أسرار المنتدايات ونقل المحاورات

من طرف salomon 10/10/2007, 11:18 pm

حبيت ها الموضوع أنقلكم شو صار معنا أنا وعمار بمنتدا برابيتا وأني أنقلها بأمانة
عمار

عابّره بيتا صاحبي فكـاري دعـي...فت ولقيتو موقع رجـال الوعـي

[

ومارد نبوغي عند مادخلتو وعـي.......يحكي بنغم صوتي وعذوبة مطلعي

وتاتعرفونـي بالزجـل مابدعـي.....عمار اسمي وكنوتـي لبراضعـي

بإسمي في عندي منتدى مع موقعي...شدوا العزيمة صوبنا وكل السعـي

ومنشان لزيـارات نتبـادل سـوا....جاي وجايب جوقة الموقـع معـي

*******

تحياتي للجميع[/center]

من طرف salomon 10/10/2007, 11:20 pm

رد سليمان
يا ألف أهلا فيك يا شاعر سراق.........بيوت الوحي من غيم الله بأشتياق
أبغض حلال بدينك وديني الطلاق......يا شاعر المشهور يا أغلا الرفاق
لما دخلت المنتدا الألهام فاق........وحن القشر عا العود واخضرو الوراق
يا بو أسامة الشعر لازملو رواق.......بدو تعب بدو شقا بدو فراق
معقول تنجح بالسياسي بلا وفاق.......لاكن بنظم الشعر بدك أتفاق
في قسم من شعار عا شكل البواق......وفي قسم عايش كل عمرو عا النفاق
بيتفلسفو بالوزن لما بيكسروه........ان جربت تحكي بيهجمو متل القراق

القرقة الدجاجة التي تطبش عا البيض

من طرف salomon 10/10/2007, 11:22 pm

رد عمار

[

center]

بين اللي غنوا عالقصير وعالطويـل.......وبين اللي كتبوا رونق الشعر الجميل

سليمان شكـرا عامـرورك يازميـل.....يامكحل عيون القوافـي بخيـر ميـل

لولا قشعت مهرة بتركض ألف ميـل.......ومقطوع كان زناقها وضـاع الدليـل

وجنسا ان كان بعيد عن جنس الأصيل.....وبالدين لـو كنـو طلاقـا مستحيـل

بفضل الهجرة بدون عودة بهيك جيل.....وبرجع عالبرازيـل تازيـد الرحيـل

تـارك بقايـا بـواق بتزمّـر غلـط.....متل اللي شاهد زور عاجـود البخيـل

[/center]

من طرف salomon 10/10/2007, 11:23 pm

رد سليمان

عمار نحنا بنعرفك شاعر مصون........بتكتب قوافي بكر حلوي من العيون
يمكن ما نحكي بس في علينا عيون.......بنعرف طريق الحق مش ممكن نخون
بعرف شفت شعار متل الزيزفون......بتزرع قوافي مايعة بتحصد جنون
ان سكنو حصون المنتدا هد الحصون......وأيياك تهجر متلنا يا أفلطون
خلليك حامي منتدانا يا حنون........وعا بره بيتا فوت تا نمششي القانون
.يللي بيشهد زور أيدو بتنقطع......واللي بيكسر شعر عمرو ما يكون

من طرف salomon 10/10/2007, 11:25 pm

رد عمار

عالمنتدى فتت بحـرارة مصرحـة.....حامل شعر مش شَعر خصلة مسرحة

جاي بلا غاية ولاعنـدي مصلحـة.....ولا جروح شعري المنبرية مملحـة

غنيت مـع شعـار لا جحـا بحـا.....وطحنت حب الجهل بحجار الرحـى

ومازال في علينـا عيـون مفتحـة.....رح جاوب وخلي القوافـي منقحـة

بطلت هاجر كل ما الشعـر انمحـى.....وبشويعريتو كـل قافـة شرشحـة

وكرمالك بحـور الغميقـة بسبحـا.....والمسبحة بإيدي بشهـودا مسلحـة

تانعد هالشعـار ونمشـي القانـون.....وحرّم شهود الزور تضحك عاللحى

من طرف salomon 10/10/2007, 11:26 pm

رد سليمان

تا تعد بالشعار صعبة ...بيزعلوا....ان جربت تحكي بالوزن ...رح يجفلو
غنييت مع شعار متلي بيعتلو.....هم المنابر والرسالة بيحملو
وب منتداك البكر00 ياما بيعتلوا.....ملوك القوافي.. بكسر بيت بيخجلوا
وشعار بالأخلاق دوم ترسملوا.....واللي ما عندو ذوق كنا نبهدلو
شوف الورود البنندي بيتبللو....ما بيزعلوا من حكم الله بيقبلوا
وبي بره بيتا اليوم يا شاعر ألو....كل المحبة بالمحبة بقابلو
واللي بيضحك عا اللحى ما أهبلو....بيكون جاهل أخرو من أوولو
يللي بيكسر بيت لازم تسألو....مين العطاك الحق تكسر يا حلو
بالوزن...ما في قاعدة عندا شواز....اللمحرمو ربك ما فيك تحللو

