حوار مع الوالد

من طرف ghazi saraya 9/13/2011, 7:14 pm

حوار مع الوالد الشاعر أبو غانم

أنا
الطير اللي فوق الغصن ركّز مطرحو=ماعادت الريح القوية تزحزحو
وطير لجعل الغصون كلها مســــرحو=بعدا عيونو عالدني ما تفتحـــو
وهلق يا بي عطي لابنك وانصــــحو=ونقي طير فكرك انت بيرجحــو
بتفضل الطير الشبــــــــابي المزدهي=يما طير شابت ريشات جوانحو
******************
الوالد
الطير اللي ريّش حد مني جوانحو=البي اللي ضحّـــــى تولادو يفرحو
وهلق سؤالي عجمهوري بيطرحو=الفرخ لربي ونكّار مش رح سامحو
نغفلت عنو بـــــــس مرة بهالحياة=وينو تعب هالبي بدو يروحـــــــــو
***********************
أنا
الشجرة اللي شربت من التربة الخيّرة=بترسخ تراب الحقول المثمــــرة
وهيكي أنا من نبع نور المقــــــــدرة=شربت العذب كاسات شعر منورة
تصرت هز عروش عشمال ويمين=واشوي الجمــاجم عالهيب المجمرة
الوالد
أعلى ما بخيلك يا ابني اركبــــــــو=من قبل منك ناس يــــاما جربو
السبع اللي ذوّق تحت عكفة شاربو=كثر الجحـــــافل ما بتقدر تقربو
وصيتك من العام سنــــة الماضية=أحمض ما عندك بالمعنى اشربو
*********************
أنا
ابنك ربي يقدّر سباع مشوربي=وينحت حروف المـــــكتبة بالموهبي
كتبت القصايد عنجوم مذهبي=بصدر الســـــما صارت ثريا مكوكبي
عجنت الأحاسيس بدموع المسكبي=تخبزتها عخدود شمــس المكتبي
طلعت ملاحم دوخت خمر الحياة=وصار المجد بسطورها عميختبي
**************************

الوالد
النجوم السما أقربلك نمديت إيد=عشعر ســـــــلطان المعنى والقصيد
تتصير شاعر مثمر واسمك فريد=من الثلج تسحب نار عمتلهـب وقيد
في وقتها بســـمحلك تغني معي=ومن بعدها منشوف شو عندك رصيد

من طرف **7arf** 9/13/2011, 10:32 pm

حلوووووووووو كثير تحياتي إلك وللوالد الكريم وبتمنى كلما التقيتوا بسهرة حوارية
تتحفونا فيها. ويعطيكن الف عافية ولاتحرمونا من جديدكن دائما
محبتي وتقديري
harf