رد: أسرار المنتدايات ونقل المحاورات

من طرف salomon 10/11/2007, 5:35 am

رد سليمان

برفض عليي تكون بالمبدا عطوف......يا بتاكل القتلات يا عد الكفوف
يا بدر ما بننساك لو عندك خسوف.....وبين الشمس والأرض لا تعمل كسوف
سليمان يا عمار أكبر فيلسوف...وبكرة بتجي الأيام يا شاعر وشوف
شوف العيون الحاسدي عليي ألوف.....والقصر ما بيضيق بشوية ضيوف
يمكن بدلت الزين للدال بظروف......وعملت ثورة وصرت شقلب بالحروف
الي غامروا بالعلم وصلوا عا القمر ....واللي ما غامر ضل عايش بالكهوف

من طرف salomon 10/11/2007, 5:36 am

رد عمار

البشعر حامل مـن أرز الله كـواز.....مابظن غيرو بالزجل والـذوق فـاز

لوما عليك عطفت ما انسدوا البواز.....اللي تشلخوا من القهر تشليخ الجواز

ومازال هني علّقوا ع حـرف هـاز.....خليك فيهن نكوزي بشعرك نكـاز

شاعر عرفتـك بالقوافـي بأمتيـاز.....بتعرف نسور الشعر مين ومين بـاز

وبين السما والأرض لا تعطي إعـاز.....الكسوف جايي ع الأديب وع المعاز

قصدنا ختم ألمـاز هنـي يلبسـوا.....واللي ماشاف الجوهرة عيونو قـزاز

من طرف salomon 10/11/2007, 5:37 am

رد سليمان

الما شاف شمس الصبح هيي وطالعة.....وعا حرف زين وذال عمل مطالعة
هيدا المرض عا النازلي والطالعة......كلما كتبنا بيت روحو طالعة
عمار خللينا المواقع والعة......وصار التحدي واحد على أربعة
يا كبير هات بيوت بكريي وتعا....أنت أله المعرفي بلا أدعى
وخلي خدودن بالكفوف مطبعة....وفبرك من الشعار أعمل مطبعة
يا ولاد روقوا الشعر مش بالمنتعى.....ولا تهوولو عا رب قال وما ادعى
بتحكوا عفس وبريح عم تتشبهوا .....وأنتو على الأشعار ريحة طالعة

من طرف salomon 10/11/2007, 5:42 am

رد عماار

[center]رب الـزجـل مــن أرز لبـنـان الوحـيـد......ورب الـدجـل عــم يـدعــي الله يـحـيـد

لا الريح هزت شلحنا و كـرزو المجيـد.....ولاشويعـريـة بتـدعـي للشـعـر سـيــد

ومــارد نـبـوغ العبـقـريـة والـرصـيـد.....الـبـاري تعـالـى وكلـنـا عـنـدو عـبـيـد

لكـن بنـظـم الشـعـر والــرأي السـديـد.....نحنـا الهدينـا الضـال تـا نـلـم الشـريـد

سليمان بعدو عيـارك الصيـت الحميـد.....نحنـا الذهـب بالمنتـدى وهنّـي الحديـد

الشاف الشمس قنديل!! مشلوخ وعنيد.....وعن حب هالموقـع أنانـي وشـو بعيـد

قالـوا عـلـى سيبيـريـا بينـفـوا العـديـد.....ويـن البلاغـة بهـا الشعـر تـا نستفيـد

طلـعـت ريحتـهـن بالمعـنـى والقصـيـد......ريحـة عفـن سـجـاد مـهـري بالأسـيـد

الأول فركـهـا وراح والـتـانـي هـــرب.....بـلـل تـيـابـو وراح تـــا يـغـيّـر أكـيــد

[/center]

من طرف salomon 10/11/2007, 5:44 am

رد الراهب

يا ناس شوفو المهزله والعيب وين......بشاعر لهلق ما وفي للشعـر ديـن

تركناك يا سليمان تمشي فشختيـن......معنـا وطعّمنـا ذكـاك بكلمتـيـن

وإلنا عا راسك عم نخبّـط جمعتيـن......تا نقنعك هالذال مـا بتبـدل الزيـن

مش بس معمي القلب معمي العينتين.....وجايب معك عمّاريشهدلك يا عيـن

كنا بأجدب هيـك صرنـا بأجدبيـن.....حملو المسبـه بالهجـا عالشفتيـن

بأشعراهن ريحه وعفونـه وبلبلـه....وعالبلبله رح بـلّ إيـدي بالتنيـن

من طرف salomon 10/11/2007, 5:44 am

رد سليمان

بحياة الله سكوت حاجي فزلكي.....سماع البلابل واستحي من التكتكي
أل بيشوف صدرك بالرماح مشكشكي....ودينيك حمرا موررمي عا الفرفكي
بيقول شولي رجعك عا المعركي.....وعارف طريقك موت ودروبك بكي
هجيناك مرة وكان قصدي الزكزكي........بلشت تبكي وكل ردي تشتكي
ودورتها تهديد شغلي مضحكي.....بالمنتدا صفيت أكبر مضحكي
رح ضل طقك بالشعر تا تنتكي.....وبالكاد عا الأجرين تقدر تتكي
بخلي عيونك بالدماء مبركي......وجلدك بيعرف كيف قتلات الزكي
صابك متل رصور لما بتدعسو.....بيفز عشر متار بيشملق حكي.