من طرف salomon 10/10/2007, 11:27 pm

رد عمار

لا جيت حلل شو محرملي المهاب ... ولا قلت سكب الشعر منزل بالكتاب

عا برة بيتا دعيتني وشرّعت باب ... وماسمعت فيي رحبوا بعد الصحـاب

وتانقول انو بالغلط وقعوا بصواب ... مع ناس خلوا العين تعلى عالحجاب

لاشفت فيي أهّلوا معنى وعتاب ... ولا نشقت وردة عطرها لوم وعتـاب

ولو كلفوني بالشعر إجري الحساب ... عا ناس بتكسّر اذا ردوا الجـواب

بيطل نوح الموهبة فوق العباب ... يراسل حمام الشعر ويكـش الغـراب

من تحت إيدو تايصيروا معلمين ... ويتخرجوا شعـار أطفـال وشبـاب

من طرف salomon 10/10/2007, 11:29 pm

وهنا دخل الشاعر الصياد

لمّنْ شِفِتْ ميزان عمّار استوى ..........استبشرت خير وقِلتْ منبرنا ضوى
فلفشتْ شو مَ يزين تاري هالحلو..............فكارو بكفهْ حَط ّ وقبالا هوى

من طرف salomon 10/10/2007, 11:31 pm

رد سليمان

عمار نحنا بنعرفك شيخ الشباب......بتقبل النقد الواقعي وما في عتاب
ما فيك تقطف در ألا منالعباب.......وما فيك تسرق علم ألا من الكتاب
لا تطلب من الريح ما تقش الضباب.....ولا تنطر من البوم بسمة عا البواب
عندك نسورا عايشي فوق السحاب......وعندك أفاعي سامي بين العشاب
وعندك بعض شعار لو كتبو خطاب......صددق بأنو بيعملولي أكتئاب
عا بره بيتا جيت تا عللي العتاب....وأبعت قوافي مشككلي من الأغتراب
بمنتدا---- عمار---- فكيينا الرقاب.....وببره بيتا الخوف بيبلل تياب
يللي دخل عا منتدانا بأرتياب......ن كانت بيوتو مكسسرة وشعرو سراب
يا بننقلو عا منتدا ستو رباب.........يا بنتركو بالبيت يلعب بالتراب
كرسة المنبر بالوراثي أرتكاب....أكبر جريمي بحق ملكوت العتاب
وما زال يا عمار رح نحسب حساب....ولابره بيتا عالنين الأنتساب
كل البيككسر.شعر ما بنحاورو......واللي في عندو موهبي يشد الركاب

من طرف salomon 10/10/2007, 11:32 pm

رد عمار

الى الأخ الصياد أقول ....

كفةّ ميزاني راجحة مـن المبتـدى.....وبعدل شعري مستوي كـل الثمـر

نقي شـو بـدك مامنبخـل عاحـدا.....بدل الهوى بتصيـر ومعـادل درر

************

والى الأخ سلمـون .....

عابـره بيتـا دعيتنـي عالمنتـدى.....ومن واجبي بالشعر تا لبـي النـدا

وطليت طلة مـارد وإلهـا صـدى.....فزعوا اللي كانوا يكسرو نصبح عدا

وبالمنتدى معروف في جبـال وودا.....وفي سهول معها حاملة زهور الندى

وعمار لما بدلـة العـدل ارتـدى.....قاضي طلع للمحكمة بأمـس وغـدا

ويامدعـي عـام القوافـي عالهـدا.....خليك حتى نرشـد النـاس بهـدى

البيكسروا بالشعر مش عم يكتبـوا.....وخايف تانبقى تنيننا ومافـي حـدا

من طرف salomon 10/10/2007, 11:34 pm

رد الصياد

خايف إذا نقـّيتليْ شي مشمشهْ.......يكونْ الوحيْ من سَلـِّهْ فـْكاركْ مِشيْ

وتطلعْ أنت كِرمانْ بِ عينْ البشر......وينشط ّريقي بْلا إفادهْ عْلى مَ شِيْ

من طرف salomon 10/10/2007, 11:34 pm

رد سليمان

كان الشعر أبيات بكريي ونهيد......وشعار متل التبر تكتب شي جديد
ولما السنابل تنتلي بدا حصيد......وتيفرخ الزيتون جابولو سميد
لكن مع البلان والعجرم أكيد......بدو حريق ويندلق فوقو أسيد
اللي بيسمع الأبداع ممكن يستفيد.....والدر ما بينحط بقوالب حديد
ومش هم يبقا ولا ولد منها الولاد.....لمهم يبقا الشعر وبيوت القصيد

من طرف salomon 10/10/2007, 11:36 pm

رد الشاعر عمار

الـــــــــــى الأخ الــــصــــيــــاد أقــــــــــــول ....

---------------------

القبلك قصد عالداليـة قالـوا حـرام.....ماطالهـا وفنجـر عيونـو الغافيـة

ولا تخاف ياصياد مـش قـد المقـام.....ريقـك بنشّفلـك عاخمـر القافـيـة

**************************

وهــــــاي كـــمـــان حــركــشــة مـنـهــديــك هـــيــــي

ان ورموا جريك من المشي مّنك نشيط......الناطور ناطر مشمشتنـا يـا عبيـط

يقشع أنـا كرمـان بعيـون البشـر......وراجع أنت ورمان من كتـر الخبيـط

************************************************** ******

والـــــــى الـــــــخ ســلــيــمــان أقــــــــول ............

