منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عصام يوسف شاعر العصر اعزميني يا وراقي

اذهب الى الأسفل

عصام يوسف شاعر العصر اعزميني يا وراقي Empty عصام يوسف شاعر العصر اعزميني يا وراقي

مُساهمة من طرف salomon في 4/21/2009, 6:04 am

عصام يوسف وقصيدته الجديدة
اعزميني يا وراقي


عزميني يـا وراقـي عالكتابـي***و عَ جنيّة حبر تشـرب عَذابـي
و حبقة عـن سطـورك قطّفينـي***متل ما قطّف الصّبح .. الضَبابـي
و متل شمس الخيـال البوشكينـي***افتحي شبّاك قلبـك عَ الصَبابـي
الشمس نِعست عَ وجّك ياسمينـي***و عَزمها النوم عَ سْرير السَحابي
مَ بِسْتغرب إذا بْيطـرَب حَنينـي***بِصوت الريح عَـم يفتـح كتابـي
مَ زالـو تنينهـن للـورد زينـي***شو فيها العْود لو يعشق رَبابي ؟!
كيـف حجـار بتعمّـر مدينـه***؟و مشتل ورد مـا عمّـر ترابـي!
يـا ريتـو بـرج بابـل نسينـي***و كسر لوح الشريعـه حَمُّرابـي
أنـا إحسـاس منجيـره حزينـي***ببيت مْن القصب فـوق الروابـي
لـو مـا يسـأل علـيّ أنيـنـي***يمكـن مـا حـدا بيـدق بابـي
عزمني الصوت عا عرس السَكيني***وقفت عَ النهـر تـا بـدّل تيابـي
تاري عَ الوقـت ضاقـوا سنينـي***و من تقل الدني انخزقوا جْيابـي
متل مَ بيحمـل البحـر السفينـي***عَ موج الذاكـره بحمـل غْيابـي
و مَ بفزع بالفضا ضيّـع جبينـي***لأنّـو هالدنـي بتلحـق سَرابـي
و إنتوا يا بشر من غيـر طينـي***نِسـي فِخّارهـا طعـم الخَوابـي
حاجي تـدوّروا بقلـب الخزينـي***روحـوا نبّشـوا تـراب الحقيقـة
لأنّو الجَوهـره بْقلـب الخَرابـي


__________________

مدّيت إيدي .. مسحت وجه الشرق ... رجّعت إيدي كلـّها غـَبرا
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

عصام يوسف شاعر العصر اعزميني يا وراقي Empty رد: عصام يوسف شاعر العصر اعزميني يا وراقي

مُساهمة من طرف 7arf في 4/27/2009, 11:25 pm

ماكنت اعرف قبل فاتح مين = ولوما بو شربل ماتوقعنا
لكن كثر ماقصايدو حلويــن = ياريت بتدلــو ع موقـعـنا
=====================

حلو كتير وشكرا سليمان


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى