وينك ياعمار؟ حرف !!!!!

من طرف **7arf** 4/11/2009, 4:45 pm

عمارعاد الحرف قاصد ساحـتـــــك = حوا حروفو تنتش بتفــــــــــاحتك
وآدم نبوغو نحت شعرو ناحــــــتـك = تايضل يزرع خير طـول مساحتك
الهيئة عند ماعرفتني حرف الشجاع = فضـلت تبعدني تــــــاتآخذ راحتك
=========================

من طرف **عمار البراضعي** 4/12/2009, 3:10 am

غاب الحرف قلناعلى التمرين راح =وراجع ياحسرة مكلخة غصونو الرياح
ومن وقت مافليت موقعنا ارتــــــاح = وزادوا بلابل منــــــــــتدانا بالصداح
وقت الإنت بتعود بيحل المســـــــــا = وبوقت مابتغيب بيطل الصبـــــــــــاح

* * * * * * * * * * * * * * * * * *

من طرف **7arf** 4/13/2009, 11:41 pm

تفكير حرف بخير عودة مصـمـمـو = راجع مابدو للمدلع يهضـمـــــو
وياما نجوم من المجرة تشرذمـــــو = كلما فكاري بالتحـــدي أجرمـو
ومنشان حقو المعتدي ما إحرمــــو = مين ؟ البيحـبــوا للتحدي ينتـمو
حتى انشفت مرحوم منكم بالحروب = لاقبل موتو ولا بعد رح إرحمـو
============

من طرف **عمار البراضعي** 4/17/2009, 8:44 pm

اتروّى ع حالك روق ياحرف الدلـع = متل العسل او علقم الحرف انبلــــــــع
كنك لحرب الشعر في عندك ولــــع = مارد المنبر خشبةّ طموحك قلــــــــــع
الشاعر خيالو جهنم الحمرا خلـــــع = وشال البواب وناطرك تدخل هــلـــــع
اهون إلك تدخل على نار الجحـيــم = ولا نشوف شعرك صارت حروفو سلع

* * * * * * * *

من طرف **7arf** 4/17/2009, 10:21 pm

حافـظ ع الفاظك اذا بتهوى النظـــام = الحروف مش سلــعة لا تغلط بالكـلام
انت المدير وحرف مشرف قسم عـام = ولولاه مـابتحـــلم بموقع بالمنــــــــام
ولمـا عملنا المنتدى العالي المقـــــام = اسهر ع ليلو وكنـت ع جنبي تـنــــام
استغنـيـت عني وهيك صايبني معــك = هديتك يراعي وصـرت تهجي بالقلام
========

من طرف **عمار البراضعي** 4/18/2009, 1:04 am

نحنا بنينا المنتدى من أولـــــــــــو = منزل لنسر الشعر يبقى ومعقلـو
ولما لقينا الشاعرية تبهدلــــــــــوا = من حرف قانون الإدارة بيجهلو
شلحّــتك قلام الهجا تايعقلــــــــــوا = ودرب القانون بموقعي ما بحولو
حتى اذا شي حرف بتمـــــرّق غلط = بدل الظبوطـة بكتب النـعوة إلو

* * * * * * * * *

من طرف **7arf** 4/18/2009, 1:18 am

عمار لاتنسى الروح مـــــــــــألــها = غير الخـلقها ماحدا بيشلّـــهـا
وهجمات حرف عرفت كيف مطلـها = أكبر معارك بالحروف احتلها
ولما المواقع صرت إروي غلهـــــا = ماطلبت إتحـدى خليلا وخـلها
هني اللي طلبوني وانا كسرت القلـم = والحكم مبرم ع الخلايـق كلها
======

من طرف salomon 4/18/2009, 4:48 am

حلوووو يا شباب شفت ما احلاك وقت بتضل مهذب يا حرف خليك هيك هههههههه

من طرف **عمار البراضعي** 4/18/2009, 9:58 pm

من كثر ما حروّف حرّف ع الهدا = تعـــوّد على التحريف تايلــــــبي النـدا
وعمار وسليمان صانوا المنتـــدى = وتركوك فترة عن قصــــــد تاخذ صدا
صدقت حالك عدت ع ساح الفــدا = الله وكيلك بعـــــــد مابتطلع غــــــــدا
لا شفت حرف بيقدر يحارب كـلام = ولا سمعت خافوا جبال من كعب الودا

* * * * * * * *

ان عاد الحرف بالعدل عن حق ابتدا = كسر القلم في حكم مبرم مش سدى

وينك ياعمار؟ حرف !!!!!

وينك ياعمار؟ حرف !!!!!

رد: وينك ياعمار؟ حرف !!!!!

رد: وينك ياعمار؟ حرف !!!!!

رد: وينك ياعمار؟ حرف !!!!!

رد: وينك ياعمار؟ حرف !!!!!

رد: وينك ياعمار؟ حرف !!!!!

رد: وينك ياعمار؟ حرف !!!!!

رد: وينك ياعمار؟ حرف !!!!!

رد: وينك ياعمار؟ حرف !!!!!