وين المرحوم ؟

ليلى كتبت
حلو يا حرف ومين قدك ؟


يا ليلى ليش زعّلتي الشبيبي***وكنتي قاسية بصفحة رهيبي
شفتك حرف بتعزّي زيادي***وكأنو المنتدى وحدو ...غريبي

عرفتك بالنقد عندك افادي***وسكبتي الذوق بقلام الكتيبي
ولمين موجّهة النقد ..ل تفادي***أيّا سوء تقدير لكلامك
لأنو شرّعو ا بواب الهريبي

يا حرف جايي ترم عدّانك***الشعّار جنّو مفلّت لسانك
شعّارنا لو جربّوا يردو***أول جواب بيكسر سنانك
ابراهيم قلّي اليوم ما بدّو***يطقّك بعيد الرب منشانك
وهاني مسافر ل عند جدّو***ولمّا التحدي يبتدي عن جد
أن كنت زلمي ضلّ عا حصانك

ما زال يا روّاد شنيّت الهجوم***وتنينكم عا حرف فضيّتوا الهموم
جايي انا خلّص حروف الموهبة***واكل دجاج المنتدى مع صحن توم
هههههههههههههههههههههههههههههههههههههههههههههههههههههههه

هربان من برهوم عمرك ما تقوم***وتا تطقني بالشعر ما كن لو لزوم
انتي الوحيد اللي هرب من معركة***وان كنت حرف الموهبة صد الهجوم

يا حبيب القلب نحنا جينا ندعمك بس المرجلة رد بصفحة برهوم هههههههههههههه

روّاد ليش تدق بسباع العرين***وما قدرت مرّة مع علي تنصب كمين
جينا تا ناكل توم بلدي انّما***راسين كانت حصّتي ومفوفشين
ههههههههههههههههههههههههههههه

الى رورو


احترنا عا أيّا راس بنشد البكر***وما في ولا شاعر فيك يا ابني شكر
بحر القوافي لو صفي مرّة وعكر***لا تأمن على الموج وتصفّي دكر
سليمان بالتورات يا رورو انزكر***حاكى الطيور وما حدا زكرو نكر
لكن انت ضليّت حصّ ..وأسم وتوم***وما بتنزكر الا بمقاهي للسكر


عنا بيقولو قد حصّ التوم
ههههههههههههههههههههههههههههههههههههههههههههه

لا تدق بالتوراة وكتاب السميك***بتشوف نور المعرفة بسرعة عميك
بعدك ولد وبموقع الكلمة ركيك***برهوم فيك تشفّع ومنّي حميك
سليمان حكمة ومعرفة وبالشعر ديك***خلّى الزجل عا النت يا روّاد شيك
اسمي علم معقول مرّة تحذفو***لمّا عا جحشي مدقّرة بتسبق بويييك


مدقّرة يعني زغييري
هههههههههههههههههههههههههههه

ها الجحشة الما كنت مالي سطلها***بلّشت بالقضبان انتي بقتلها
وسيارتي ما يوم بيّن عطلها***اجمل صبايا تشوفها وقفتلها
وتا تقطّعك لا تروح تقرب فتلها***لازم من الدرفات بس تفتلها
زمور واحد جفّل الجحشة طلوع***وخايف انا ما تروح تجفل متلها

ههههههههههههه

شو ها الفصاحة فيك يا مستر رواد***اكبر جريمة سفّروك من البلاد
اركب الجحشي وروح تا تكفّي الجهاد***وابرم عليها متل هاك السندباد
وبدّك نصيحة بيعها وجبلك جواد***واعمول عليها قبل ما تفطس مزاد
صارت كبيري وما بقا رح تحملك***ركبلك شي مرة حصان اصلي بها العياد
ههههههههههههههههههههههههههههههههه ينعاد عليك

عندك جحش مربوط بالقبو العتيق***خليه للحزات والأيام ضيق
تركلي بوييكي عليك مش ممكن تليق***بدها شوفار منيح بالخبرة عريق
انشفطّتها بتصير تاكل بالطريق***ومع شومخر معقول حطا بالفريق
ان ضلّت الحالي هيك يا مستر رواد***معقول انتا تبيعها بحق العليق