من طرف salomon 10/11/2007, 5:45 am

رد عمار

doPoem(0)

[center]لو جيت تسأل يوم عن مجد الصعود......البيـدق كتفـو فـوق نجمـات الخلـود

إطلـع ع متـن الجـو حاجتكـم شـرود......وإخلـع قنـاع الأرنبـة بـيـن الأســود

مـش بـس وحـدك كـل أمتنـا بـورود.....بتهوى المديح و للنقد وقفـوا جنـود

الجايب معو عمار عا أرض الجـدود.....قـوم انحنـي بقبالـن وزيـح الـحـدود

جايـي مبلـل ثوبـك وخفـت الصمـود.....الجمهور عرفـك مابقـى بـدك شهـود

يـاكـاسـر الـــردات نـقّــح هـالـبـنـود......ومابين ذال وزيـن مافهمـت الـردود

عـمـار وسليـمـان ربـحـوا المنـتـدى......وناقد بيكسر شعر ملغى من الوجود

[/center]

من طرف salomon 10/11/2007, 5:46 am

رد الراهب

يا هاجم ويا مفتكر حالـك حـدا.....يا شيء من لا شيء تكوينك بدا

للشعر في مجد وكرامـه عالمـدا......بروحي أنا بدمات قلبـي بينفـدا

لمن شفت سلمان عالشعر اعتـدا.....قلـت لازم للنصـر لبّـي النـدا

وصرخت صرخة مليت الدنيا صدا.....ممنوع يدعس عا كرامتنا الـردا

يالسان فالت منك الصـل انعـدا......رجليك فاتو ببطنك مـن المبتـدا

مش تاركك تا طربق الدنيا عليك......وبالشعر ابحش قبرك بهالمنتدى

من طرف salomon 10/11/2007, 5:47 am

رد الراهب عا عمار

عمّار يـا ماشـي بصحبـة هالغـلام.....تا صرت متلـو لا أصـول ولا نظـام

غنّـا ونـزّل مستـواك بشكـل عـام......وصرتو سوا تتلفلفـو بـذات الحـرام

ضربني بسيف النقد ما بقلـك حـرام......بـس الشتيمـه شغلـة ولاد الحـرام

وانت أكبـر مستـوى وأكبـر مقـام.....وعندي أنـا تقديـر للنـاس الكـرام

وعا حجّة التكسيـر لا ترمـي سهـام......نحنا بكسـر العضـم عنـا انسجـام

ولا تخاف عضمك انت مش رح اكسرو.....الا انكنـت بتحـب تكسيـر العضـام

من طرف salomon 10/11/2007, 5:48 am

هنا دخل هولو عا الخط مرة تانيي
يابو معاني من فكوك مخربهِ /////// جاي تافك رقابكن ل محردبهِ
أيا شمس أشعار ياعقل الغبي ؟/////// يامجاوب بردة شغل ابني الصبي
وعاسيرة الفركة بأيادي مدربهِ /////// بفرك نياع مطعوجة ومبوربي
مبلل تيابي صح.. افهم مطلبي ////// وعصرتها جوات طاسة مرعبهِ
وهلأ رجعت وجبتها وحضرتها ////// من شان اسقيكن عصير الموهبهِ

من طرف salomon 10/11/2007, 5:49 am

هولو ايضا
عمار وسليمان جاي سوسكن ////// بخشبة المنبر حاج ينخر سوسكن

لاتزعبرو باوزان شغل قسوسكن //////// لاتدجلو عالشعر عيفو طقوسكن

عفستو المعاني بنطوحة جاموسكن /////// هربو القوافي من عفن مكدوسكن

هولو اجا كلما الشعر بتعفسو /////// بهبجة يمينو رح يعفس روسكن

من طرف salomon 10/11/2007, 5:49 am

رد عا هولو

ياريتك تعلمت تهجي عا أصول.....وما علموك معلمينك عا الخمول
تا تصير شاعر عبقري تمك قفول....ولا تترك الشيطان يلعب بالميول
مفروض فيك تدوق فاكهة الحقول....عصرت المواهب غبها مع صحن فول
ان بللت حالك متل مجووي وصرتfoolفول....عصصر وأشرب قد ما بتقدر وكول
اقبرني متل ورد المنابر بالعقول.....بغفا عا صدر القافيي وببقا خجول
سليمان متل البدر ما بيعرف أفول....البيعيش فوق الغيم ما بيهوى النزول
طلعلك شي شبر ونص فوق الارض جول...ومن بعدما تشم الحياة رجاع قول
سليمان ريحة عطر يا حسرة وأنا....تبللت صارت ريحتي متل الفحول

من طرف salomon 10/11/2007, 5:50 am

رد عمار عا الراهب

[center

]ياراهب المغشـوش ميـن الغـش ذاع......والمـيـز فـاقـد بالجـبـان وبالشـجـاع

بالمستـوى مابـحـب تحـكـي بإتِـبـاع......بابـن الشمالـي رحّـب وابــن البـقـاع

سليمان شاعر عبقري وعندو اندفاع.....وبعـرف انـت بتقـدّر رجــال السـبـاع

ولا تنخـدع بالباعثـك . منـي سـمـاع.....بقلّك كسر مش حجةّ سهـام الوجـاع

واسمـك كتبلـي والهـرب قلـو رجـاع.....اللي بيعرفـوا بالكسـر بيقولـوا قنـاع

وعظـمـك اذا ماقـلـت مـيـن بفتـفـتـو.....وراسك بإيدي بفرفطـو تحـت القنـاع

[/center]

