عمار وحرف رصاصة وكلمة

من طرف **عمار البراضعي** 12/28/2008, 3:39 pm

7arf كتب:

وبقي عمار والباري وكيــــــلي = عليي بيشهد بسكـــب القـوافي
الحرف مش دب لكن يازميــلي = اذا بتحب رح جيبو ع كرمــك
رصاصك زكزكو بطول المسافي
============

والله يا آنسة ليلى كأنك قاعدي بقلبي . انا بصراحة حبيت استفز عمار
لأنو حكي معي ع الماسينجر وحسيتو متحييز نوعا ما مع ابراهيم وحبيت طقو
هههههههههههههههههههه بس بتمنى مايزعل مني ويلاقيني ع التحدي
==============================

شو هالفلسفة وشو هالمـيـــــاعة = كلام الصفصفــــــــة كلو بشاعة
واللي بربروا بسرعـــــة يجووا = اذا بالشـــــــعر في عندن قـناعـة

انا عمـار من نبعــــــــي ترووا = عطاشى الشـعر ايــــام المجـاعـة
سبقت الفجر قبل طلــوع ضوو = وفيـــقت الزجــــــل قبل الاذاعـــة

زنودي من القمر للوقـت سووا = الشمس وحبــــالها كستك لسـاعـة
انا ضعاف الشعــر قلبي بيلووا = لأنو بيدعـــــــــوا عنـدن شجاعــة

وساعــــات الصفر دقوا ترووا = واللي بالحـرب عنـدو قنـــــــاعـة
ع شـرط اللي نوا يبـارز عدوو = بفضل يطلق براسو رصـــــاصــة
ومايطلق كاذبة مرة الاشاعة

* * * * * * * * * *
يلا ياحرف وأملنا انت ماتزعل

من طرف **7arf** 12/28/2008, 3:47 pm

يلا يا استاذ عمارشرّف وفرجينا بزعك هههههههههههههه
============================

من دم قـــلبي الشعر والصدق انعـصــر = وخمر القــوافي نبيذ بالكركـي انـقطر
وتـــــــــاشــعرنا يلفت بهاللــــيلة النظر = بتعرف بكل موضوع شطرين انشطر
جد السعـي ان لحقت ع حبـــوب المطر = تحكــــــي بعددها شعــر ع بالي خطر
بكلمِة ورصاصة ان كنت ماتهاب انتقي = وإعرف على الحـــالـين قدامك خطر
===================

من طرف **عمار البراضعي** 12/28/2008, 3:55 pm

بنفس القوافي بدق ناقــوس الخـطر = برجع على التــــاريخ فتش ع العبر
بلكي من الصفحات تستنـتج صــور = بتدلك على الظلــــم في شرع البشر
تعبوا المنابر بعد ماسمعـــــوا درر = وكلّ اللســـــــان وجاب علة للبـصر
ولما مانفعت كل أربـــــــاب الكلام = جبت الرصاصة وجيت إعقد مؤتـمر

* * * * * * * * * * * * *

من طرف **7arf** 12/28/2008, 4:32 pm

الما بيعرف الكلمة ومدى انـغـــامها = بأيـــــات مصبوغة زرار كمامها
كتب التاريخ اللي فتشت ايـــــــامها = انكتبت بكلمة مش برشق سهامها
ورصاصتك حبيت كِف لجــــــامـها = بكلمةّ عــدالي ان أنصفوا حكامها
وقالوا بدل إعدام موتك بالرصـاص = وبالشنـــق صاروا ينفذوا إعدامها
============================

من طرف **عمار البراضعي** 12/28/2008, 9:17 pm

لما بِِـبال سويسرا اجتمعوا اليهـود = وقالوا ع أرض جدودنـا بدنا نعـود
الحاخام طل وقال صِِكولي بــنـود = وبــدّل كـُتـب الله أعــــلم بالعهـود
حكينا كلام كثير واحتـل الجمــود = مجد العروبة وصار يستقبل وفــود
ولوما بأرض لبنــان عنا مقـــاومة = بعدو الحكي أحلام والايــام سـود