سليمان. ليك دعيتنـي وجايـي انـا.....إسكب حروف الشعر وبيـوت الغنـا

عمار اسمـى عـلا مسمـى بالبنـا.....مشيد عمـارةّ فـن والشعـر اغتنـى

شايف معي سليمان بدر مـن السنـا.....حاكـم وعـادل للظلـم جـاب الفنـا

وعاالمحكمة فتنا سـوا برمـح وقنـا.....نحاكم الكسّر شعـر والخيـب ضنـا

من أول الجلسـات نقـزوا وانحنـى.....صوت الملحن سكّـت المطـرب لنـا

وتاهوا وبأسـم المستعـار بيدخلـوا.....وطقت الريشة وبكيـت وتـار الهنـا

*****************

مــلاحــظــة كـــرمـــانالـــــدالـــــيــــــة

من طرف salomon 10/10/2007, 11:37 pm

رد سليمان

خليك متل النسر عايش بالسما.....ولا ترد عا جلابيط عا شكل الدما
.مات الشعر من بعد روكز أنما.....موسى الزغيبي سلطن بلحم ودما.
.وعنا طليع الشاعريي اللي حمى.....وأسعد سعيد وجريس الشعرو نما.
.ومن بعد أسعد جريس وموسى وطليع.....أنت وأنا ربين شعر بننسما

من طرف salomon 10/10/2007, 11:38 pm

رد الشاعلر عمار

ربين نحنا تنيـن كلمـا بيلتقـوا.....جمهورهن اجمل كـلام بيعشقـو

البيكسّرو الشعر وحيطانن شلقـو.....فتنـا نعلّمهـم زجـل تايرتـقـو

وتاالمنتدى ندعم صمودو تملّقـو.....البغيابنا كانوا الـرؤوس يعنزقـو

بجيبن على الموضوع هني بيفرقوا.....ونومات أهل الكهف حبوا يخرقـو

وكيف شكل بدي أفتح بحور الزجل.....ونقطة بمحيط الشاعريي بيغرقـو

من طرف salomon 10/10/2007, 11:39 pm

رد سليمان

البياع مش ممكن يصدق مشتري.......لو مية مرة من البضاعة بيشتري
يمكن شي جمعة الضحك هد خواصري......بشوفن بقلب المنتدا tom and jeryتوم أند جاري
هودي متل أرهاب عا المنبر ثري.....وأخدو القيادي من نبوغ ظواهري
ولا تطلب الرحمة لظالم مفتري.....خللي العدالي بالزجل تجري جري
أفضل يبيعوا خيار متلن مهتري....يما يسددواالنييييع ويحطوا غري
ولا تطلب من الطيي يعطف عا البخيل......تمسسيح جوخ الشعر مش للعبقري

من طرف salomon 10/10/2007, 11:40 pm

رد عمار

عابره بيتا جيت تـا إحكـي بهـدا.....وإكتب واعطي الناس إرشاد وهدى

طليت من لبنان مـن أرض الفـدا.....المن كبر إسمو ضاق قدامو المـدا

وقصدت موقع شعر بالبعض ارتدى......بدلة قوافي مكسرة وغيرو عـدى

وصرخة صرخت مارد باهل وعِدا.......وصلوا ذياب الشعر فيقـوا ياجـدا

وخبوا البيمسّح جوخ جينا بالزجـل......نمسّح بهالشعـار أرض المنتـدى

من طرف salomon 10/10/2007, 11:41 pm

ردسليمان

يمكن الثعلب ما يطال الداليي.....ويقول عنها حامضة مش عاليي
بأسف على شعار صارت مواليي.....لشاعر بيوتو من البلاغة خاليي
عمار حدي سماع صوت الجاليي....أصواتها صارت بوججك عاليي
....يا ألف عيب الشوم....يا عمار كيف.....بتمسسح الأرض بمماسح باليي

من طرف salomon 10/10/2007, 11:42 pm

رد

رد عمار

الثعلب ماطال الدالية .الصياد خاب......وقال عنها حصرمة بشوبـات آب

ولما بوجّو زئرت زئرةّ سبع غاب.....الجفت زتو وعالهريبة شـق بـاب

والجالية سليمان بلّـغ والصحـاب.....شوقي وسلامي ويبعثوا شوية ثياب

منشان شلخهّن وحطّـن عالبـواب.....وإبدل مماسح بالية وقـول بثـواب

دخلك شو هوي العيب أو وين الغلط.....كلما مسحت تراب فاني بالتـراب

من طرف salomon 10/10/2007, 11:45 pm

رد الصياد

هالداليهْ الـْعنقودها حَبّو انعطبْ ................عا قدّ مَ تمرّغ بريحْ عْلى الترابْ
ابنْ العريشهْ بيقشعو كومه حَطبْ .......زغيرهْ بْلا ريقْ ولابَرَيقْ بِكلْ جوابْ
=====================================

من طرف salomon 10/10/2007, 11:45 pm

ورد الصياد الثاني
بالله يا عمّار لَ تضلـّكْ عنيدْ...............وطلـِّع وشوف جريكْ لَ تروح لـْبعيدْ
الناطور كيفْ بيرتجيْ فيكْ الكَرَمْ ..........ما دامْ وَعْدَكْ صار بالمشمشْ أكيدْ

من طرف salomon 10/10/2007, 11:46 pm

رد سليمان

باعت أنا سبدرين جنسو منيح Nikنيك......للي فتح درب الهريبي وقال هيك
أكبر خطيي تقول للتشتوش بيك.......بيصير بعد الكنفشي يشمخ عليك
الصياد مزوق بعرفو ما كان هيك...وشاعر من الشعار وحواليك ليك
مش متل شلة كبيرهم قد الدويك.....أقزام يا عمار غطو كاحليك
أبدل مماسح باليي وخللي التراب.....يترحم على ترابك ويسلم يديك

من طرف salomon 10/10/2007, 11:47 pm

رد عمار

الى الأخ الصياد أقول .....

