وينك يا براضعي

من طرف salomon 12/17/2007, 2:56 am

شو صار قلي وشو جرى يا براضعي***صرلك شي شهر ونص مش حاكي معي

يا بتركك تستفقد لشاعر كبير ***يما بتفقد خيرة رجال الوعي

من طرف **عمار البراضعي** 12/18/2007, 11:50 pm

يابطارية بفن المعنى وقصــــيـــــــــــد

لا تهدد وحكم العمل ع بواب عـــــــيــد

ورح ضل شارجآر الوعي اللي بيشحنك

وبتصير فاضي انصرت عن شعري بعيد

****************************

من طرف salomon 12/19/2007, 6:46 am

طليت متل الضو أهلا ومرحبا***شارجار تيواني...بشركة مركبا
وتا تعي ش بدك كهربا تا نشرجك*** : وببلادنا معروف...؟ما في كهربا

من طرف **عمار البراضعي** 12/19/2007, 2:07 pm

عندي مــولّد كهــــربا أوعى تخاف

بضـو ييـك وقت اللي انا بدي بعجل

وبطفيك وقت بتشلح ثياب العفاف

ولبنانـنـــا معروف إديسون للزجل

من طرف salomon 12/19/2007, 8:57 pm

يا مولد الما فيك تضوي عا أصول***ألا ما تشبع معدتك مازوت فوول
ومش بس ما في كهربا يا إديسون***حتى بوطنا صار مقطوع الفيول :

من طرف **عمار البراضعي** 12/19/2007, 9:46 pm

المتلي على الأعياد هني و قادميـن

ضووا العيون شمــوع بشـعار الفطِـن

والمتلك بـ عيد السياسي مضحيـــين

غلطوا وصاروا عم يضحـــوا بالـوطـــن

من طرف salomon 12/20/2007, 2:02 am

ضويّت ليل الغش ...؟سهرات البنات***ب فتيلة القنديل ماشي عا مهل
وما زال ضو العين مصدر للحياة***خليّك شمعة دايبة بليلة جهل
5as

من طرف **عمار البراضعي** 12/20/2007, 4:46 am

أعمى القلب للشمع مافي يجرحو

بليل الصلا مش جهل . ضوا ونوضع

الناذر عيونــــــــــو للوطن ع مذبحو

لاتخاف بعيــــون البصيرة بيـنقشع

من طرف salomon 12/20/2007, 8:47 pm

عيون البصيرة بنور الله قاشعة***متل السما بالليل ضوّوا بدورها
ورماد فكرك وج جمرة والعة***بتحرق صابيعك ...؟ما بيظهر نورها

من طرف **عمار البراضعي** 12/20/2007, 11:03 pm

العشرة غرست بجسم كفر . كفوفها

وفكري متل دولة اذا بعينك رمــــــــد

ودولةّ زجلنا !! رماد لو بتشوفـــــــــها

إيــــاك تقرب صوبها مابتنخـــــــــمـد

Ammar

من طرف salomon 12/20/2007, 11:18 pm

العايش بجمر العاطفة وحكمة شيوخ***ما في صابيع خيار ليي يقربو
ان قربت صوب المملكة بكسر مخوخ***وان كان عندك راس...؟مخك هربو

من طرف **عمار البراضعي** 12/21/2007, 1:44 am

بركيل ؟ وبراسين راضي تتهــــمـو

البي صدّقك لو قلت عن حـالك ملك

وخبى الراس المابتقدر تفهمــــــــو

وع قد عقلك راس نقــــــــــالك إلك

من طرف salomon 12/21/2007, 2:17 am

كبر القلوب هموم جابتلك قناع***وزغر القناني...غب خمرات السكر
ومن حيث راسي كبير دكييت القلاع***وخبيت راسك خوف أنو ينكسر
5as