من طرف salomon 10/11/2007, 5:51 am

رد عمار عا هولو

هولو جمل واقع يعرعـر تايشـوف......حردبتو ويكسر الرقبـة بهالظـروف

قد الصبي بعطيك من عندي الحروف......ع قد ماخيالك بجهلـو عـم يطـوف

بها المنتدى الحطوك تا تاكل كفـوف.....هودي جماعة قلبهم منـو عطـوف

سليمان شاعر منبري بين الألوف....وعمار شاعر للمنابر والسيوف

بعرف انا مافيـك تعـزم فيلسـوف.......ومش لايمك مابتعرف تخش الدفوف

كـل فـرد بيقـدم لضيفـو قيمتـو.....المنو شربت بالبيت لا تسقي الضيوف

من طرف salomon 10/11/2007, 5:52 am

رد سليمان عا الراهب
بهنيك صرت ترتب وتشقع بيوت......ولافف ورايي متل خيط العنكبوت
معليش بدي طعمك لكن سكووت.......وخليك سامع بييعني نتفة سكوت
شوف القصيدة مفرعة فوق التخوت...وأياك تقسا بالحكي في ناس خوت
بجمع من القضبان رزمي تكون توت....وبحررمك عا صفحة الشعرا تفوت
اقبرني متل كلمة جميلة بالكروت......اقبرني أنا متل الخميرة بصير قوت
واللي بيأمن بالمسيح وبالنبي....بيضل مؤمن بالحقيقة تا يموت

من طرف salomon 10/11/2007, 5:53 am

هنا دخل هب الريح
شعر الغبي يا هالغبي ما بطالعو 000 ولا بعطُف عْلى مُقعد ولا بدَالعو

انكنّك صخر نحنا الصخر ومْقالعو 000 انكنّك شجر شلشك بريحي شالعو

وان كنت شوك، الريح شوكك قالعو 000 وصدر الدهر كفّي مكسّر ضالعو

المنحوس يا منحوس متلك طالعو 000 ذل* وعمى حدّين موسو بالعو

ريحي بصدرك نفّس ممكن طالعو 000 ان ما شفت عقلك قيد جهلك خالعو

رح طالعو ورح طالعك ع المشنقة 000 وتتمرجح بريح اللي عنقك مالعو

من طرف salomon 10/11/2007, 5:54 am

رد هولو
هولو ن إجا يلعب ع لعب ميولكن ////// متل الدحل يلعب بصحن عقولكن
بقطف فطر مسموم شغل حقولكن ////// رح ازرعو بعيونكن يا حْولكن
هي ريحتي لمّا دبحت فحولكن /////// فاحت مجاريكن بدرب نزولكن
ونزلت من سابع سما تاطولكن /////// هربتو عاسافل أرض هون أصولكن
جاي ومعي جايب رمح خضر التقي /////// شيلو من التنّين ..حطو بغولكن

من طرف salomon 10/11/2007, 5:56 am

رد هولو عا عمار
واقع عليكن بالغصب تاشوفكن ///// وكسرت رقبتكن يانحس ظروفكن
انت وسليمان مش رح عوفكن ////// جيبو عساح جيوشكن وألوفكن
ومن بعد ما طحبش رقاب ضروفكن ///// وفقش عليها نحاس رق دفوفكن
بدبح رقاب مسمنة بسيوفكن ////// ومش بس رح باكل صابيع كفوكن
بقدر بساعة الكل ابلعكن سوى /////// وقعد ضيوفي بموقعي عاصوفكن

من طرف salomon 10/11/2007, 5:57 am

رد سليمان عا هب الريح

شو باك حرف الذال عاملك نهيد.....وبتحب حرف الزين هيدا عا الأكيد
البيمد عا سليمان يا جلبوط أيد....مفروض فيه يروح يخلق من جديد
تعللم على الأبداع لا تبقا عنيد....وشم المنابر والقوافي بتستفيد
سمموك ريح الشعر يا ريحة أسيد...وجايي تا تملع شلح أرزتنا العتيد
بتهب متل الزاعقة بفصل الشتي....وما لك طريقة غيير خازوق الحديد

من طرف salomon 10/11/2007, 5:57 am

رد سليمان عا هولو

نيال بييك فيك جايي المعترك...تلعب بحد السيف ..لعبة بتقبرك
لا تفتكر بالشعر قادر أنطرك...أو متل شي كميون خلفي أقطرك
جايي تتلعب لعبتك مين خبرك....فاضي تاألعب مع طفل بيتو ترك
شوف البلاغة خاليي من دفترك...وشكلك متل لغراب يقلع منظرك
سليمان يا شرشوح صعبي ينزرك...بتضل تحتو وما بتوصل للورك
ولو جبت رمح الخضرمش رح أغدرك...ولو كنت دب الأستوائي بخدرك
ولو كنت غول القافيي وحوت القصيد ...ألا بصدرك بالشعر ما بنحرك

