شروقي الموظف الشهري والفرصة السنوية

من طرف **عمار البراضعي** 7/30/2011, 10:02 pm

الموظف الشهري والفرصة السنوية
==============

من يوم ماتزوجت من خمستعشر عــــــــــام
وشغل الوظيفة فرض بالبعد أوقاتــــــــــــــو
بنطر نهار الأحد تاكم ساعة نــــــــــــــــــام
ومحروم شم الهوا تاتزيد ساعاتـــــــــــــــــو

الفرصة اخذنا السنة ترمة عشر تيــــــــــــام
وخططت كنت الوطن منزور أرزاتـــــــــو
عامل حسابي كنت بالبر حط خـــــيـــــــــام
وبالبحر نسبح غوا ع شفاف مـوجـاتـــــــــو

الغاية معاشي اندثر بعد الغـلا وانظــــــــام
وماسد ربع الدين بحســـــــــاب ليراتــــــــو
وكان الموظف غفــي ومافاق هالأيـــــــــام
الماشي عاقدو وع طول نظاف جيباتــــــــو

حكم الوظيفة انعلن حكمو متل إعــــــــدام
قد ما ع حالو بقي يقـــتقت بصــــــــوماتو
عنتر زمانو انكسر وتشيـــبـبـــــــوا الظلاّم
والفقر جنزر سبع جوات غابــــــــاتــــــــو

وع شوي كان انحنى للذل والأحكــــــــــام
لوما يارب السما رجحــــــــــت عقلاتـــــو
وعوضت رزقو بمرا بتسوى الدني ومقدام
عقل وجمال وقناعة حاملة مـــــــــــــــراتو

* * * * * * * * * * * * * *