مع الأستاذ مروان ابو نصر الدين

من طرف **عمار البراضعي** 1/29/2012, 4:46 pm

Marwan Abou Nasreddine
‎
الزجل جوهر من التبر المنقّى = = = = وبهالموقع ألف درجه ترقـّى
بوجود "الهزمر" ومتلو رفاقو = = = = اﻠ ٳذا غنوا عطو الكلمات حقـّا
على الذوق وعلى الرقه تلاقوا = = = = والأبيات كتبوهـــــا بدقـّــــه
تا الـزائـر ما يتعكّر مــراقــو = = = = اذا من شعرنا الكلمـه تلقـّــــى
وزجـلنا ما يســـجّـل انعتاقـو = = = = من عـاداتنا الحـلـوه المحقـّـــه
بقـي نبّه حبايبنا الما فاقـوا = = = = على موضوع بيسبّب مشقـّه
الأنترنت شو واسع نطاقـو = = = = يا رفيقي من خطارو توقـّى
اذا الشاعر فلش مجمل وراقو = = = = حذارِ من قراصنة الأزقـّـه
والناس البهالموجه نسـاقـوا = = = = بسهوله بيسرقو حقك وحقــي
على " النات" الشبه فالت ملقـّا
إلغاء إعجابي · · إلغاء متابعة المنشور · 24 يناير في 09:56 مساءً‏

أنت وWalid Awwad‏ وAli Abu Kassem‏ وNahida Sa-ba‏ و 4‏ آخرين معجبون بذلك

Elhazamr Sugar يسلملي ربك

الزجل ياصاحبي ربينا بيضــلـو
على سلم مجد عالي محلـــــــو
حروفو مغربلي ع خير بيـــــدر
تاكلماتو الصريحة يستقلــــــــوا

واذا ذاق الفضا بهاني وعنتـــــر
وقصد شيبوب منبرنا ياذلــــــــو
عنا في ألف فارس وأبجـــــــــر
بحوار الفكر ع الأرحب بيدلـــوا

وتاتطمن صاحبي ع الشعر أكثر
قراصنةّ الزجل مهما يطلــــــوا
مافينا نحبس الكلمة بدفتـــــــــر
ولابمنبر جماهيروا اضمحلــــوا

ع إنترنت صار الشعر يظهــــر
وحقوق الشاعر حفظنا سجـــــلو
ووبـّخنا السرق مايعود يفطــــر
ع خبز الغير وعمالو يخلـــــوا

وإذا بتدلني ع لص أخطـــــــر
عليي إفتح هجومي وقلــــــــو
يانملي طالعة ع خير بيــــــدر
حلوّ وكرك تعبيه حلــــــــــــو

وكل شاعر العندو قلب أطهـر
المتل مروان من قلــبي بجلـو
بزجلنا بيلتقي الجوهر بجوهـر
وبنصر الدين ساعـةّ مـاتلاقى
تبر صفّى زجل لبـــنــــان كلو
24 يناير في 11:38 مساءً‏ · إلغاء إعجابي · 6
Marwan Abou Nasreddine
تحياتي الك ما تواخذني طولت تا رديت لأنو اليوم فتحت الصفحه
وبدي قلك حلوي كتير ... كتير... طلعت معي هالقصيده:
الخميس، الساعة 08:51 مساءً‏ · أعجبني · 1

Marwan Abou Nasreddine
حلــوي كتير.. كتير.. يا أسمر = بالمتلك منعـتزّ ومنكــبر
شعر ومعاني وقافيي وأوزان = بالفعل عندي ردّك مقـــــدّر
شايف طهر فيي وشعر رنّان = بس المَثَـــل عـنا البيتكـرّر:
الاحساس بيدلّـو لهالانسـان = والقلوب شــــــواهـد وأكتر.
والشعر تايبقى شعر منصان = للناس صورة راقـيه يظهر
لازم اذا بينحــطّ بالميزان = يرجح ويتفوّق على الجوهـر
الكلمه سـلاح مهم بالميدان = ان قلتو رصاص , بقلّكن أخطر
من هيك لازم ينعطى عنوان = "المضمون".عا غيرو تا يتصدّر
مش بهوره ولا نظم كيف ما كان = الشــعّار مـش بو زيد أو عـنتر
نعالج سوى مواضيعنا بٳتقان = ننقّــي المهم ونطرح الأجـــدر
أما "السرقه" غالب الأحيان = بيقـوم فيهـــــا شــويعر محـيّر
وأحيان شـــاعر ألمعــي فنان = بياخـذ صوَر وبقولهــا بيفـخـر
لكن برأيك أنت مش غـلـطان = بـس لازم نـنـتـبـه لـــلأمــــر
وناخذ حـذرنا شـوي مش أكتر
الخميس، الساعة 08:52 مساءً‏ · إلغاء إعجابي · 6