من طرف salomon 10/11/2007, 5:58 am

رد سليمان عا هولو تاني ردي

هولو خدودو عا الكفوف بيعرضو.....وما عرفت مين لها المشاكل عررضو
وجودي أنا فوق المنابر فارضو.....بعزر فروخ تضبضبو وتمارضوا
لكن عا فقش وطقش كيف بيرتضوا...وشوفوا القوافي المايعة ولا تغمضوا
الأحكام بالأعدام يا هولو انمضو....البيعارضوا ها الحكم ما بيعارضوا
بالمنتدا سليمان عمل معارضو.....فوتوا بقصايد بكر حلوي واعرضو
وصوف المنابر ريش عا شكل الأبر....لوخذة ضمير ضيوفك بيتعرضوا

من طرف salomon 10/11/2007, 5:59 am

هنا عمار طيب الجو

سليمان . ع أقـزام حاجـي تعتـدي.....وخليك متلـي بالمواقـع سرمـدي

الصياد والراهب متل زهـر النـدي.....لكن الباقـي خـوذ حكمـة مأيـدي

كلما الخريف يهـل عـام ويبتـدي.....بتبدل الشجـرة وراقهـا وبتهتـدي

لكن إذا شي شخص من ذوقو اعترى....من الصعب يرجع ثوب شاعر يرتدي

من طرف salomon 10/11/2007, 11:11 pm

رد هب الريح

ابن البراضجعي وبراضع عيلتو 000 ع زنود هب الريح سهلة شيلتو

رب الزجل من ميلتي، ومن ميلتو 000 سليمان هالطفل ل بيلحس ريلتو

ان فكّر يمرّق هالمشَخشَب خَيلتو 000 يا دلّ دلّو من الجَزَا ويا ويلتو

طابخ السمّ وشاربو مع هَيلتو 000 حاصد الذل قبال سيفي ومَيلتو

وحتى ندم دمعو يعبّي كيلتو 000 رح ضل نَهنِه فيه مش رح فيلتو

ويحلم بهب الريح كلما بيندفس 000 إسمي كوابيس بقتَامة ليلتو

من طرف salomon 10/11/2007, 11:12 pm

رد سليمان

ما بين ريح وريحتك في ألتباس......شو باك قاصد جوهري وجايب نحاس
عمار شاعر عا المنابر أبن ناس.....مش متل فضلك بالأهاني بلا حواس
سليمان زار الغيم حجمك راح قاس......وعصصرغيوم الشعر تا تقطع انفاس
لاتفتكر بتفييق عيوني النعاس......بالشعر طلعت ريحتك بدك قواس
البيكون بيتو بالشعر مبني بحجر.....ما في عواصف تقدر تهز الأساس

من طرف salomon 10/11/2007, 11:38 pm

رد عا عمار

ياما على سليمان عالم تقلو....وكل الي تقل بالشعر في طقة لو
بقدر لسبع الغاب طقو بمعقلو....وحتى القزم بالشعر عنتر بعملو
ان ضليت فيي تطق طقك بحملو...واللي طلع بالشعر صعبي تنزلو
حالف ما خلي طيور فوقي يعتلو....صياد نمبر ون عيبي تسألو
وكل اللي قاصد شعر يدرس بقبلو...يقرب لعندي وعا المنابر بكفلو
وكرمال رب الشعر وبيوت القصيد.....رح ضل ربي طيور حتى يترغلو

من طرف salomon 10/12/2007, 6:10 am

الله يكرمك

رد الشاعر عمار

[center]

سليمان ع الدرب الشقي ودرب القويم.....منسلك تنين وكل فـرد منـا زعيـم

لابحب إنزل من علـووي ع الأديـم.....ولا بحب دنّي مستوى الشعر العظيم

يعني تركني حاور الشعـرو كريـم.....وخليك نازل بهدلة وربـي الغشيـم

اللي بيفهموا بالشعر بينالـوا النعيـم.....والجاهلينوا بيوصلوا لقلـب الحجيـم

بعرف سميك كان بالماضـي القديـم.....الهدهد يحاكي وعلّمو اللفـظ السليـم

بحياة ربك ضـل علّـم هالطيـور....تافيك يبقـوا يقشعـوا ثانـي حكيـم

[/center]

من طرف rabeaa 10/13/2007, 1:20 am

بحياة ربك ضـل علّـم هالطيـور....تافيك يبقـوا يقشعـوا ثانـي حكيـم

حلوي منك يا عملاق

من طرف salomon 10/14/2007, 1:01 am

ياما على سليمان عالم تقلو....وكل الي تقل بالشعر في طقة لو

رد هب الريح
ياللي بركاكة شعر شعرو مسلّحو 000 لو كان عاقل كنت روحو بشلّحو

أما الغبي اللي الدهر عقلو خرّبو 000 ميّة ألف عطّار ما بيصلّحو

من طرف salomon 10/14/2007, 1:04 am

رد الشاعر سليمان

هيدا بيت هب الريح مع الصياد
والنار لولا والعة خلّيتها 000 -----------وقلبك عَصَر حقدو زيت ع زيتها ------------
-----------------------------------------0000000000000000
البيقول بيتي مكسر بقلو فشر......سليمان بالأوزان صعبي ينحشر
نقيت أجمل بيت من أجمل صور....وين الركاكي ببيت شاعر معتبر
لكن ببيتك هون قدام البشر .....مكسور يا مغرور للوزن افتقر
تأكدت أنو بالوزن مالك دوا.....تعلم عا أيدي كيف بيصيغوا الدرر