من طرف **عمار البراضعي** 12/21/2007, 4:06 am

المتلك ع غيري تبهور ومنو انـــخـاف

ومهر فكرو عاجز قبالي يســــــوس

وراسك كبير بعين شعري ما نشاف

وإلا بكبر العقل مانقاســــو الرؤوس

2shraf

من طرف salomon 12/21/2007, 6:05 am

ياما عيون كبار من بطشي بكو***وما في ولا رجّال فيي ما اعترف
وحق الألي لا تظن أني بتركو***ومتلي رجال ...؟بكبر كفّي بنعرف
لبناني

من طرف **عمار البراضعي** 12/22/2007, 12:08 am

هاالعنترية بضفدعك قوةّ حـنـــــك

وشيبوب ضعفك بالرجولة خادعـك

لا فيك بين الجوهر تمرق تــــــنك

ولا فيك تتبوهر على اللي بادعك
Sleep

من طرف salomon 12/22/2007, 1:14 am

يا مبدع الشعّار تا بعينك تشوف***الصاغ الدهب....؟من بعد ما صاغو ذهب
وما زال أنتي مبدعي يا فيلسوف***قللي بربك مين أغلا من الدهب virus

من طرف **عمار البراضعي** 12/22/2007, 10:18 pm

تانقول أصلك تبر بتضلك شقف

لوما وجودي بالسبايك يصنعك

وهلق بردك طفل تايقولوا لقف

وع محك جوهر شعر تقرب بمنعك

من طرف salomon 12/22/2007, 10:29 pm

ضفرك أنا يا جلد رب المرتجل***جايي وكارج صوبنا متل الحجل
ولا تحكّ راسك مألك غيري أنا***وضفري الوحيد الحك جلدك بالزجل virus

من طرف **عمار البراضعي** 12/23/2007, 3:24 am

يائس عرفتك بالشعر مش منوهب

بساحةّ جهادك قلت لا تضلك عجوز

شد الأضافر ع جلد منجــــم ذهب

بالبحش والتنقيب بيشيلوا الكـنـوز

***************************

من طرف salomon 12/23/2007, 4:26 am

مين القلك مين عن سلّو عجوز***هودي جماعة ..تييوس لا تعدّن بشر
ومش بس بالتبحيّش بيشيلو الكنوز***حتى البحش يا وحش بيفضّي الجور Sorry

من طرف **عمار البراضعي** 12/23/2007, 5:10 am

المكتوب من عنوان قالوا بينقرا

وبلشت تبحش انت يامطَّوق غرور

ومن دون مايقلي حدا شواللي جرا

بإيدك إلك بتكون عم تبحش قبور

************************

من طرف salomon 12/23/2007, 5:32 am

قبري بحشت معليش حاجي تريقة***ورح خبّرك عن قبر سلو يا حلو
مفروض يطلع فوق مني زنبقة***ما الورد لما بتزرعو بتبحش ألو 2shraf

من طرف **عمار البراضعي** 12/23/2007, 6:00 am

هاجمتني وماعرفت بعد براضـــعي

بّحرو غرقت عجزان مش قادر تطوش

وبالبر شوك وورد ياسلـــــــو معي

والشوك متل الورد في عندو شلوش

من طرف salomon 12/23/2007, 6:33 am

أياك انت تقول عن شرشك عريش***عليقتك بالشعر ما بيخصها
بدلق عا شرشك كاز حتى ما تعيش***يما بمنجل زند شعري بقصّها Sorry

من طرف **عمار البراضعي** 12/23/2007, 7:30 pm

ع الذيب مابتقوى السوالح ياخروف

بيتكسرو قرونك اذا كــــــّنك عتاق

وعلقت علقة . متل كبكوبةّ الصوف

بعليقتي ماعدت تخلــــص ع رواق

*************************

من طرف salomon 12/23/2007, 8:56 pm

شو صار تا بلشّت تغلط بالكلام***بخليك متل الصوص ترجف من فزع
وكبكوبتي متل المحابر والقلام***وكل سطر ما بيتذوّق ...حروفي انتزع 2shraf