وعدي وعد صادق ماعندو مسايـرة.....لا بيكذب ولايـوم عمـل متآجـرة

ضعيف العقل نقى بي حقلو المشمشة.......واللي غني بالعقل نقّـى الجوهـرة

***********

وإلى الأخ سليمـان .......

بحشت القبور وجيت حامل مجرفي......إكشف رمم عالم بتحكـي عجرفـي

سليمان مـع أقـزام هالقـد اكتفـي......ولا تليّن المارد بحُسـن وعاطفـي

نحنا طلبنـا شعـر علـم ومعرفـة......يخلّـي عمالقـةّ الصمـود مكتفـي

الصياد مذوق قلت ! شو نورو طِفي؟......يدافع عن البيصف شعرو صفصفي

وياغيوم غطي وبحر فلسفتي غرفي.....ومن قعر بحري در وتراب قطفـي

بلكي من ترابي اذا بّـرش التـراب.....بيطّعـم ترابـن بلاغـة وفلسـفـة

من طرف salomon 10/10/2007, 11:48 pm

رد الصياد
اللي اختار الكذبْ مَ بعمرو نِجي .....واللي براسو عَقلْ , عَقلي ما هِجـِيْ

وفتـِّشْ أنا عا مشمشهْ بِ سلـِّتَكْ.........أحسنْ مَ إبره بكَومْ تِبْنَكْ إرتجيْ

من طرف salomon 10/10/2007, 11:49 pm

رد سليمان

دقييت راسي بالسما هرروا ....النجوم.....وصارت الأرض الباكيي عليها وجوم
ما زال صار عليك يا رفيقي الهجوم....وبلشت أفاعي المنتدا تبخ السموم
خلليك ليين للقسا ما في لزوم......جار`يjery ظهر مفروض خلفو يطل تومtom
معزوم يا صياد حضر صحن توم.....طبخنا دجاج المنتدا من دون زوم
الي تطعم من ترابنا أنت الوحيد.....واللي وقع بالكسر عمرو ما يقوم

من طرف salomon 10/10/2007, 11:53 pm

هنا دخل الشاعر الراهب عا الخط

مرحبا شباب حوار جميل جدا وبهنيك خيي عمـّأر على شعرك الموزون وأدبك بس ياريت تقلـّو لصاحبك سليمان ما يحكي كتير عن التكسير وهوي قاعد يكسر

بلّشت أفاعي المنتدى تبخ السموم=شو هالوزن
بأسف على شعار صارت مواليي=كمان شو هيدا

يمكن الله محلّلو هالشي
يا ريتو قبل ما فتح نييييعو وحكي عن التكسير كان سمع لشعراء افهم منو
بعدان يا خيي بدل ما يقعد يحكي عالناس بالقفا ليش ما بيطلب الاستاذ شريم أو الاستاذ بنوت لحوار تحدّي وهونيك يفرجينا شاعريتو

الراهب

من طرف salomon 10/10/2007, 11:54 pm

فرد الصياد عا الموضوع

وبلّشت أفاعي المنتدى تبخ السموم

هاي الشطرة موزونه ميّة بالميّة والردّة ما فيها ولا كسر إذا بتنقرى بشكل صحيح ..
والشدة على اللام اللي ضفتها حضرتك على (بلـّشتْ) شيلها لأنها مانها موجودة بالمشاركة الأصلية
والتوقيت بمشاركتك وآخر تعديل لسليمان على المشاركة بيثبت إنو كلامك إفترى وتزوير وهذا عيب أكبر بكثير من العيب اللي عم تحكي عنو حَضرتَكْ ...
وإذا بدكن تقطيعها أنا جاهز .....

بأسف على شعار صارت مواليي

كمان هالشطرة موزونة وما فيها كسر ...مع وجود ثقل خفيف ب(صارت مْواليي)وهي مكسورة إذا بتنقرى( مُواليي)..
وإذا بدّك تقطيعها كمان تكرم عينكْ ..
دخلت بهالمداخلة لأنّو الإفترى حرام ..
باقي الكلام ما بيخصني لأنو كلام شخصي ومالي فيهْ...