تعلم عم تتقدم وبعدني بحبك

جرب ردو يا هب الريح ما بينرد بكل محبة

من طرف salomon 10/15/2007, 10:39 pm

رد هب الريح للأسف بالنثر
ان شالله محسّب حالك خصمي ت رد على كل جلبطة بترتكبها!!
أما هسّع يا عَجِي.. إذا بدّك تتعلم وتنجح.. اسمع حفلة "بحمدون".. وشوف شو قال جريس البستاني لفيكتور ميرزا وقت "غلّط" وقال "سبيلي" وبعدها "والسبي لي".. يعني بتشبه اللي جلبطتها فخامتك فوق

رد سليمان وأكيد بالشعر
مازال نفسك غارقة بأمجادها......وتكسير راسك هم قلبك زادها
نحنا ملوك المنتدا وأسيادها.......وأنتوا بقلب المملكي سجادها
صفحة---- دعوني وجيت --يا حسادها.....ضربت رقم جمهورها اللي رادها
وكلمة خصم حطيتها بأبعادها......منشان تربح عاطفة تردادها
وبيت الكسرتو بلهجتك وعنادها.....وان كنت راضي بنحتكم صيادها
وعن حفلة بحمدون من نقادها.......بددع الميرزا وكان من روادها
فيكتورماغللط كنت بالحفلة أنا.....أربع خمس مرات بزكر عادها

بالزين يا هب الريح هب..وبعدان الشاعر بيرد بالشعر باشويعر
وبعدني بحبك بس ما تكون عنيد تعلم

من طرف salomon 10/17/2007, 1:06 am

هنا هولو رد بعد غياب

ياراس قبلك روس هولو رجّها /////// وفكها وبالأرض طجة طجها
وجاي غراب البين لجّة يلجها ////// أرواح بجلابيطكن تايمجها
والدب أو باقي الدبب لاتزجها ////// هودي رفاقك حَجتك من حجها
بطريك للأشعار دجة دجّها ////// واهفس عراسك صبحتك بتفجها
ورمح ال جبتو بغرزو بنيع ال إلك ////// تا حجتك بقطب الشمالي تحجها

مازال شوّه بالشعر موالكن ** شو نازع الأشعار غير شكالكن؟

عيفو الشعر ياقرود يرحم خالكن ** مازال أكل الموز شاغل بالكن

وتاتبطلو كسر الشعر وفعالكن ** وتتعلمو مني الوزن أحلالكن

بنتف الصوف وشعركن وجمالكن ** وساويه خرقة واوقف من قبالكن

وتصارعو ياقرود مع باقي الجمال ** نطو ع بعض ونطوحو بحالكن.......

من ردتي مابتقشعو قدّامكن // إلا المذمة الراسمة أوهامكن ؟
بدرب الكسر للوزن كسّرو قْدامكن // هدمتو المعنّى وجهلكن هدامكن
مني هربتو يانحس ايامكن // ماضل عنكن زلم ؟ وين زلامكن؟؟
صرتو على ردات بحري العامكن // تردو حكي مش شعر خِجْلو قلامكن
بإسف عفكر الناشف بإلهامكن // بإسف عنحل الشعر زار كمامكن
ومازال مشرف قسمكن ما لامكن // جاي بآخر عام عتّم عامكن
لو رح تضلو تكسرو بوزن الزجل // رح كسّر العضم البقي مْن عْضامكن...

متلك اجاني فروخ فن مفرخة // رح امصعو ومابعوز شفرة مجلخة
من سطوتي عيونك قبالي مخوخة // صارت سنانك ع الصرير مكلخة
فطحل أنا بِنظم قوافي بمخمخة // وقصور شعري عالمجرة شامخة
شرشف بياض المنبر ال فوقو ارتخا // بوجوهكن زهوة بياضو ملطخة
كلما بجي تاإمسحو بماء الحياة // بتضلها خيوط المعاني موسخة

///////////////////////////////////////////////
/////////////////////////
حلوةعليك مبلش بتسميح جوخ // لاكتير تمسح جوخ من شكلك يبوخ
حد القصور ن جيت تاتعمّر الكوخ // رح هبّطو عاراسك وعيّط صروخ
سليمان والراهب ومن قبلن فروخ // هربو بعد ماتشلّخو بفك الفخوخ
عم نبّهك مخ ال إلك تاتهرّبو // ولاتحط مخك حد كسّار المخوخ

ياما عيون ب ضفر ايدي تبلّصو // وياما منافخ حد مني تقلّصو

المنبر بعتني ع الشعر ل تلصلصو // من كل لزقة منبرية خلّصو

وكلشي هرب فكيت نيعو .. والبقي // رح فك نيعو وراس فنّو بملّصو

---------------------------------

هولو رجع يا فن حتى يشتكي // محمد .. وراهب .. هون سقراط البكي

هودي ال هربو وخلّصو بحنكة زكي // و تْنين بقيوا ومابتحرز معركهِ

روح جبلي فوق منهن أربعة // مش محرزة ب نيعين كمّل فكفكهِ
-------------------------------------------------

ماكنت بدي اكتب وارجع لهون.... بس كرامة البعتو ايملات ورسايل البدهن ارجع واكتب ورد رجعت
---------------------------------------------------------------

هولو رجع وبثورة فنونو ///// يغْني الشعر من فكر مضمونو
يبعت قوافي منبرو أطيار ///// نسر وعقاب وحن وسْنونو

تعدّوا عليّ بغيبتي وشو صار؟ ///// هيك الضعيف بيشتم الجبّار
لكن وقت يحضر, بيبوسو غبار ///// أرضو .. ولسانن بالحكي يصونو