هههههههههههههههههههههههههههههههههههههه

ولو صار وضعي سيئ وفي انكماش***مأكد ما بأني الجحش ببيتي ب بلاش
وعن شومخر معروف ما بيقبض معاش***سيّارتو بتعطيه ..؟؟؟كل ما يفوز كاش
معقول ..!!!عوز الجحش تا زقّ القشاش***وبموسم الزيتون يمكن بالحواش
ومن قلّة رجال الأصيلة بالوطن***صارت بها الأيام عم تغلا الجحاش
هههههههههههههههههههههههههههههههههه
اللذي يسقط من الصنوبر وهو يابس يسمى قشاش ويستعمل للتشعّيل بأيام الشتوّيي وللخبز عا الحطب بيشعل متل البانزين وكانو يزقّوا بالقديم
من الحقلة بالشوّال

لو مت ..!!!مع أحلام سائق بالسبق***بيكون قلبي للسما حلمي سبق
شوف العطر تا يعيش بالوردة عبق***وكل شي بيصير بها الدني عليه انطبق
والورد يا روّاد تا يفتّح طبق***وموّت براعم دابلة بقلب الطبق
لا فيك تقتل روح طلعت عا السما***ولا فيك تقتل ورد تا يعيش الحبق

بها الفلسفة ضيّعت رب السامعين***وما عدت اعرف وين رايح يا حزين
عطر الزهر بيفوح غير الياسمين***بيفوح متل الروح وبيرجع ثمين
ماء الورد بيعيش بقناني ومين***بيضل متلو قد ما تمرق سنين
البيروح ما بيرجع اذا بن حللو***بلّش بها الموضوع ان كنّك فطين



بلشنا ننزل عا قعر البحر غمّق خيي رواد اذا بتعرف تسبح

شو ها الحكي الما فيك عنّا تصرفو***يوضاس مات وبالخيانة بنعرفو
وجندي الوطن حتى البيارق رفرفوا***بيموت زلمي وبالشهادة بننصفو
عندك بشر ما بيظهرو ا تا يختفوا*** [وأجدادنا ما بيرجعوا تا يخلّفو
الخلّف ما مات ان هيك بيقول المتل***وأرواحنا قدّام الله بيوقفوا

وهون رد سليمان
رجوع المسيح منيّن..!!! قلّي ووين راح***ما زال زتّ الموت عا كتافو وشاح
نقّي ضميرك والقلب مرّة فتاح***بتشوف ضوّ المعرفة من بعيد لاح
البيروح يا روّاد ما بيرجع ارتاح***والورد بدو يموت كلما العطر فاح
لا العطر قادر يرجع ل قلب الورود***وحتى صياح الديك ما رد الصباح

شوف الحطب بيروح وبيرجع رماد***خايف انا ما تعود متلو بها العياد
ومنشان ترجع طفل بدّك شهرزاد***تخلق حكايا جوبيتير وسندباد
بس الحقيقة تنينّا صرنا بعاد***ولو يوم رحنا يا رواد على البلاد
كل قرش بدو ينصرف بعد التعب***بيروح ما بيرجع عا جيبي يا رواد
هههههههههههههههه

يا روّاد الي هاجر من بلادو***تعا تا نفهمّك قصة جهادو
الترك لبنان من مدّة بعيدة***تا يرجع عا الوطن عذّب ولادو

انا ما كانت السفرة بايدي***الظروف القاهرة منّي استفادو
رحت...!!! وسفرتي طلعت فريدة***ونجاحي عا الصخر كسّر عنادو

اللي راح وما رجع عندو عقيدة***الأمل مفقود هيدا اعتقادو
وجنا عمرو ما رح يخسر أكيدي***لأنو لو رجع منّو استفادوا

وانت يا صاحبي بكلمة مفيدة***لا ترجع متل ما الأجداد عادوا
قبل ما تجمع الغلة الوحيدة***وتقشع كل سنة الليرات زادو

وتحية صادقة بسنة الجديدة***ألك ولبيّيك الطيّب فؤادو
وترجع تغمر العيلة السعيدة***والأعياد تمرق بالمحبة
عا موقع شعرنا النحنا عمادو


بأسم الأدارة نتمنى عيد سعيد وسنة جديدة بالخير والصحة