من طرف salomon 10/10/2007, 11:55 pm

هنا رديت بالشعر

مجبور رد عليك مش تا أقنعك......ورح ضل أحكي بالكسر تا وججعك
فت بأسم راهب وشوللي بيمنعك.......تدخل بأسمك تا الجماعة تسمعك
بعرف أنا شيطان فكرك طمعك.....تراقب ملوك الشعر بركي بتندعك
وعا صفحة الشعار مش لازم تفوت......وبمنتدا الأطفال ممكن نوضعك

من طرف salomon 10/10/2007, 11:56 pm

يعني شو بدّي قلـّك يا صياد غير صحتين

أكلت نص الكيعني شو بدّي قلـّك يا صياد غير صحتين

أكلت نص الكلام حتى توزن الشطره

على كل حال بالآخر كل انسان يحكّم ضميرو

الراهبلام حتى توزن الشطره

على كل حال بالآخر كل انسان يحكّم ضميرو

الراهب

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]فرديت أيضا

الشيطان فات بتوب راهب أشهدو.....ما أغشمو ما أسمكو ما أبلدو
ولما جراثيم السخافي تمددو......كل البيكاغو شعر بفزع ينعدوا
الصياد شاعر بعرفو من قصايدو.....حككم ضميرو والحقيقة عوايدو
والنسر مش جلبوط متلك صايدو......ولما بنكتب شعر يا ولاد قعدوا
بتفوت متل الببغا بين الطيور......كل البيقولو معلمك بترددو

بعدان شو مستحي بأسمك بنعرفك ممنوع تفوت عا صفحة ملوك الكلمة

من طرف salomon 10/10/2007, 11:58 pm

وهنا ولعت بالشعر بدأ الراهب بالهجوم المرك

مين هيدا المدّعي الاشعـار ميـن.....متقاعد..سليمان ..منّـا عارفيـن

ولو كان شو ما كان نحنا راضيين.....متلو متل هاك الجماعه المارقيـن

بيتمرجلو بيتوعدو بيهجو العرين.....وهني أرانب درع عنتر لابسيـن

وسنيور صياد العاميزانـو أميـن.....عالمختبر راجع سنانو مكسريـن

لما بيوزن شطر شيخ الملهميـن.....الكلمه بياكل نصها حتـى تزيـن

وانت يا عمـار ياشاعـر فطيـن.....أهلا وسهلا فيك بيـن النابغيـن

بيني وبينك في علاقه من سنيـن.....بارواحنا بدم المعنـى عايشييـن

وقال المتل كلمه لها بقلبي حنين.....رح قولها وكونو عليي فاهميـن

سليمان بالتكسير طلعت ريحتـو....وبالنص بدو ينام بيـن النايميـن

من طرف salomon 10/10/2007, 11:59 pm

رد سليمان

هي كلمة السنيورSENOR فيها بححروا.....بيحكي اللغة منيح...مين مسفرو
عرفنا الأفندي منين جايي مصدرو....اللي بيبلعو بالشعر بدو يضهرو
بيت المعنى كاتبو للي افتروا.....لكن جنابك راح دغري مفسرو
شووووو مفتكر رح لببسك ريشششششش وفرو.....الغشاش بالأوزان مش رح وفرو
سليمان والصياد عالي منبرو.......علوون علووالغيم أعلى من االسرو
مينك أنت تا تدق فينا يا جرو......أن كنت فاجر شعر راسك بكسرو
المتقاعد اللي قلت عنو أظهرو.....ما أنت قادر هيك فلم تظههرو
ومش ظلم يا صياد لازم نقبرو ....تا يزور جددو بالمقابر ناطرو
عا كل حال لسان حقدك ببترو.....تا عللم الي تفلسفو وتشاطرو
الأسبان للفأران سم بيشتروا.....شربلك شي نقطة وروح تمك سكرو
ولمعلمك قللوالي سلو قاهرو...ان حضضر هجومو رح بيخسر عسكرو
ولو جاب فيلق بدر ما بيحاصرو....ولو دق راسو بالصخر ما بحاورو
واللي بينففخ عا اللبن مكوي بحليب....العندو مسللي تحت باطو بتنعرو

من طرف salomon 10/11/2007, 12:00 am

[color=black]

[ردالراهب

مش بس بالاوزان عنـدك مشكلـه.....عنـدك قوافـي بايخـه ومهلهلـه

اسبـان أو ألمـان أو اسرائـلـي.....ما كل دوله وعامل عليهـا ولـي

الصيـاد أذكـى منـك بهالمرحلـه.....الولاّ على درب الهريبـه هرولـه

وما ضـل إلا فيـك بـدّي إبتلـي.....تا حرمّـك تعمـل عليـي مرجلـه

انكني انا جرو الشعـر والترغلـه......بتكون قطقـوط الهبـل والمهزلـه

وجدي بجنه خالـده قـدرو علـي.......مش متل جدّك تختخ بـدار البلـي

رحنا وقرينـا قصايـدك لمسجلـه......وشفنا السرِقـه وينهـا والبهدلـه

نص القصايد يـل بأسمـك نازلـه......شطرات من موسى الزغيبي معدله

وان كان بدك اظهر السـر الجلـي......تكرم عيونـك هينـي هالمسألـي

ولك مش سم بدك انت بدك محدله......تا تحدلـك عالطالعـه وعالنازلـه

الافضل عا بيتك سرّب وروح اختلي.....وشو بدّك بهالشرشحه وهالبلبلـه

ومع بو علي بتبقى بتحلم بالحوار.....لما بتصبح قد ظفـرو لبـو علـي

[color:83c9=black:83c9]

سليمان من هلق بدّي قلك حافظ على ألفاظ

[/center]