ل تعمشقوا عامنبر الكلمات //// وبدل الدرر صفّوا الحكي بحصات
ووقت حضرت حضروا معي الآيات ///// وبَلْعوا البحص للصمت عربونو

هربوا وعافو لهبة فكاري ////// وكل شخص صار يقول ياداري
بعد الشوي عاموقدة ناري ///// سال الجهل من لحمة دهونو

ولما رجعت كسر الشعر لاقيت ///// عندك يا أفصع شي شطر شي بيت
لك ليش جيت ورقبتك حطيت؟///// افركها ماعادت تنفع ال ياريت
ماشفت قبلك كلهن بالبيت؟ /////// عم يصرخوا من الوجع ع السكيت
تاجيت انت وحدّهن صفيت ////// عضمك كسرتو ونيعك ال فكيت
------------- من قبل ديي عليك مايكونوا ----------------

من طرف salomon 10/17/2007, 5:51 am

رد سليمات

بقطب الشمالي الباء بيتك هزتو.........مكسور ..شيل الباء واسمع لزتو
خيول المنابر حيط جهلك فزتو......ونفسك ضحية حقد..؟ نفسي عزتو
سليمان ديك المنبري يا وزتو....ومنقاد شعري بتعرفو من عزتو
البطريق بالأشعار بشعة وزتو....ونيعك يا دج الدج فلتت درزتو
ورمح اللي جبتو بأيدك بلا معرفي ....ألا بيصدرك ما بتحلى غزتو

وهيدا بالزين وزززززز

من طرف salomon 10/17/2007, 5:51 am

هولو
متلك اجاني فروخ فن مفرخة // رح امصعو ومابعوز شفرة مجلخة
من سطوتي عيونك قبالي مخوخة // صارت سنانك ع الصرير مكلخة
فطحل أنا بِنظم قوافي بمخمخة // وقصور شعري عالمجرة شامخة
شرشف بياض المنبر ال فوقو ارتخا // بوجوهكن زهوة بياضو ملطخة
كلما بجي تاإمسحو بماء الحياة // بتضلها خيوط المعاني موسخة

-------------------------------------------------------------سليمان رد-----------------
من بعد جمعة جيت أهلا ومنتخي..؟....بدك شي شدة نييع نيعك مرتخي
يا حيية الرقطة سممومك بخبخي.....ومدي لسانك بالأهاني وانفخي
ملوك المعاني بدم تقلك لطخي......ما بتقدري بأبيات شعر تدودخي
سليمان يا جلبوط عا المنبر سخي...وعمار والصياد والراهب أخي
وحتى الخطيب البعرفو بشعرو نخي....ما بينزل لها المستوى ولا بيرتخي
بحيثك يا هولو متل بالون الهوا....بتضل عايش تحت رحمة منفخي

من طرف salomon 10/17/2007, 5:52 am

رد سليمان

عمار ياما خدود شعرك رقها......تا تصير حمرا بس..؟حسرة برقها
نحنا دروب الموهبي بنشقها....وألا سباع الغاب ما بنطقها
قرود المنابر قتل بدنا ندقها.....وألا بقضيب التوت ما بنزقها
وكلمة جمال حلال تمك بقها ....وطافت عا نيعك متل بركة ببقها
حقوق القصيدة أكلتها بوزن الزجل ...أمن الجمل أدنو ما بتوفي حقها0

من طرف salomon 10/17/2007, 5:56 am

وتصارعـو ياقـرود مـع باقـي الجمـال ** نطـو ع بعـض ونطوحـو بحالكـن

************************************************** **

وهنا رد عمار الضربة القاضية

قلتلكم مابحب غيـر لبّـي النـدا......وشعّار بدي مش فحول ولا جِـد

ومازال مافي رجال تبحث بالمـدا.....ومابيردعوا الجهّال تحكي ع الهدا

لا تجبروني إنـزل لكعـب الـوِدا.....ع مستوى اللي باعثينو وما اهتدى

هولو بسالح نطوحة فكـرك بـدا.....من الثور بدك يمكن شويةّ هـدى

بتحب قفزات العجل تآخـذ صـدى.....هيي بكاكيـر الزجـل بالمنتـدى

وإحمل بإيدك سكر وطاسـةّ ميـاه.....وبالدور صفوا ما رح بيزمط حـدا

من طرف salomon 10/17/2007, 5:57 am

رد سليمان

هولورجع..ما حكيت هني اللي حكوا......شو حاكلو ...؟صاروا الجماعة يضحكوا
عمار قللي عف عنو وتركو.....تاري أخونا صار يهجي ببتركو
أنت وزميلك شهر عم تتبكبكوا....بحياة الله رقابنا لا تفركوا
بيكفي بقا لا تضحك العالم عليك......النيع اللي جايي تفك نيعك فكيكو

--------------------------------------------
يا مفتكر رجال صرت بها اللقا......غششوك هالبعتوك عندن منفقة
صرلك شي جمعة ونص نازل حرتقة.....منشان تدخل شاعر على المنطقة
صفحة دعوني وجيت أيي معلقة.......وعمار وسليمان وردة وزنبقة
سيارتك بالشعر غمي محرتقة.....وسيارتي مودال سنتا خارقة
كل اللي فلو أزكيا وأنت الغبي ....ضليت ناطر لف حبل المشنقة

من طرف salomon 10/20/2007, 8:55 pm

وهنا رد سليمان عا عمار

بحياة ربك ضل علم ها الطيور.....تا فيك يبقو يقشعو تاني حكيم
.......................................................................

