بين التخلف والوعي حرف وعمار

من طرف **7arf** 2/28/2011, 3:48 am

قومي ياعركت حرف بالضحــكي فقعي = ع بو أسامة المتل غيرو بيتدعــــــــــي
نبهــتـّـك من سنين تقرب موضعــــــــي = وتترك بـحور الكذب ياكـفوف اصفعــي
حاجي تدافع عن بحر موجو كعـــــــــي = متلك بـيـغـــــــــفى بس مابشوفو وعي
وراجع تهت شفار حرفي ومبضعـــــــي = وتفصـــــل إدارةّ موقعك عن موقعـــي

عــمـــار شو رأيك ياإبن براضعــــــــي = تختــــار مابين التخلّف والوعــــــــــي
بدك وعي بوعــيك ع أجمل فكــــــــــار = ان ردت التخلف روحـك بتطلع معـي
=================

من طرف **عمار البراضعي** 2/28/2011, 4:04 am

أهلا بحرف المنفـخــــة والبهـــــورة = شعارو حبوب بكف إيدي بتنــــذرى
مخلوق خرج اللتـــــلـتة والزعــــبرة = بحـروف ملياني شواز بتنقــــــــــرا
بحر الزجل لمــــا تقيسو بمســـــطرة = هيذا تخلّـف مش حكي عن مقـــدرة
راسك عاقد الطنجرة ومن دون وعي = وعندي الغطا يناسب حيالله طنجرة

* * * * * * * * * * * * * * * * * * * * * * *

من طرف **7arf** 2/28/2011, 4:21 am

طيب فهمنا ليش بتضلك عنـــــــــيد = مغمّر ع بيدر فكرك برادي وحــديــد
تركلي التخلف عن طريقو مابحـــيد = مافي بحر خلّص معي معنى وقصيد
تفضل قنعني كيف رح تجمع رصيد = وكل التخـوّف صـار بالعصر الجديد
تطلب لأبنك إيـــــــــد بنت الواعية = وتلبس قصيـــــر وتحمل الهاتف بإيد
==================

من طرف **عمار البراضعي** 2/28/2011, 9:59 pm

مارد جنونك تايـــــه ولولا انصرف = بين التحضـر والوعي غلطة اقـــــــترف
ياما بنات بتلبس المـكسي بقــــــرف = وبتعمل الممنـوع جوّات الغـــــــــــــرف
وثوب الفضيلة بقالب وقلب انعـرف = وبنت الشهامة المجتمع فيها اعــــــــترف
ياما بنات تعلموا وقطعوا بحـــــور = وخلوا الكرامةّ مصونــــــة بحفظ الشرف

* * * * * * * * *

من طرف **7arf** 2/28/2011, 10:14 pm

كلما الوعي طرحو على العالم دوي = من الأكـثــــــــــريي مابيـــزمط منزوي
مابقول كل الناس وعيا ملتـــــــــوي = ولابحب إنسى شو حكي الراوي وروي
بكلمي ورا غمري الشرف فيها غوي = ولومـــــــا على السترة الفرد منّا نوي
تاتقشع بعينك بنات الجامعـــــــــــــــة = بلوتــــــــــــــوث ببعتلك فـتاح الخليوي
============
هههههههههههههه ياويلي عليهون ههههههههههههههههههههه

من طرف **عمار البراضعي** 2/28/2011, 10:21 pm

البنت الشريفة الكبريا بأطباعهـــا = بعلم ووعي ياما التخلف طاعها
وبقيت مراية ساطعة بإبداعهـــــا = وصارت تطـبب للنفس أوجاعها
ولوكان طايل بالتخلف باعهـــــا = وقرر على فخـــو بشرك إيقاعها
لوما التخلف كان سبّاق الوعـي = مافي حدا بيقـــــدر على إقنـاعـها

* * * * * * * * * *

من طرف **7arf** 3/2/2011, 3:43 am

مابين لـفـّــلاشــي وبين قداحــــتــــي = دوّخت ذاكرةّ الحاســــوب بواحتي
وطعميت بنت الموهبي تفاحـتـــــــي = ومع كل شاعر صرت آخذ راحتي
ع صخور مجدي سحر إيدي ناحتي = حفرت بالمكبر ع مدخـــــل باحتي
وجودي تخلّف للوعي بيناتكــــــــون = ووعي التخلّف شعركن في ساحتي

==================

من طرف **عمار البراضعي** 3/2/2011, 4:16 am

انضيعت بالحاسوب صار لازم تتوب = بيكفيك فوق الصـخر عم تـبـــــذر حبوب
وعي التخلف فاق تايشعـّـــــل حروب = ووعي التقدم صـار مغفـــــــــرةّ الذنوب
بحب العقيدة كشفتك وعرق الشعـوب = التمييز غاوي وشمس مجـدك عالغروب
وكلما بعركة تـخـــدّ فيها ونقنــــــعك = بتركب مــــــــهر إعجاب نفسك للهروب

* * * * * * * * * *

من طرف **7arf** 3/7/2011, 4:35 am

عمـــار ياواعي لاتغمض عينـتـيـك = وتتوه مني كل ماقربت ليـــــــــــــك
هروبك وعي لاتقـول رحمةّ والديك = حتى تخلف تحــسب هجومي عليـك
بالدين مابغيّر عقيدة خلقت هــــــيك = لكن عن التمييز تهــــــمة زور هيك
معروف عني بحب عبدة من زمان = ان وعيك حرمني حبهــا بكسر يديك
===============

بين التخلف والوعي حرف وعمار

بين التخلف والوعي حرف وعمار

رد: بين التخلف والوعي حرف وعمار

رد: بين التخلف والوعي حرف وعمار

رد: بين التخلف والوعي حرف وعمار

رد: بين التخلف والوعي حرف وعمار

رد: بين التخلف والوعي حرف وعمار

رد: بين التخلف والوعي حرف وعمار

رد: بين التخلف والوعي حرف وعمار

رد: بين التخلف والوعي حرف وعمار