من طرف salomon 10/11/2007, 12:01 am

رد سليمان

شعري بيشبه شعر موسى بأعتزاز......شاعر محننك عا المنابر دوم فاز
وما زال قاري قصايدي تفضل براز.....ولا تفتكر رح فيك تعمل أبتزاز
ما في ولا زنكيل للمععاز عاز.....ولا فيك تقطع عيشنا وتقطع الغاز
خلليك عا الموضوع حاجي أهتزاز.....وخييط ألف غنباز يا راهب دراز
وأعمل بيتزا ورققها تعللم خباز.....تسللى بقشر بطيخ لا تاكل فراز
بالوزن ما في قاعدة عندا شواز...لكن بنظم الشعر نتحددا جواز
نحنا بوزن الشعر سددينا البواز....وحافظ على الألفاظ مينك يا نشاز
نحنا ديوك الموهبي وأنتو الأواز....نحنا الغصون الحانيي الفيها كواز
نحنا بحور القافيي وأنتو الرزاز....المفطوم بدو يضل يحلم بالبزاز
وما زال عايش بالغرب يا وضع شاز...تعللم الزوق سماع موسيقة jazتجاز
ما في ألك بالشعر نقطة أرتكاز....أمشي على العكاز هيدا أمر جاز
ومعلمك هللي زكرتو مين هاز......ومين اللي زكرو مين لا تخببص ركاز
ومهما على الصياد بيقلك غماز....جلبوط رح بتضل والصياد باز
ودرب الهريبي أنت رببا بأمتياز...الصياد قال الحق عمرو ما انحاز
نحنا حديد مسللح تأكد نكاز.....ومش بس بدي أحرقك رح حط كاز
ومهما الحديد بتضربو بيبقا حديد.....ومن فرد نفخة chaoتشاو بيهر القزاز

وبما أنو الراهب بيعرف بالسبنيولي منيح بيفهم chaoمتل ما فهمنا سنيور ما نحنا نفس اللغة

من طرف salomon 10/11/2007, 12:02 am

هنا دخل الشاعر المتقاعد وقللي
سليمان الدفش
حسن خطك أعمل تنسيق أحسن من هيك وحاجي تكتب الحرف المشدد حرفين خولتني

وبلاها هالكلمات النابيه جرو وما شابه ما بتلبء لشاعر

فهمت يا أجدب

من طرف salomon 10/11/2007, 12:03 am

رد الشاعر سليمان

أهلا فيك يا ملك

مين الي دفشك عا الدفش روح دفشو....وقللو بيوتك جيدة وكلا حشو
بالشعر لو بتقول أجدب بقبلا......لكن بجملة نثر قبرك ببحشو

يا متقاعد الشعر دخيلك رجاع ها الأقزام سببولي الأوجاع وعن جد شاعر فهمت عليك ومقبولي منك
بس بالشعر مسموح ما تعدينا عا الموتى
وبنسبة للحرفين ما عرفت حط الشدة ولأنو بعض المتطفلين عا الشعر بدن شد نيع لها الأسباب

من طرف salomon 10/11/2007, 12:04 am

هنا قال الراهب

سليمان ما إلو مكان في دنيا الزجل يمكن يكون شاعر تصويري أو شاعر أوزان بس أنا ما مارق عليي شاعر زجل حقيقي بهين الكلمه بهالشكل ولا بعتبرو مسوؤل عن الزجل

من طرف salomon 10/11/2007, 12:05 am

وريت بالشعر وما رح أنقل صار حكي كتير بس منشان تعرفوا كيف صارت القصة وبعدا والعة

رح ضل أقسا عليك تا تصفي أديب......وأجمل قوافي من عند الله تجيب
..... بالنثر مش رح جاوبك أوأستجيب.....وأياك تنسا الشعر مش أكلة زبيب
يمكن قسيت عليك بأسف يا لبيب......وتا تهين جدي بالقبر أمرك غريب
......سليمان ما بيرتاح تا يغني زجل ....والقلب ما بيرتاح تا يلاقي الحبيب

من طرف salomon 10/11/2007, 12:08 am

[color=black]

رد الراهب

ما طالما سديـت بـوزك يـا حلـو.....وبطيخ مع قشـرو بتهـوى تاكلـو

العدّوك شاعر هو جماعـه بهدلـو.....فـن الزجـل لآخـرو مـن أولـو

موسى الزغيبي بحر موهبتـو ملـو.....جنب البحر لا تحط حالك يـا دلـو

شفلك شويعر بالحضيـض معدلـو.....يغني معك لابـق إلـك لابـق إلـو

الشاعر للي بيعطي الوحي من معملو.....والله بأكلـيـل الخـيـال مكلّـلـو

هيدا أنا العا نـور أفكـاري انجلـو....حواري السما وسجدو ولاسمي هلّلو

نزار قبانـي ارتـوي مـن منهلـو.....وحيجاوبك بالصـدق لمـا بتسألـو

شعر الأباحي الفيه شعرو مرسملـو.....غير الشتيمه حـاج بالـك شاغلـو

وجريس البستاني لموسـى وصلـو.....لمطرح ما بلش بالزجل عا منزلـو

مـا رجعّـو لبـزاز أمـو الهلهلـو.....هيدا حكي لسان الادب مـا بيقبلـو

عاكل حال مهمـا علينـا تطاولـو.....وتفلسفـو ولاد الزجـل وتحايـلـو

وتبكبكـو وتمسكـنـو وتعلعـلـو.....وتغنجـو وترقـوصـو وتمايـلـو

باللآخره بدهـن يتوبـو ويخجلـو.....ويتعلمـو أصـول الكـلام ويعقلـو

ومن بعـد مـا بغربالنـا يتغربلـو.....واحد ورا واحـد بيصيـرو ينزلـو

[color:3f33=black:3f33]