Elhazamr Sugar
حلوووو كتير ولايهمك حبيب القلب خوذ راحتك مش بيناتنا

حذرنا منآخذ بنخوة مليــــــــئة
ترد المعتدي بهجمة جريــئــــة
ومنحّذر حرامي يمد إيـــــــــدو
ع قافي معنوني قنابل مضيـئة

وشعر مروان بعتز بقصيــــــــدو
اعتزاز المؤمن بآيي هنيــــــــئة
إجا تالشعر يحميلو وعيـــــــدو
وعنو يبعد نفوس الدنيــــــــــئة

لقيتك صاحب الذوق لبريــــــدو
طلاتك صرت ناطر مجيــــــــــئة
ع جنبي للزجل تهدي شريــدو
بمخدّر بنّــج البرقة البطيــــــــئة

وبعض من البشر يارب حيــــدو
عـنــا وإبعدو عن كــــل بيـــــئة
قوافي بيلطش وغيّــــر بريــــدو
وجريمي صوّر الكلمي البريــــئة

إذا مابحاسبو وبطعج حديـــــدو
تمادى وسرّع العادة المُسيئــة
لهالأسباب لقبي بحب زيـــــدو
للص السيف عنقو مابيقطــــــع
ماظني بتجرحو الكلمي البذيئة
الجمعت، الساعة 07:43 مساءً‏ · إلغاء إعجابي · 3
Marwan Abou Nasreddine
شي رائع يسلم تمك .....اذا ما عندك مانع مننشر هالحوار على صفحات مجلة صوت الشاعر ...روبير خوري صاحبنا
الجمعت، الساعة 08:37 مساءً‏ · إلغاء إعجابي · 4

يللي بالزجل شعرك مناره ........نصيحه بلا أسامي مستعاره
انت عندك بميدان المعنى....... لقب وبتســتحقو عن جداره
الزجل يللي على المنبر تغنى ....وصيتو بكل حي وكل حاره
راح منقرر يكون بوطنا ......."أميرو" أنت والموقع اماره
انا بطمح لأنو يكون عنا........ زجل متل العم تقولو بمهاره
وكل شاعر بشعرو يكون بنّا..... وخلوق ومن المنعدّن غيارى
مش يهمو الربح ويكون جنّى......وشعرو يعملو مهنه وتجاره
المنبر والندب شعرن تدنّى.......وجابو للزجل أكبر خساره
بسبب شاعر نفوسو كتير دنّى.....وكلمه هابطه وخفه وحقاره
يموتو الناس شو بقلبو تمنى.......تا يكسب مال ويكفي العماره
ياربي وين صرنا ووين كنا..... الأدب مفقود والمبدا توارى
الغنا للبعض لو مرّه تسنّى..... منشوفن بيدورو ع الشحاذي
اذا شاعر مع رفيقو تبارى
منذ 23‏ ساعة · إلغاء إعجابي · 4

Elhazamr Sugar
يسلم تمك...

يامروان الزجل داخل عظامي = وبدو المتلك رجـــــــال العضامة
بجولةّ حق ماخافوا يجولـــــوا = بضميـــــر الشعر عطيونا العلامة
بساعةّ مابتدوا فكارك يصولوا = وضعت أصــــابعك ع جرح دامي
ولتفكيرك قبل مايطيبـــــولوا = سبقني شوق شعـــــــري وإحترامي

أنا وحي الزجل بعبد رسولو = بمحبة وشعـــــــــــر تنزفلو قلامي
حكمت يامواقع الكلمي انحنولوا = حفرولوا ياهــلا بإسمو رخامي
السلامة حامل بأرقى حلولــــــــــــو = بوديلو تحــــياتي وسلامي
بعكس الجاب أرطة يهيصولــــوا = ومزاجي الطبع يما إنفصامي

