغصتو ....نشافت هوايي
عين عاموطن ......مراية سنينو
وعين عامتجرو ......البدو عنايي
جممع غلتو والله........... يعينو
الحسد ماشاف. جووات المرايي
وورا الموجات...... ارطة متابعينو
خلفو من البدايي....... للنهايي
تارجعوا كل غلي ......مشلحينو
مدري مشلئحينو........ بالئنايي
رجع يسترجع ......الئوي بيمينو
ووضعو المادي ....شبه البدايي
لانو بيجهلوا بالغرب .........مينو
حكيت حكايتو ........شاعر لانو
وبأيا عب ؟........منحط الحكايي

من طرف Shaaer Moghtarib‎‏ 1/20/2013, 3:17 pm

بيت جدي

في بيت جدي ربيت.... وباوضة
وعاشت معي.... بشباكها والباب
سطحة خشب والدلف .عالموضة
وزرياب لحنو.. بيعزف المزراب

من طرف Shaaer Moghtarib‎‏ 1/20/2013, 3:36 pm

بئر الخيانة

خيوط المودة الخانها فيوزو انلطش
وجسر التواصل دمر ...ومابينرئع
والحب متل البير... منهل للعطش
منو منشرب ..والغلط ضمنو نوئع

من طرف Shaaer Moghtarib‎‏ 1/20/2013, 3:56 pm

سرعة الحب

ما الحب الا ئلب . نابض بالشعور
فينا بيضخ الدم .....تايزيد الامل
هجومو علينا متل ..هجمات النمور
وبيروح منا ... متل غندرةّ الحمل

من طرف Shaaer Moghtarib‎‏ 1/20/2013, 4:10 pm

صراع الحب

بين الزمن والحب. موجود. اللهيب
وعاشو بصراع منافسة بعيد وقريب
وبموت فينا الحب .عامرور الزمن
ولما الزمان يمر ..بيموت. الحبيب

من طرف Shaaer Moghtarib‎‏ 1/20/2013, 5:33 pm

الانانية بعينها

مابين نفسي. وحب غيري ...شو مرير
وائع اليم بجييشو .....بصحوة الضمير
بحب اللي شعري بيعجبو طول المدى
وشعرو .ان عجبني ليش مابحبو كثير ؟

من طرف Shaaer Moghtarib‎‏ 1/20/2013, 5:57 pm

فخرية

شاعر. برحم الموهبي.. مكون غزير
سريري اديم الارض والزرئا .... حرير
جبال الطبيعة مخدتي. واكبر محيط
مغطس لاخود دوش عاخيالي زغير

من طرف Shaaer Moghtarib‎‏ 1/20/2013, 5:59 pm

تبصير

ئضيت عمري .. شئلب الفنجان
بين الاشارة ....والحرف. بصر
ومرئت حياتي ..بهالعمر يئسان
ئصدان غني ....وبعدني مئصر

من طرف Shaaer Moghtarib‎‏ 1/20/2013, 7:09 pm

بسمة حب

بين الضحك ياحب .... والدمعة
حروفك على عبراتنا.... ارتعشو
وحتى ....ماتحمل حزن بالسمعة
ببسمات تمي ....فصولك انتعشو

من طرف Shaaer Moghtarib‎‏ 1/20/2013, 8:02 pm

نحلة الخطبة خخخخخخخخخخخخخ

زعلتي من عئصة برحلة......وشكةّ دبوس
معتادي هيك النحلة........الوردات تبوس
......................................

بايام الخطبة رحنا..........نزهة عالعين
نشم الورد وفرفحنا.........ونصبنا بعين
زعلنا الله يسامحنا......من عئصة ووين
عاشفاف العم تمنحنا.......خيار وفئوس

من طرف Shaaer Moghtarib‎‏ 1/20/2013, 8:20 pm

.
كلما بعطلي ئعدت اكتب مرتجل
بحبّر الانترنت .من شعر الزجل
اما البجبر حسابهن.مش عاملين
ثلث التلاتي بيجهلو .وئالو اجل

صفحة شاعر مغترب

صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب

رد: صفحة شاعر مغترب