من طرف **عمار البراضعي** 12/25/2007, 2:59 pm

رئبال شعر بساحتي بشرب دمــــا

ولا بحسب حساب الكبار ولا الزغار

وكلما سباع البر غابوا من الحمــــا

فيهـــــا تفـتـّـل بَي الحصيني وداردار

Like a Star @ heaven

من طرف salomon 2/24/2008, 2:39 am

تفتّلت ما شفتك مع الأشعار
ولا سألت عنك ما سألت عني
غايب عن الأحباب ليل نهار
وها المنتدى دايب مع العني
يا براضعي قلّي معك شو صار
ما بحب أربح بالعمر مني
غيابك جرحني وزتّني بالنار
وقلي عليّك بحرّم الجني
ان ما كنت جايب عا السما عمّار
مشغول بالي عليك يا رفيقي
بحياة الله طلّ طمنّي

من طرف **عمار البراضعي** 2/24/2008, 10:23 pm

سليمان طمّن بالك بخير الخبار

الله لا يشغلك بهالعمر بال

منزوع كان النت تاغابوا القمار

وماعاد طلوا يشعشعوا فوق الجبال

واليوم عدنا تانشوف الإنتصار

لقيتو بعنقك صار يافخر الرجال

انت الصديق وانت عنوان الوقار

وع الدار مابيخاف بانيها ان غاب

بيعرف محلو خي شيال الحمال

من طرف **7arf** 2/25/2008, 3:29 pm

عمار وسليمان عم يتحايلو

وعن بعضهن بالشعر حبوا يسألوا

اللي تجاهلوا حرف الألو غايب شهور

كل الثقافة والحروف بيجهلوا

Twisted Evil

من طرف salomon 2/25/2008, 9:08 pm

شو دخلك بين البلابل يا جرو
وحرف الثقافي عيّب أنك تدعي
اللي تجاهلك ما فيك يسأل تجبرو
موجود أو موجود ما بتفرق معي

من طرف **عمار البراضعي** 2/25/2008, 10:42 pm

ع سلامتو إللّي سأل عني

وكرمال ذوقو رجعت تاغني

سليمان إسمو وريِّس الشعار

وجايي متل رضوان للجنة

*
وياحرف كنك من حدا بتغار

حلوة الغيرة والحسد منِـّة

ولما حضورك مع غيابك صار

لا عن غيابك سائل سليمان

ولا عن حضورك بسأل بفني

********************
cheers

من طرف **7arf** 2/25/2008, 11:01 pm

عمار حاجي في غرورك هودسي

لا يغرك سليمان حكيو فزلكي

حضوري عصركم متل زيت بمكبسي

غيابي اذا بيطول موقعكم بكي

وبين البلابل حرف فاتح مدرسة

مش متيسة للهبهبوا بالمعركة

بيسأل عليها اللي بيريد الهندسة

ولغةّ جرو غير الجعاري ماحكي

*************************
cheers

من طرف **عمار البراضعي** 2/26/2008, 3:44 am

بالنار اصحك ياحرف تلعب نهار
بتحرق صابيعك أو لسانك بسحبو

ومتل ماجعفر أكلها بإختصار
بدك تاكلها ومنبري لاتقربو

خذلك نصيحة قبل ماتهاجم كبار
ع البحر لا تنزل تجرب تشربو

بيفقش عليك الموج آخرةّ النهار
ومتل السمك برجع مصيرك بكتبو

الهيئة انت زودتها والحساب صار
الله ما خلقك صرت بدي إحسبو
cheers

من طرف salomon 2/26/2008, 6:47 am

7arf كتب:
عمار حاجي في غرورك هودسي

لا يغرك سليمان حكيو فزلكي

حضوري عصركم متل زيت بمكبسي

غيابي اذا بيطول موقعكم بكي

وبين البلابل حرف فاتح مدرسة

مش متيسة للهبهبوا بالمعركة

بيسأل عليها اللي بيريد الهندسة

ولغةّ جرو غير الجعاري ماحكي

*************************

حرّوف يمكن حن لكفوفي
ومش عارف الشعّار مصفوفي
بنحت بخد القافي أبيات
بتصير صورة شعر موصوفي
لكن معك بالسيف جايي هات
شوفي معك أبيات يا مغرور
مش محرزي فرجيك عا سيوفي
هههههههههههههههههههههههههه
[/center][/center]