* * * * * * * * * * * * *

من طرف **7arf** 12/30/2008, 3:30 am

ثيودور إسم النفس حب يجورهـــــــــا = وللصـهــيــنـة يترأس بمسرورهــا
وبعدو إجا حاخامـــها ومغرورهـــــــا = تاألفــــــوا التلمـــوذ كذبي بدورها
رجال المبادي بالتحية بزورهـــــــــــا = كلـــــــمةّ المبدى عايشي بدهورها
ولوما بكلمةّ صدقنا قسمــــــــنا اليمين = قبل الرصاصة الارض مابتزورها
===============

من طرف **عمار البراضعي** 12/31/2008, 6:10 pm

يامجد حق الشعب لو كنك عــــــــدم = بحميــــك بالخرطوش تاتصفي علم
ويامخرطش على وراق بي دم القـلم = حاجي حكي مأخوذ من سوق انردم
البيحط فيتو ع خصم دغري انحـــكم = والذيب ســـاطي والدول عندو خدم
وكثر الحكي بالحق ساطع ع البشـر = وســــــجّـل بهاالتاريخ جامعةّ الأمم

* * * * * * * * * * * * * * * * * * * * * * *
التبديل بالكتب المقصود فيها قراءة التلموذ بدل التوراة وذلك بعهد ثيودور هرتزل
الذي ترأس الصهيونية العالمية ودعى الى ذلك لهذا اقول :
الى الآنسة ليلى وحرف
اعتقد انكما على خطأ
وتحياتي وتقديري وكل عام وانتم بخير متمنيا من حرف متابعة الحوار
وعدم التهديد بترك المنتديات

من طرف **7arf** 1/4/2009, 1:58 am

تاتلبس بشعرك عباية مقصـــــــــبي = بدك ذخيري علمها من المكتبي
من العلم نور الكون آية مذهــــــبي = تكوّن نشيد بحرف ضاد ويعربي
رصاصك حرب قسّم طوائف مذهبي = قنـــاص مافرّق لابنت ولاصبي
رصاصك عند مامر ع سوق انــردم = مــاضل قاعد فيه شاعر او نبي
============

من طرف **عمار البراضعي** 1/4/2009, 10:02 pm

لما كيفـارة قال وتحرّك كِـــــــيـــاب = عملوا ع سـطـــح الكون اكـبــر إنقلاب
حكيوا كلام كثير بيفــــــــوق الكتاب = وصــــار الندم يحصد طفالى بلا حساب
خاضوا حرب فيتنام تافـــل الضباب = ونصبــوا كمـــــــائـن متل انياب الذئاب
وتحرروا الأحرار واغتالوا الحــوار = وخلـّــوا الرصاصة تكون عنوان الكتاب

* * * * * * * * * * * *

من طرف **7arf** 1/6/2009, 1:30 am

يامخرطش على كتاب برصاص وحديد = دشر يراع المـوهبي من الدرب حيد
وينك ياجـــاهل مـــــاركس حد الجليد = من كلمتــــــــــو كل الخليقة بتستفيد
وغـــاندي بأرض الهـنـد دوّر كل عيد = وجاهد بكلمة مش رصاصة من بعيد
ولما بعكس نـــوبل بارود استخدمـــوا = ضحّى بروحو المِخترعلك طــوربيد

=============================

من طرف **عمار البراضعي** 1/6/2009, 4:02 am

أيّـا حوار بينفع وأيّـــــا حكـــــــــــــي = مع مجزرة غـــــزة اللي غرقت بالبكي
وأيا ضمير القـال ياشمس اتركـــــــــي = عتـــــم الليــــــالي تضل سودة حالكي
ولو جبت غـاندي وبيدبا يحاكي الزكـي = واكـــــــبـــر عقـــول النابغة للمعركي
مافيك تتفاهم مع الخصـــــــــــم اللدود = بس برصاص النصر ياأرض اضحكي

* * * * * * * * * * *

عمار وحرف رصاصة وكلمة

عمار وحرف رصاصة وكلمة

رد: عمار وحرف رصاصة وكلمة

رد: عمار وحرف رصاصة وكلمة

رد: عمار وحرف رصاصة وكلمة

رد: عمار وحرف رصاصة وكلمة

رد: عمار وحرف رصاصة وكلمة

رد: عمار وحرف رصاصة وكلمة

رد: عمار وحرف رصاصة وكلمة

رد: عمار وحرف رصاصة وكلمة

رد: عمار وحرف رصاصة وكلمة

رد: عمار وحرف رصاصة وكلمة