وما يضل بالغربال غير شعرا قـلال.....غنوا مع ملـوك القصيـد وترغلـو

من طرف salomon 10/11/2007, 12:09 am

رد سليمان

شوف الشمس ألهام نزلت فوق روس.....عمار وسليمان شمس من الشموس
نحنا الشربنا النصر وضوينا الكؤوس.....واللي افتروا عاشعرنا ضعاف النفوس
خليك طول العمر تحلم بالفلوس......وأنسا القوافي والوزن طبعك شموس
مازال جايي تموت بالحرب الضروس....تعلم عاوزن الشعر وهجك عمينوس
كاسر البيت وبالزجل بدك دروس.....وتاعلمك عا الوزن إيدي رح تبوس
تمردغ مع الأبداع نقييلك عروس.....وخدلك قصيدة مفصلة تستر لبوس
جربت إني طععمك جبت الفؤوس.....تاري ضميرك مهتري ومليان سوس
تيوس الزجل عا الوزن ما بيتعلموا......وإيياك تزعل أنت تيس من التيوس
يا اخي ما تزعل تيس بالشعر لاتاخداعاغير معنى وخليك غني عم تتقدم بس انتبه عاالوزن ما برحمك ورح حط الاصبع عا الجرح

من طرف salomon 10/11/2007, 12:10 am

هنا الصياد علق عا الشدة

يلعن أبو الكيبورد يلْ كان السبب........وخـَلـّى الشدّهْ عن صَبيعكْ تنحجبْ
لو كان فيّو دمْ أو حِسْ وشعورْ .......سِمْعو لـْ قلبَكْ كان , و لـْوحدو كَتـَب
===================================

من طرف salomon 10/11/2007, 12:12 am

رديت عا الصياد
الصياد وينك ناطرينك قوم فوت....أنت الوحيد البعرفك رب البيوت
هي صفحة الشعار وملوك الزجل.....واللي زكي بالشعر عمرو ما يموت

من طرف salomon 10/11/2007, 12:13 am

هنا بدأالراهب بالهجاء

يا عالم سليمان شوفو وين صـار.....بأيا سما بأيـا دنـي بأيـا مطـار

بحكيه بلسـان الشعـر والابتكـار.....بيجاوب بلغّـة وليـدات الزغـار

قاعد عا ذوقو يشقع ويرصف حجار.....وهوّي ما عندو أي فكره بالعمـار

بيبدل الحرف بحرف وبيمضي قرار.....إنو بشرع الشعر مسمـوح الغيـار

هيدا ضعف عقلو وفقرو والشحـار.....الخلّوه يحكي هالحكي بلا اختبـار

عم بيذكر التكسير وبيرمي شـرار.....ونحنا الكسرنا بخاطرو بأول حوار

وعمّار يا شاعر زجل كلّـك وقـار.....الدعوه أنا قبلانهـا هيـي الفكـار

اتفقو انت وشريم جار قبـال جـار.....جاهز أنا وحامل بإيدي ذو الفقـار

وأصغر طفل بالشعر بقبل حـاورو.....عا شرط ما حاور سليمان الحمـار

من طرف salomon 10/11/2007, 12:14 am

رد سليمان

كلمة حمار الشعر لو قلتا بوقار....معقول فيها تقبل عقول الكبار
لكن جنابك صرت تهجي بحقد جار....ومللاك قلبو من حجر طالب أجار
الخلاك تعمى من الحقيقة وهيك صار....وحقدك عا قلبك علمك تضرب حجار
ياألف عيب الشوم تختم بالحمار....وين الأدب يا راهب وبالأسم بار
صابك متل وروار فوق الغيم طار....ومفكر الحسون منو كتير غار
بو الحن مهما يحن مش متل الكنار....والريح مهما تجن ما بتترك غبار
نحنا ورود مفتحة بأجمل قمار...وأنتو مماسح باليي وعا الشعر عار
نحنا قوافي مرصعة داير مدار....نحنا ليالي الأنس ووضوح النهار
وبعرف يا أبن جنوبنا بوقت الحصار ..هجموا علينا بحقد وبراكين نار
ولوما القسا من مقاومتنا ودم فار....لجبرت عدو بلادنا عا الأنكسار
عطيني شعر موزون من زات العيار...يما استأنف فل أوكب الجرار
رح ضل أقسا عليك ما في أعتبار....ألا لجمال القافيي والأبتكار
تيوس الشعر ما بظن فيها أحتقار.....هيدي قوافي بيبرموا عليها كتار
نقي القوافي حك جمجمت سهار....ولاتترك الشيطان يلعب ...بالزغار..
بتقدر تقول حمار للشاعر وفار...لكن ببيت مهزب بلا أنتحار
سليمان جايي يقوم ثورة بالزجل.....تعلم يا أبني كيف بيكون العمار