.
عمار شاعر بعرفك منك غبي....صفحة دعوني وجيت أيي مدهبي
..أنت بتعرف صاحبك شاعر أبي......وكيف الأسد معقول يقتل أرنبي.
....كان النبي سليمان فاهم مطلبي ....قلي يا أبني فوت أغني المكتبي..
...ألا أجاني وجوه صفرا مسرسبي....الأول ظهر لكن التاني مختبي
......أنت دخلت المنتدا للتجربي.....وجايي أنا عا المنتدا متل النبي...
...علم طيور الخرس كيف يترغلوا....بركي بيطلع طير عندو موهبي

من طرف salomon 10/20/2007, 8:57 pm

رد عمار

مين الرجع مين الهرب مافي حدا....الهيئة مابيحبوا الشعر بالمنتدى

نحنا جبال الشعر وبيبقوا الـودا.....نحنا عمالقـةّ التحـدي والفِـدا

يامشرف بموقع زجل آخذ صدى.....شاعر عرفتك ضخم بتلبّي النـدا

قلتلك تخفف النبـرة وعالهـدى.....ونسيت شو قال المثل بالمبتـدا

إذ إنت أكرمـت الكريـم ملكتـه.....ولو إنت أكرمت اللئيـم تمـردا

من طرف salomon 10/20/2007, 8:58 pm

رد سليمان

بعرف نبينا كان الله ملهمو.....ياما عاأيدو من الطيور تعلموا.
وجايي أنا من بعد منو تكرموا...علم طيور الخرس كيف يرنموا
كل اللي دخلو قبل مني تشاأموا ...وقالو ألي ها المنتدا لا تقحموا.
بحيث اللي كسروا الشعر من فوق انحموا....وبدك حقيقة بالوزن ما بيفهموا
ولما دخل عمار جووه سمموا.....وصار الحسد جواة قلبن وانعموا.
سليمان للأول بدمو حممو......وعمار للتاني بقصيدة دممو
وياما قبل منهم طيورة توحموا....من قبل ما بالجو يعلوايرتموا.
بلشت علم عا الوزن تا يقسموا ....وناطر نتيجة شعر فيها تنعموا.
.كلما كتبتوا بيت شعر بلا كسور ...معناتها عن جد عم تتقدموا

من طرف salomon 10/20/2007, 9:00 pm

رد عمار

صفحةّ دعوني وجيت عم بتهل نور.....آية كتبتا للهدى مـش شعـر زور

كان النبي سليمان يصعد كل طـور.....الهدهد يعلّم ع الحكي وكل الطيـور

سميّك نبي لا تقلـدو هيـذا غـرور......خليك شاعر غايص بقـاع البحـور

وجايي تحكّي الخرس بيقدي فجـور.....طلّع على جبران شو كاتب سطـور

أعمى أنت أبكم أنا بيـن الحضـور......إيدك بإيدي حطها وسيـب القشـور

منشوف ومنسمع ساعتها بها الأمور.......و منكون علمنا سوا صم الصخـور

صخر الزجل بزميل سحري نّطّقـوا.......متل الطيور يصير وبذات الشعـور

من طرف salomon 10/20/2007, 9:59 pm

رد سليمان

وين الغرور بحلم شاعر منبري......جايي من المريخ زار المشتري
عنتر اذا ما كان بطشو عنتري.....ما في حدا من جيلنا بأمرو دري
والشعريا عمار بعروقي سري.......وأجمل قصايد بكر غللو بدفتري
ملوك المعنى قد عقدة خنصري....وقوس القدح زنار لافف دايري
ويا دل دللو الحب مرة يفتري.....بالشعر أو يدعس عا خشبة منبري
بخللي دموعو نهور تجرف بالصخور....وما بينرحم بالشعر ألا العبقري

من طرف salomon 10/22/2007, 10:25 am

ammar

غرورك بجنبي نجم غرار النجـوم.....بيسطع على كل الدني بجو العمـوم

ع مين ياسليمان اعلنـت الهجـوم.....وضّح وحاجي تدس بالشعر السموم

ضبضب لسانك هالحكي مالو لزوم.......ولاتجبر المـارد بهالعركـة يقـوم

لوما الشماتة خلفنا بّلـف الغيـوم.......وبالعبقرية بّرجعك صوب الكـروم

وبضل بعصر فيك تاخمـرة تصيـر......وشاعر نبوغو يفرّق جيوش الهموم

من طرف salomon 10/22/2007, 10:27 am

slayman

أعصر بأيدك قافية شعري وشوف.....خمرة قصيدي معتقة بتدوخ ألوف
المجنون بالأبداع متل الفيلسوف....يمكن نجوم الليل يقشعها حروف
الصوان مهما يحن ما بيبقا عطوف....والقلب مهما يجن بيضلو شغوف
القبلك أجوني بالكسر أكلوا كفوف....ما ضل غيرك يا صديقي بها الظروف
ضرب الحبيب زبيب والكلمة سيوف....يا بيكتبو عا الوزن يا يكبوا الدفوف
فلوا اللي فلوا رجاع يا صياد طوف.....أنت أمير المنتدا ونحنا الضيوف
وكرمال شاعر عبقري بنقدرو....دقيقة صمت عن روحن و ساعة وقوف

