ع الماسينجر بين جعفر وعمار

من طرف **عمار البراضعي** 2/3/2008, 10:09 pm

دس نبض ع الماسينجر ارتجالي
مع الشاعر جعفر حيدر وحبيت انقلها متل ماهيي
==============================

جعفر حيدر(2:38 PM)

نشغل بالنا عليك أنا والأخ سليمان

2:40 PM): عمار

الله لا يشغلكم بال والله بعتذر لأنو العاصفة الثلجية حرمتنا انسكم
جعفر حيدر says (2:40 PM):
سمعت والله
جعفر حيدر says (2:40 PM):
بس منيح عم يمشي حال الخمور
Eu Estou Aque says (2:41 PM):عمار
ايه روعة نشالله اول ما بتشرف بزيارة ع بيتك بتذوق وأحلا قنينة إلك

جعفر حيدر says (2:41 PM):
وأكيد بدنا نزورك ان الله راد
جعفر حيدر says (2:41 PM):
تسلم يا رب
Eu Estou Aque says (2:41 PM):عمار
بتجي على بيتك ميت اهـلا وسهـلا
جعفر حيدر says (2:43 PM):
تسلم يا رب ودير بالك على حالك مني
ولا تفكر بعف عنك بقنينة خمر
هي الشغلة بدها براميل

**********************************
**********************************

وهون بدي عمار
Eu Estou Aque says (2:44 PM):عمار

بقنينة مش رح اغريك = تاتشرف خيي بساويك
لكن ع المنبر منضل = اخصام وإعدا ياشريك

جعفر حيدر says (2:46 PM):

عني يا عمار اسأل *** بشرب برميل ولا بمل
تفضل عالمنبر يا خال *** نقشع مينو اللي بيفل

Eu Estou Aque says (2:46 PM):عمار

يحلي ايامك منقول = وتبقى كلماتك احلا
حتى نضل نغني اصول = وحبات الكرم بتحلا

Eu Estou Aque says (2:47 PM): عمار
تكرم عينك جيتك هون = نغني سوية تانشبع
وبالأشعار نهز الكون = واحدنا نجم مشعشع

جعفر حيدر says (2:47 PM):

بشعرك صار التلج شموس** عم تتعرا للحلوي
ضم وشد وشد ونوس*** وبوس خدا اللي بيلوي

جعفر حيدر says (2:48 PM):

المنبر للشاعر ميدان .. والفارس شد حروفو
إنسان يلاقي إنسان .. وشوفو يا عالم شوفو

Eu Estou Aque says (2:48 PM):عمار
شبعان مبوس حلوين = والجوي بخلي يبرّي
وكثرة ماشلت فساتين = قلال الزمطوا من شرّي

جعفر حيدر says (2:49 PM):

الله يعطيك العافة ... هيكي بيكونو الشعار
من جبلة للصفصافة .. خلي الليل يصير نهار

Eu Estou Aque says (2:50 PM): عمار

يلا معنى ندردش ونتفة قصيد = حتى نموّن منبر الكلمة رصيد
مازال جعفر حيدر مغني معي = حسيت جعفر برمكي منو بعيد

جعفر حيدر says (2:51 PM):

أوعا فستان الحلوين .. يغشك هيدا مش مانع
كلما كترو الفساتين .. مجالك للحلوي واسع

----------------------------------------------

الله يا عمار شو حلو الحكي ... لما الشعر عامنبر الكلمة تكي
أنت وأنا كتبنا قصيدة للحلا ... عمار غنى ورد جعفر برمكي

Eu Estou Aque says (2:52 PM): عمار

عايش بالبرازيل خمسة من السنين
ماكنت فرق بين دين وبين دين
اللي بتطلع بدربي عا جنبي بطلعا
ع شكل ما بيطلع كلام الملهمين
------------------------------------

قبل الماسينجر بعد بدي جربك
تطلع قصيدة وع القوافي دربك
عرفتك بقرادي مع معنى وبقي
ندردش قصيد بصير مني بقربك

=====================

جعفر حيدر says (2:55 PM):
عايش أنا بتشيكيا وعمري طويل .. تلاتين عام خصور من حدي تميل
وكلما لمحت فستان شارد بالحلا .. انكني أصيل بصير أكتر من أصيل

Eu Estou Aque says (2:56 PM): عمار

إطلع بالقصيد وقول كفي = حتى تشوفني الدينة موفي
نقي انت من عندك قوافي = وعليها انا تازيد صفي

.comالشاعر جعفر حيدر says (2:57 PM):
شعري أنا الليلي على روحك كبس
وأنفاسك من الصدر يا غالي حبس
عنا بيقول للجبس قبل الشرا
عاطول عالسكين أنتا يا جبس

Eu Estou Aque says (2:58 PM): عمار
ماعرفت هالقولات من عزم المرا
جعفر اجاها بكم قافي واقتبس
مش عارف العمـار لو مهما جرى
بيرجف الكونين لو جفنو عبس
-----------------------------------

.comالشاعر جعفر حيدر says (2:59 PM):
طلعنا بالقصيدة قول كفي
يا أما بدوقك طعمات كفي
كفي يا دني البلوات كفي
صديقي اليوم ضايع بالضباب

*******************

Eu Estou Aque says (3:00 PM): عمار
ياهارب ع العتابا اليوم مني
انا بعطيك شعر بدون مني
انا فايض بقول الشعر مني
السلو بعطيه من شعري جواب

************************