بعد حياتي أسرار

من طرف salomon 11/13/2007, 6:52 am

تركت البكي وهربت عا الأفكار.......وههديت قلبي وسألت شو صار
شو صار بالضيعة بعد ما رحت.....بعدن حباب القلب عا الكزدار
يما شغل أيلول حفر ونحت......لوحات فيها من الشتي تزكار
مني هربوا يا طيور فوق وتحت....ضبو الشنطة اودعوا المشوار
وسمعت في أفراح عني زحت......أوهام مستقبل على المهوار
ودعست ببركة وحي وسرحت.....فكري تا أخلق كلمتين زغار
نسيت الأدب بالقافيي لمحت.....وقلت الشعر تاريخ للشعار
وشفتك بحلمي بلا وعي قردحت....وحسيت قلبي غااااااب عني وطار
من زمان بعرف قصتك وشرحت.....سر الهوى للخالق الجبار
وتا خبرك عن غربتي ولو سمحت....وكيف عشت بالغربي مع التجار
بين الحلا ببحور مرة سبحت.....وضليت مدة بواقعي محتار
وبالشغل ما حليت حتى نجحت.....وبالشعر كنت الفارس الجبار
وأسرارنا لا تصدقي ما بحت .....وكانت حياتي سر بالضيعة
وبعدا حياتي كلها أسرار