من طرف salomon 10/27/2007, 12:18 am

رد عمار

هب الهوا ع جمـر منقلنـا الشَهـي.....وجمر اللظا كشّف على وهجو وبِهي

ويافكار خصم ركيك فعلـو شبهـي.....بلحم الأرانب جيـت شلفـط نبّهـي

وين الكبير المختفـي وودى الدهـي.....عن كسر شعرن طمّش عيونو وسهي

صفحةّ دعوني وجيت مين بيشتهـي.....فيها نّطقـوا كفـوف حتـى يلتهـي

وياشاعريـة شـو ندهنـا تألهـي.....واللّي بيكسر شعر وجهـو شوهـي

من هيك جبت الحسم عن أمر ونهي.....وراسو كسرنا الكـان عامـل أبهـي

دقيقةّ صمت عادة على روح الشهيد......وبالشعر ساعة كتير عاللي بينتهـي

من طرف salomon 10/27/2007, 12:19 am

رد سليمان
تركلي اللي خسروا بالزجل صاروا بعاد.....خليك حدي بالمعارك عا الجواد
دقيقة صمت عن روحهم حاجي عناد....هيكي أله الكايني الغفران راد
ن هب الهواعا جمر من تحت الرماد....بيحرق ليالي الجهل ما بيرحم ولاد
واليوم شوف بلادنا علنت حداد.......وكتروا الحرايق بالوطن وبأزدياد
البيضل عالي الراس عندو أعتقاد.....أنو حياتو خالدي بين العباد
بيكون عقلو ضعيف ما عندو فؤاد....من هيك يا عمارمن أرض البعاد
بقلك أكيدي يضل راسك بالفلا......عا شرط يبقو شروشك بأجمل البلاد

من طرف salomon 11/3/2007, 6:38 am

رد عمار

خوذ اللي خسروا ودشّر البقيوا إلي.....تايلحقوهـن بالخسـارة هرولـي

يعني اللي جبرونا جبر هالمرحلـة......نقرى اللي كتبوهن بكسر ومهزلي

وكبارهن رضيـوا بفتـح البلبلـة.....يمكن الهيئة تعـودوا ع البهدلـي

مازالهن نظـروا بعيـن الجاهلـي.....الأقدام راس بيقشعـوا ومدندلـي

طلع على نجمـة بعلاهـا مكللـي.....بالمـي بتشوفـا وعلـوّا ماخلـي

وطلّع على الدخان كيـف بيعتلـي......بيشمخ طلوع وضل واطي المنزلة

من هيك يابدر اللي حدي منجلـي.....الدخـان لحقنـا سـوا بدارالبلـي

بقينا أرز وشروشنا بأرض الخلود.....وراسنا مرفـوع ومقامـو علـي

من طرف salomon 11/3/2007, 6:39 am

رد سليمان
خليك متل الأرز عا الغيم أعتلى.......ولا ترد عا الغربان بيجيبو البلا
هولو متل برميل بالعت انتلى.......وفاضي من الأبداع لا حولا ولا
والريح متل الفجل بسنين الغلا....وبيقول أنو بدر لكن ما انجلى
ومرة أجاني الزنبق وفيي أختلى.....عطيتو قناني عطر روحي يا هلا
أشعاركم يا ولاد ما فيها حلا....توبوا عا أيدي تعلموا أصول الصلا
الدخان بالأرهاب في عندو صلا....ولبنان يا عمار بالحرب ابتلى
انقالوا انحنينا بالجنا قول انبلى....رح ننحني يا ضعاف قدام الملا
السبلة اللي فيها قمح لازم تنحني....والفاضيي بيضل راسا بالفلا

من طرف salomon 11/3/2007, 6:40 am

هنا رجع الراهب ينتقد
بالمي بتشوفا وعلوّا ما خلي
والفاضيه بيضل راسا بالفلا

دق المي وهيي مي
*****

رد سليمان بالشعر طبعايا ألف أهلا جيت طل من الخبا.....من كل قلبي بقول أهلا ومرحبا
بالزنبقة تشبهت وسألت بأبا.....لكن يا حسرة كل تفكيرك هبا
ما بتعرف البيدق بماء الحياة.....بيصير فحمة حد خط الكهربا

من طرف salomon 11/3/2007, 6:43 am

[color=black]

رد الراهب

يا زنبقه البلمنتدى عطرك شـذا....لا تزعلي من حكي شعارالكـذا

الشعر يا سليمان طبعـو هكـذا.....تا تفهمو بدك فيتاميـن وغـذا

معقول يمكن من جنابـك إنـأذا.....هيدا إذا البحر إنأذا برشـة رذا

[color:9c12=black:9c12]

وهيدا إذا عالشمس بتشتي الدني.....هيـدا إذا هيـدا إذا هـيـدا إذا

*****

من طرف salomon 11/3/2007, 6:44 am

رججفت قلبي من الفزع أسكوت بليز....رغم الجفا بتضل يا راهب عزيز
ضليت مدة غايب وما فتحت ميز....واليوم جايي تلعب وطبعك لزيز
البيكون عندو سكري وعندو فريزvarice....بيصير طبعو فج متل الأنكليز
مانك من العقبان ....؟أسود..؟ متل زيز....وبتووز فوق القافيي شوهالوزيز
سليمان فيشة كهربا يا هكذا......ان ضليت تحكي بسكتك متل البريز

ملاحظة الميز كلمة تستعمل بالقمار