من طرف **7arf** 2/26/2008, 4:40 pm

البيقول هات وألف مرة مركعو

ودمعات عينو دم صعبة يقشعو

سليمان عم يحكي بّذائة تسمّعو

غير الحرف مابظن عاد بيوجعو

ممنوع ايا سلاح عندك نوضعو

حتى مانجرح خاطرك أو نبضعو

المابيقطعو بالفلسفة حرف الكلام

مبروك حد السيف مش رح يقطعو

====================
cheers

من طرف salomon 2/27/2008, 3:25 am

كرمال رب القافيي عمار******رح عف عنّك حضّر الفلي
رح رقصّك متل التلج عا النار****وخليك تصرخ أخ يا دلّي

وعا جهنم الحمرا مع الكفّار*****أغليك متل الدبس بالحلّي
تا تضل تعرف قيمة الشعّار*****وتركع لرب القافيي تصلي

حد الأرز ما بيطلع الغزّار*****وبو الحن صعبي يطير ويعلّي
عمار وسليمان هودي كبار*****يا حرف جر نجر بالعلي

قبلك أجانا عا التحدي كتار****وضلّت سيوفي العز منسلّي
وعمار مارد عا المنابر صار*****لا أنت قادر تحرجو يا جار
ولا بيقبل المنبر ولاد زغار****ولا القافيي بتقبل عليها عار
محروف متلك ياخد محلّي

من طرف **7arf** 2/27/2008, 4:30 am

شو هالحكي المغشوش ياهبلي
ياقش فاضي ماحمل سبلة
مين اللي قلك باخذ محلّك
وترمك اجا تندار ع القبلة

وعمار قبلك ذابحو وقلّك
بعدي انت وياه مش قبلي
قلو عن لساني رح بذلّك
وذلو بحرف القوس والنبلة

وقدموس شعري للشعر دلّك
وخمر القوافي قللك اسكبلي
انصبيت كاس الجهل من خلّك
بقرّص عجينك كل ماطبلي

وطبلة في عندي الجلد رح شِلّك
جلدك متل عمار للطبلة
ومن شعر راسك بسحبو وشلك
مشلول حتى تصير عتبلي

انتوا كبار القللك وحلّك
ضحكوا عليكم صار يكتبلي
بذينيك يمكن عم يمطلك
ومخصوص باعتلك حرف مجرور
يجرك جنب عمار بالحبلة

**********************
cheers

من طرف salomon 2/27/2008, 4:53 am

بعمرك ما حامل عا المنابر دف******اعطيناك تعقل شي ألف فرصة
مشتاق تا كل كل مدة كف******أو تنقرص بالجنب شي قرصة

عمار حن عليك لما عف*****لم شاف يابني خلقتك برصة
عقلك عا كتر القتل يمكن خف****ورح نمنعك من هلق وطالع
تكتب بقلب المنتدى مطالع****بنفضل نحطك بحبس كبير
ولا يصير عنّا المنتدى جرصة
ههههههههههههههههههههههههههههههههههههههه virus

هه

من طرف **7arf** 2/27/2008, 5:30 am

مسا الخيرات والنسمة العليلة
لأجمل موقع بعالم جميلة
طرش شعري قبالي دم لوّن
وقت ماطل دقتلو الخليلة
وعند ماربنا هالكون كـوّن
خلقو معجزة بحكمة جليلة
ومن صهلةّ جوادو الشعر موّن
قوافي محنجلة بمتن الأصيلة
اذا سليمان حرباية ملوّن
مع عمار ضد ولاد جيلي
وحرف الشعر بالفرصة مخوّن
وجرصة قال عني ومستحيلة
ناسي الحرف كلما حرف دوّن
بيغذي بالحكم اكبر قبيلة
وقول الارتجالي الصعب هوّن
ولِحَدّ اليوم أرباب القوافي
بتجي من حكمتي تآخذ مثيلة