الشعر مش شعر حتى يمشطولوا = شــــعراتو تايمدح بالزعامي
ولابلوعة موفى يندبولـــــــوا = تانقبض للـنّــــــور نعمل كرامي
ومش عنتر جبان بينسبولوا = ولانسر المرجلــي صارت نعامي
الشعر يانجم مابيعرف إفولو = بشعور الصاــدق وهون الشهامي

ع ستي وستك وعينا بيقولوا = ياإم فلان تنده بالأســــــــــــامي
وحتى الوالد بعرضو وطولو = وعندو جاه يما مقام ســــــامـي
وبيتو فاتح موسّع نزولــو = وصاحب واجب ومركز عصـامـي
بكنوةّ إسم إبنو عيطولـــوا = ونسوا إسمو ولبكرو الأسم نـامـي

وأنا لقبي الهزمر ومن فضولو = إذا شويعـر لمح يما حرامــي
بإسمي الماقدرت قولو بقولو = وبآخذ راحتــي بلقبي وغرامــي
حملتو وقبلت فوت بحقولـــــو = إذا التجريح بلّش مش ندامــي
بإسم الأسمر بدمّر فصولــــــو = وحتفو يلتقـي بمثوا الختامــي

وحرف البعرفك عارف إصولـو = وقلولك بالزجل عني محامي
ياطابخ شيش برك يابيطبخولــوا = حفـــاظ السر مافيها ملامـي
ولما للحرب نقرع طبولو = ع لحم ســــــباع تاتفطّر صيامــي
رسالة بعنقنا الشعر ان خانولوا = كل التـــاجروا بمنبر زجلنــا
عليهم واجب نقيم القيامي
منذ 16‏ ساعة · إلغاء إعجابي · 3
Marwan Abou Nasreddine
يسلم تمك حلوه .. انا لقبتك أمير الزجل لشعرك الحلو
بس أنا عندي عتب عا شعراء المنبر مش الكلمه المكتوبه ما بعرف اذا كنت حضرتك بتغني على المنبر
منذ 13‏ ساعة · أعجبني · 1

Elhazamr Sugar
تسلم استاذ مروان وتشرفت بمعرفتك وبصراحة بدون مسايرة كل الحق
معك تعتب على شعراء المنبر بوافقك الرأي بعدةّ أمور وشكرا على هالحوار الراقي وتحياتي
منذ 9‏ ساعات · أعجبني · 1

Ali Abu Kassem
وهون حلوووووووووو واحلى من الحلو كمان .. حوار رائع ومعبّر ...
الزجل ما بيموت ما زال بعد في شعار مثلكم غيورين على الكلمة .......
منذ 10 ساعات · أعجبني

Walid Awwad
احلى شعور واحلى احساس بس تقرا هيك كلام ...
عمار ,,حرف,,اسمر ,, الهزمر,, امير,,ملك ,,
شو ما سميت حالك وشو ما سموك حبايبك واصدقائك ...
انت فخر للشعر وللزجل ولضهر الاحمر .
فانت خير سلف ... يرحم بيك شحرور المنابر
منذ حوالي ساعة · أعجبني

الشاعر عمار البراضعي
تسلم خيي وليد تعيش ويرحم أمواتك والله يديم مثناك بالخير ياطيب
منذ 50 دقائق · أعجبني
الشاعر عمار البراضعي تسلم خيي وليد تعيش ويرحم أمواتك والله يديم مثناك بالخير ياطيب
منذ 58 دقائق · أعجبني
Marwan Abou Nasreddine
شكراً وتحياتي للجميع بهالغروب الجميل الراقي
منذ 21 دقائق · أعجبني

الشاعر عمار البراضعي
جمال هالغروب بوجود أمثالكم بيناتنا وتحياتي
منذ 5 دقائق · أعجبني1

من طرف ghazi saraya 1/29/2012, 11:05 pm

رائع

من طرف **عمار البراضعي** 3/7/2012, 2:38 am

شكرا على مرورك الطيب

مع الأستاذ مروان ابو نصر الدين

مع الأستاذ مروان ابو نصر الدين

رد: مع الأستاذ مروان ابو نصر الدين

رد: مع الأستاذ مروان ابو نصر الدين