تعلم كيف بيهجو بزوق ونركيبي شعريي وخود حبة ضغط

من طرف salomon 10/11/2007, 12:16 am

رد الراهب

كلمة جرو من حضرتك وفرتهـا......وبالتيس عدت لفكرتك بلورتهـا

بهنيك عا هيكي صور صورتهـا......شاعر شموع الغشمنـه نورتهـا

ليش نفسـك عالشقـا أجبرتهـا.....مع بطل أشعار الزجل وزكرتهـا

لما أنا ملـوك البلاغـه أمرتهـا.....حضرت لعندي وعيشتك مرمرتها

وآيات شعري كتبتهـا ونشرتهـا.....وأهل الذكـا بمواهبـي بشرتهـا

وعن قصد روحك يا صبي أخرتها.....من حيث أنصار الزجـل قدرتهـا

بدهن يشوفو الشمس كيف بهرتها......وبالمرجلـه ملّحتهـا وبهّرتهـا

بدهن يشوفو المملكـه العمرتهـا.....بجماجم الاعدا البسيفي نشرتهـا

وكلمن قطع للمسرحيـه كرتهـا.....بـدو يقلّـي يـا .....كترتـهـا

وأنت الأنا نفسك معـي أنذرتهـا.....بعدك لهلق كلمتي مـا حزرتهـا

الشلفه بعينك عالبكـي جنزرتهـا.....وشتلك عذابك عالقهـر بزّرتهـا

وروحـك اذا طلعتهـا وقبرتهـا.....من جسم خنزير الشعر حررتهـا

لا تلومني إنت الطريق اخترتهـا.....وهي بره بيتا بالغلط لو ذكرتهـا

لعمّار قلّو رجعت عندك مستـوي.....من بعد ما جهنم الحمـرا زرتهـا

من طرف salomon 10/11/2007, 12:18 am

هنا دخل الشاعر جعفر حيدر عا الخط وهدينا الأجواء
رد الشاعر السليمان
[S]
عليت قلبي وبعدك بتشقع كلام.....فيك المواهب ميتي بوجه عام
شو باك يا شيطان جايي بالصيام....ملفلف بتوب الراهب لعندو كمام
ان ماقدرت تعطي الشعر قيمة روح نام....وطعم بيوتك بالأدب والأحترام
القالوك بتكتب قصايد يا سلام.....هودي أكيدي من وزن ستك سلام
كرمال جعفر حيدر البشعر هام..... بطلت أقسا عليك رح شد الفرام
وعمار قلي دشر طيور الظلام.......صارو ا البواشق بالسما قد الكوام
خلصت مني روح عاالبيت بسلام......بها الشهر قالو ا الناس عن أكلك حرام
خليك عا موضوع وامشي بأنسجام.....تا نترك الجمهور يعطي أهتمام
أنتو دبحتوا الوزن وقبرتوا الحروف......ونحنا دبحنا الزوق بدموع القلام
[/size]

من طرف salomon 10/11/2007, 12:20 am

رد عمار

موسى الزغيبي جنب حمدان المجيـد.....لا تزايد علينـا بيقلـو ولا تزيـد

سليمان هلق جيت تاقلـك وعيـد.....نفس المقالة وعيب تاعنهـا تحيـد

مرة قصد لبنان من ماضـي بعيـد.....طه حسين البل أدب لقبو العميـد

قالوا إلو شو رأيك بحرف الجديـد.....الذال زين. الثاء سيـن منستفيـد

تطلع بساعةّ واحد وعنـدو بأيـد....وقديش صار الوقت تايهدي الشريد

إلا سلس بدل الثلث قالوا العديـد....جاوب اللغة دشروها بـلا مزيـد

تايضل مـن أمثالكـم يُكثـر الله.....وماتصير من أمسالكم يكسر أكيـد

من طرف salomon 10/11/2007, 12:21 am

وهنا بلش الطق عا المظبوط

لا تسألوا عن أصل شاعر ما فعل......الخللى القوافي تصير فعل ومفتعل
عمار متل الطفل عا المنبر سعل....وحتى المعاني مجمعة حولو جعل
بمنتداه البكر طقيتو انفعل........والنار منو طلعت وقلبو اشتعل
أياك تزعل يا صديقي رجعت ليك.....ان بلشت طقك بالقوافي بلا زعل

من طرف salomon 10/11/2007, 12:23 am

وبرجعلكن يا حبايبي بكرة وبعدا والعة

من طرف salomon 10/11/2007, 5:33 am

وهنا دخل هولو عا الخط
ب كسر الوزن صاب السمع هستيريا ////// وجايِ ت انفيكن نفي ل سيبيريا

ومن بعد ما تجرثم الشعر بموقعي /////// جايب مبيد يبيد هالبكتيريا..

------------------------------------------------------------

حاج تعفسو بالوزن ....

من طرف salomon 10/11/2007, 5:34 am

رد عمار

من الطق مابيزعل حدا والطقطقـة.....بس الزعل شعرك يصفـي هرتقـة

واحد اجا بـدل القلـم بالمطرقـة.....وواحد على ذوقو القوافـي منّطقـا

سليمان ياراجع ع أشرف منطقـة......وفيها عليك الناس كلهـا معلقـة

قبالك سعلت وكل سعلـة معلقـة.....وضعفك حرق قلبي بهـاز بهاللقـا

ومهما عليك تفلسفوا ولاد الشقـا.....لاتخاف ببقى بدر فوقـك بالنقـا

وغير البي إسمو فات مش رح حاورو.....وينو اللي منكم بالنفس عندو ثقـة