من طرف salomon 10/28/2008, 10:31 pm

أوووف أووووف أووووف

هات وفرجيني وقلّي***حيّة بالجّو تعلّي
بجبلك بوومي يا حرّوف***اترغّل متل الترغلّي

***********************
جبلي بقرة بتحلب زيت***بجبلك عا المنبر خاروف
بيكتب ألف وميّة بيت***وبينظم جملة بلا حروف
جبلّي هندي بيسكن بيت***وأعمى عا المنبر بيشوف
ورح فرجيك على الويب سيت***القمل براسك عم فلّي

من طرف **7arf** 10/29/2008, 1:21 am

جبـــلي تيس بيقرا كتــــاب = من البيضة بجبلك بقـــرة

وجبلي ثعلب حاكــــم غاب = بخلقلك أعمى بجقــــــرة

وجبلي بسين مخاوي كلاب = تاجبلك عبدة شقــــــــرة

ع ذوفك بتـــــــــرد جواب = وع روحك حرف يصلي
=====================

من طرف salomon 10/29/2008, 1:52 am

جبلي شقرا شفافها سود***بجبلك عبدة ومشقّرة
جبلي نملي عندها زنود***بجبلك فحمة تتمرّى
جبلي قملة تجر أسود***ووردة حمراومخضّرة
بجبلك عا الموقع داود***يدقلّك ويدقّلي

اكيد النبي داود عا المزامير هههههههههههه

من طرف **7arf** 10/29/2008, 2:25 am

جبلي صوص بوزن ثقيل = بجبلك حوت بخف الريش

وجبلي نملة تجــــــر الفيل = بجبلك فارة تجــــر كديـش

جبلي منجيــــــــــرة بفتيل = مييت تا جـبــــــلك بيعيش

يخلد لحنو بميية جيــــــل = مع زريـــــــاب المتجــلـي

=====================

من طرف salomon 10/29/2008, 5:03 am

جبلي حرف بدون تحريك***بجبلك صفحة بلا ورقة
ووبجبلك من غابي ديك***عا ضهرو بتركب قرقة
وجبلي شي شجرة أن فيك***ملياني حبوبها زرقة
بجبلك بحر الأتلنطيك**بايدي معبّى بالسلّي

من طرف **7arf** 10/29/2008, 5:40 am

جبلي ردة منيحة تكـــــون = بجبلك بو شربل شاعر

جبلي صعب بيوفي ديون = بجبلك بحصـة بمشاعر

جبلي خلد وعندو عيــون = بالقطنة الصخرة شاعر

بجبلك بجهنم ميـــــــرون = من دهنة بيشفي العلـــة
====================

من طرف salomon 10/29/2008, 5:53 am

جبلي من البلحة زيتون***بجبلك من هيفا رمّان
ومن ناننسي بجبلك ليمون***وريحة عطر من الجربان
جبلي بقرة بدون قرون***بتنطوح ضخر الصوان
بجبلك شلهوبي بكانون***وباط بينعر بمسلّي

ههههههه تصبح عا خير

من طرف **عمار البراضعي** 10/30/2008, 4:35 am

جبلي نـار بقلب النـــبــع = بجبلك ثلج من البركــان

جبلي بسين يكتف سبـــع = وقردة بتخلّف فيـــــران

بجبلك أرنب سابع ضـبع = وبوفاسة بتفـقـش صوان

وليرة جبلي بيورو وربع = بجبلك قرش بيسوا ريال

وبفرنك الخزنة يملّي

* * * * * * * *

من طرف salomon 10/31/2008, 5:58 am

جبلي بنت بلا تهذيب***من تيابا ريحة عفّي
بجبلك بطيخة بزبيب***تاكلها وتقرط شفّي
جبلي غيمة عا دواليب***وونسمة بكانون تدفّي
رح جبلك عاالموقع ديب ***ونملة بتنتف لحية سبع
وفيل بيلعب بالكلّي